¹ .-Ta patilal la yak' bonik ch'ix bale' ja' yu'un te ya tu'untses jich p'it'il jawubil te' te sp'isjibal. Sok jich la yalbon. "Jach'an sok p'isa te snaj yu'un te Diose, sok te skajtijib' mat'anil, sok ajteya te mach'atik ya yich'ik ta muk' lea. ² .-Ma me xaj sp'is te yamakul te sna te Diose, yu'un ak'botix ta jwenta te jyan lumetik. Ya me xpech'ulanik ta tek'el te ch'ul lum ta cheb' yox winik (42) u'. ³ .-Jo'on ya me jkabey ta jchebalik te testigoetike te tulan yat'elik, yu'un ya yalik' te bila yax k'ot ta pasel ta oxbajk' sok oxwinik (1,260) k'aal, te slapojik sk'uik yu'un swenta mel ot'an. ⁴ .-Te cheb testigoetike, ja' me te cheb olivoe-teetike sok te ch'a ch'ix xtuchtijib k'ajk' te tek'atik ta stojol te kajwaltik te ja' Dios yu'un te balumilale. ⁵ .-Te me ay mach'a ya yutsinik te cheb testigoetike, ya me slok' k'ajk' ta yeik, jich ora nax me ya xlaj te yajcontroe. Chikan mach'a te ya sk'an yutsine, ya me xla yu'un. ⁶ .-Te cheb testigoetike ay me tulan yat'el yich'o yu'un ya stak' smak' te ch'ulchanej, ma ba ya xtal ja'al te jayeb ka'al yu xk'opojik te alwanejetike. Ayik me yu'elik yu'un te ya sel te ja'e ta ch'ich' sok ya yech'entsel te babalumilale ta swenta spisil woklajel, k'alal ya k'an yot'anik te ya spasike. ⁷ .-Ja'uk me to, k'alal lajix yot'anik spasel a te yat'el te testigoetike, te muk'ul chambalam te xibantik sba ya me xlok' tel ta xa'ab te mayuk slajibal ya me spas kerajel sokik. Ya me stsalotik yu'un sok k'axel ya xmilotik. ⁸ .-Te sbak'etalike tixil me ya xilik ta skayeul ta bay muk'ul pam lum (te muk'ul lum Sodoma sbiil sok Ejipto sbiil ta alel sk'oplal) te banti la yich' jibanel ta kruz te kawaltike. ⁹ .-Oxeb k'aal sok olil' ta spisil te yanyantik jlumetik, yanyantik sts'umbalike, yanyantik sk'opike, sok yanyantik muk'ul pam lumetik, ya me yilbeyik te tixatik te sbak'etal te testigoetike. Spisilk ma me yak'ik' te ya yotesik ta mukenal ch'en. ¹⁰ .-Te mach'atik nainemik ta balumilale ya sbuts'naj yot'anik swenta yu'un te lajemix ya yilik sok ya spasik k'in yu'un. Ja' nix jich ya me yak'bey sbaik smajt'anik yu'un; melel bayal k'ax swokolik spisilik te mach'atik kuxinemik ta balumilale, swenta yu'un te cheb ajwanejetik yu'un te Diose. ¹¹ .-Ja'uk ma to; ta patilal te k'axemixa te oxeb k'aal sok olil. Te Diose la xch'a kuses te testigoetike sok tejk'ajik jach'el. Jich spisil te mach'atik la yilike jach muk'ul xiwel ta stojolik. ¹² .-Jich yu'un, te cheb testigoetike laj yaiy stojolik te ay mach'a k'opotel tulan ta ch'ulchan te jich albotik: "Mo'oniktel le to'! " Jich yu'un moik beel ta ch'ulchan potsot' moelik ta tokal, pisilik ya yilik te yajcontroikej. ¹³ .-Ora nax tal tulan jnik'el, sok jich jin ta xejt' ta jlajunxejt'el te muk'ul lume. Juk' mil (siete mil) te ants-winiketik te lajik yu'un te nikele sok pisik te mach'atik kuxulik jilele och' xiwel ta yot'anik sok jich me kaj yalbeyik yutsilal te Dios te ay ta ch'ulchanej. ¹⁴ .-K'alal te xchebal muk'ul woklajele. ¡Ilawilik! ya me xtatix te yoxebal woklajele. ¹⁵ .-Jich yu'un te juk'ebal ch'ul abat la yok'sin te yok'ese, te ay mach'atik k'opojiktel ta ch'ulchan son jich la yalik: "spisil te awajliletik yu'un te balumilale ja' ajwalilix yu'unik te kajwaltik sok te Cristoe. Ja' me ay ta ajwalinel sbat'el f'inal ta sbat'el k'inal". ¹⁶ .-Jich yu'un te chaneb xch'awinik (24) ta tul mamaletik te mach'atik nakalik ta smuk'ul naktijibik ta stojol te Diose, la spajk'an sbaik koel ta lum, ta stinan sbaik koel, sok la yich'ik la muk te Diose. ¹⁷ .-Jich la yalik "ya jkaltik vayal wokol la stojol kawal, Diosat te spisil ya xju' awunej, a talel ayat ta namex, ta ora to sok te nopol ya xtalatixe, melel te ja'al la wak'ix la ilel te smuk'ul a wu'ele sok jajch'atix ta ajwaline a tuk'el. ¹⁸ Te muk'ul lumetik bayalilinik, jauk me to k'otix yorail te a wilimbae. K'otix te sk'alel, yu'un te mach'atik lajemike ya me yich lik'bel te bila la spasik sok te ya walbey stojol sk'ap'ik pisilik te alwanejetik a wu'un, te mach'atik ch'unjeletik sok te machatik la xi-ik te a ch'uul sp'iile; pajal, chikan te me muk o tsail. K'otix yorail, te ya awak' ta lajel te mach'a ya boltes te balumilale". ¹⁹ Jich yu'un, jam te sna yu'un te Diose te ay ta ch'ulchan sok la kil te xkaxail te trato (pacto) te ay ta yutil sna te Diose. Sok chiknal jajch'el tsantsewal, sok ay bila yak la bul ta k'op, sok lulan chawuk, sok tulan nijk'el sok tal tulan bat.