² La jkil sok la jta ilil te alal chij te tek'el ta bay wits yu'un Sion. jokimbil yu'un waxuklajunwinik ta bajk' (144,000) te mach'atik yich'obey sbi'il sok te sbi'il te stat te yich'obeyik ts'ibubel ta stiba'ik . ¹ La jkaystojol jun k'op ta ch'ulchan te jich sk'op te bit'il nojelal ja'etik sok tulan chawuk. Te sk'op la jkaystojole ja jich te bint'il ay mach'a yakik ta stijel yarpa'ike ³ Yakalik ta sk'ajintayel yach'il k'ayojil ta stojol te muk'ul natijibale sok ta stojol te chan kojt' te beluk kuxatike sok te mamaletike. Mayuk mach'a ya xu yu'un snapel ate kayojile janax te waxuklajunwinik ta bajk' (144,000) ja te mach'atik ak'bilix skolelik ta balumilal . ⁴ Ja'ito ja'ik te mach'a ma la sboltes ba'ik sok antsetik , melel la xk'uxteyosba'ik te ma ba yalik ta mulil. Ja'ito ja me te mach'a ya sts'aklinik te alal chije chikan te banti ya xbajt'e. Ja'ito ja la yich'ik skolteyelok'el ta stojol te ants-winiketik jich bit'il te sba sit ya x-ochta stojol te Dios sok te alal chij. ⁵ Mayuk jun lotil k'op lok' ta yej , jich yu'un mayuk smulik ta stojol te Dios. ⁶ La jkil yan ch'ul abat te yak ta wilel ta bay ch'ulchan, ja te mach'a yich'oj te lek yach'il k'op swenta sbajt'el k'inal yu'un ya cholbey yay te mach'atik na'inemik ta balumilal ta bay jujun muk'ul lumetik , chajba chajb tsumbaliletik, yantik k'opetik sok ants-winiketik. ⁷ Tulan k'opaj :"xi'a ikme te Dios sok albeya'ik te yutsil sk'oplal. Melel la sta'ix yora'il te ya x-ich' wan ta k'op. Jame xa wich'ik ta muk' stukel, te mach'a la spas te ch'ulchan , te balumilal , te mu'kul ja', sok te slok'ib ja'etik" ⁸ Yan ch'ul abat - ja te xchebalan ch'ul abat - sok jach' xan ta yalel: ch'ayix ku'el , ch'ayix kuel te muk'ul Babilonia, ja te mch'a la yabey yuch' spisil te mu'kul lumetike te vino yu'un spasel te bila ilebilsba'e. ⁹ Ay Yan ch'ul abat - ja te yoxebalan abat - la sts'aklin alel , sok ta tulan la yal: " Teme ay mach'a ya yich ta muk' te muk'ul chambalam te xibantiskba'e sok te slok'ombae sok te me la yich' te marka ta bay sti'bae o ta bay sk'abe, ¹⁰ ja nix jich ya me yuch'uk te vino swenta yu'un te yilimba te Diose, te vino yu'un te Dios te xujt' mayuk bek skapoj sba sok. Te ants-winiketik te mach'a ya yuch'ik jai vino in to, k'axel ya xk'ax swokol ta k'ajk'el sok azufre ta stojol sit yelaw te ch'ul abatetik yu'une sok ta stojol te alal chije. ¹¹ Te xch'aelal te swokole ya xmoj sbajt'el k'inal sok ta sbajt'el k'inal sok maba ya yich'ik lewa ta k'a'al ajk'ubal - te mach'atik yich'ojik ta muk' te muk'ul chambalam te xibantiksba'e sok te slok'onba'e, sok spisil te mach'atik ya yich'ik te marka yu'un sbi'ile. ¹² Jichyu'un ay jun ik'el ta stojolik te mach'a chultesbilik sok ay smalib yu'unik ta spisil ora , ja te mach'atik ya xch'unbey smantal te Dios sok te xch'unjel yot'an te Jesús." ¹³ La jkaytojol jun k'op ta ch'ulchan te jich la yal: Najk'ana to: Binaxme yutsil te mach'atik lajemik ta stojol kajwaltik." "jichuk" xi te espiritu, "Ja swenta'il te ya yichik' lewa yu'un te yat'elike, melel ya me xt'unot bel yu'un te yat'ele." ¹⁴ La jkil sok la jta ilel te ay jun sakil tokal le'a. Te ay mach'a nakal ta sba te tokal te pajal sok yilil te snich'an te winike. Ay yich'oj jun skorona ta sjol te pasbil ta oro sok jun k'aj bak (Hoz) juxbil ye te stsakoj ta sk'ab. ¹⁵ Jich yu'un ay yan ch'ul abat te lok'tel ta bay snaj te Dios sok tulan la yik'tel lok'el te mach'a nakal ta bay tokal: " Tsaka te ak'aj bake (Hoz) sok jajch'an ta k'ajow. Melel la sta'ix yora'il te k'ajoje, melel yijix te sit awal ts'unubil ta balumilale." ¹⁶ Jich yu'un te mach'a nakal ta bay tokale la slik yay te sk'aj bake (Hoz) ta bay balumilal, sok jich la yich' k'ajel te sit balumilale. ¹⁷ Ay yan ch'ul abat lok'tel ta sna te Dios ta bay ch'ulchan; janix jich yich'oj jun k'aj bak te juxbil ye. ¹⁸ Jich yu'un ay yan ch'ul abat te lok'tel ta bay yawil majt'anil te bay ya xchik'ik te pome, ja te mach'a yich'oj mantal yu'un te k'ajk'e. Ja la yik'tel ta tulan k'op te mach'a yich'oj te k'aj baj te juxbil ye:" Tsaka te ja k'aj bak te juxbil ye sok tsoba te tsob ts'usub te ay ta banti balumilal, melel te ts'usubetike syijilix." ¹⁹ Te ch'ul abate la slik yay te sk'aj bake ta bay balumilal sok la stsob te sit ts'usub te la yich' k'okele ta bay balumilale sok la xch'oj ochel ta bay muk'ul yawil vino yu'un te yilimba te Dios. ²⁰ Te yawil te bay la yich' pits'el te ts'usube la yich lokeselbel ta bay sti'il te lume sok lok'tel ch'ich le'a ja te stoylejale jich k'ot te bi'til snajt'il kojt' caballo sok te yoke ja jo'lajun winik sok tab (320) kilometro.