¹ Nga runi niru do que de guira, naa cuziene laatu de que guinaba tu, guini'ne tu Diuxi, gucaa ridxitu laa, ne guira binni guni ni naca de guenda rudi xquixhe pe'. ² Pur ca Rey ne pur guira ca ni nuuca' lu autoridad, ti ma ganda laanu guibani nu ne guenda ratadxi lu guiraa guenda ria' ne ni dignidad. ³ Ndi naca sicaru' ne riuladxi Diuxi ni bilá laanu. ⁴ Laabe racaladxi be guira binni guilá ne gueeda ca lu guenda rana xti ni dxandí. ⁵ Ti purti ti Diuxi si nga nuu, ne tobi si nga ni riu' galahui de Diuxi ne binni guidxilayu', Cristu Jesus Binni guidxilayu'. ⁶ Ni bidii laaca laa para gula de guira, para ganda gaca ni guzihuiini lu ca dxi ma nexhe chahui. ⁷ Para ndi nga, naa pia', guca ni naaze ca guiba xti Diuxi ne Apostol. Naa canie' ni dxnadí. Naa naca ti ni ruziidi ca ni cadi Judiu lu guenda runi cre' ne ni dxandi. ⁸ Nga runi, naa racaladxe de que guira hombre guira laadu guinii ne ca Diuxi ne guindisa na ca nandxo', sin xiana, o guenda ridinde didxa. ⁹ Ne saca ca, naa napa gana guira guna gacu ca laari jneza, ne guenda nacha'hui ne guenda bibaquidxi laaca laa, Laaca cadi naquiñe uguuda ca guicha ique ca modo pe jmá sicaru, o gapa ca oro o perla, o laari risaca. ¹⁰ Naa racaladxe gacu ca laari casi naca jneza gacu ca guna ni ruuni ca guenda ria' ra laaca runica dxiiña ni nacha'ui. ¹¹ Guna' naquiñe guiziidi lu guenda rigani, ne lu guira guenda riu' conforme. ¹² Naa que rudie lugar guna gusiidi o gapa ti guenda runi mandar luguia ti hombre, laga guibani be ne guenda rigani. ¹³ Ti purti Adan nga niru guya', ne de raca Eva. ¹⁴ Ne Adan que niguite di cabe laa, peru gunaa que gudxite taata cabe laa para guche' ne ley xti Diuxhi, ¹⁵ Huaxa, laabe zalá be pur gapa be xhiiñi be, pa laacabe zaa ru cabe lu guenda runi cre' y guenda ria ladxido', ne guenda rigú xpiani