¹ Yana dxi Señor Jesucristu gueda ne lanu guidxagalunenu Labe, ladu sanabadu latu, bicheca, laguya ² que quite cabe latu nagenda ne ica cabe latu ini iqué tu xtale, gacani pur Espiritu, pur diidxa rini' cabe, o pur ca diidxa ruca' cabe casi ca ñaca ñedani de ladu, seda dxiiña dxi Señor gueda xti tiru. ³ Que gudiditu lugar quite cabe latu nin ti modo. Pue que sacadi ni dede que guedanda dxi guixhale cabe, ne hombre cadi nabiqui chahui' xti guihuini', xhiiñi ni ruxhuxhe. ⁴ Ndinga ni rucalu ne rudxiba lu na laca la, lu guira xhixhe xti Diuxi o ni rusisaca Labe. De modo que, cuhuibe ndani yu'du xti Diuxi ne rului' laca la casi Diuxi. ⁵ ¿Que reda si lu latu dxi na guyua nia latu gudxe latu ca ndi la? ⁶ Ya na latu ma nanatu xhinga ni rucueza' latu , para que labe guihuinibe dxi biasi' si . ⁷ Pur ti ni Diuxi si runi bia' ma cayuni dxiiña, ne tobi lucha si ni rucueza' labe yana dede dxi cuecabe labe de lu neza'. ⁸ Ne Diuxi sudi lugar ni nadxaba di guihuini, ni Señor Jesús suti ne bii si Xti. Señor suni dee labe dxi la gueda xti tiru. ⁹ Dxi ni nadxaba di gueda la? sacani pur ca ni runi binidxaba ne guira xhixhe guenda' xti, ca seña ne ca guenda' ridxagaya ni cadi dxandi, ¹⁰ ne guira xhixhe guenda' rusigui ni gudxiba donda iqué xtobi. Ne guira ca ndi sedani para ca ni cayati, pur ti laca'be que nica cabe guenda' ranaxhi ni dxandi ti saca ñanda ni la cabe. ¹¹ Pur ndinga Diuxi bidi lugar quite ni nadxabe que laca'be. ¹² Ne ndi biquiñe ni ti ganda quiba donda iqué ca ni que ñu ni cree ca ni dxandi laaga biecheca xgudxiba donda iqué tobi ni que naquiñe. ¹³ Peru ladu napa xhide guira dxi gudidu xquixhepe Diuxi pur latu, bicheca ni nadxi Señor. Pue Diuxi gulí latu casi ca nirú cuananaxhi de guendarilaa xti Espiritu ne guenda runi cree ni dxandi. ¹⁴ Ne ndinga ni Laabe bicaridxi be latu pur ca diidxa nacubi xtibe ti saca labe ganda guicabe guira ni sicarú xti Señor Jesuscristu xtinu. ¹⁵ Ne zaca', bicheca, la guzuhua' dxichi. La gucuesa ca zaa ni bisidi cabe latu, gacani pur ca diidxa ni rini nu o pur ca diidxa ni ruca' nu. ¹⁶ Yana, que Señor Jeuscristu xtinu, ne Diuxi Bixhoze nu ni gunaxhi laanu ne zandisabe lanu guira xhixhe dxi ne guenda runi cree nachahui' pur guenda' nandxo' xtibe, ¹⁷ guindisa lanu ne cuu ndani ladxido' no guni nu ni biasi ne guininu de xtidxa be.