¹ Jich te Jesuse Jajch' ta nopejswane ta Señail K'opetike jich la yal: " ay tal winik te la sts'un ts'u subiltik la sjuy ta ts' ajk ta sjuyubal te k'inale, jich la Sok' xch'enal Swenta spitsibal te ts'usube. Sok la spas iljibal k'inal Swenta yu'un ja ya yich' kanantayel ja te ts'usubiltike. la yak' Jilel ta wentainel te ts'usubiltik, Ja ya'un k'ejelto bat ² k'alal la sta yorail ya yich'tulel ,jich la stikunbael tul yabat ta stojol te at'eletike,swenta yu'un ya yich bel xujt'uk te site ts'usube. ³ Jauk me to la stsakik, la Smajik, mayuk bila la yakbeyikbeel. ⁴ Jich' yan buelta la stikun bael yan yabat, Jauk meto la yejch'entesbeyik te sjole sok la xk'exlantesik. ⁵ la stikun bael xan yan yabat jauk meto la smilik. Te kananteywanejetik Janich Jich la smajik ta chaoxtal ja jich la smilik te yantike. ⁶ Ja' uk me to ay tul yan te la stikun baele, ja te snich'an te k'ux ta yot'ane. Ja xanix te tul te la stikunbaele. Jich la yal: "ya me yich'bonik ta muk ' te jnich'ane:" ⁷ te at'eletike Jach' yalbeysbaik' Jainto Ja te ya xjil ta swenta te kinale laik kunik Jmiltik, Jich ya kunintik te smajt'an k'inal ⁸ Jich la stakik, la smilik, sok la xch'ajik lok'el ta spat te ts'usubiltike ⁹ Jich yu'un ¿ Beluk ya spas te yawal te ts'usubiltik? ya me sujt'el sok ya yich'ik smilel te at'eletik sok ya me sle xan at'eletik te swentaine te ts'usubiltike. ¹⁰ ¿ ma bal Ja k'oponoil te bila ts'ibubile?: Ja in ch'en to, pas naetike ma stu' un yu' unik Ja nax ya xtu'un yu'un te xchikin te nae ¹¹ Ja la yak k'otok ta spasel te kajwaltike, sok mero t'ujbil ya Jtalik ta ilel? ¹² Ja ik la k'an la ts'akik te Jesuse Ja uk meto la xi-ik te ants-winiketike Ja yu'un sna ojik te ja la chol te señail k'ope, Jich la yikiteyik Jilel bajtik ¹³ jich la stikunik bael te ba hay te Jesuse cha' ox tul fariseoetik sok te Herodianos jich las k'an sloleyik sok k'opjeletik ¹⁴ Te k'alal k'otike, la yalbeyik: Maestro yaj na' tik te ma' xtuun a wu'un te snopjibal yu'un te yantike sok te ja' a te ma tsabiluk nax ja wu'un te mach'a ya a wich' ta muk'e sok smelelil ya a bijtesotik ta banti sbe te DIOSE.¿Lek bal te yaj tojbeytik spatan te cesare? ¹⁵ Te Jesus sna'oj te cha' lam yot'anik jich la yalbey: ¿bistuuk te ya' a wilbonik jkot'an? ich'boniktel jun denario te jich ya stak' jkil aa. ¹⁶ ja' yu'un la yich'beyik bael jun te Jesuse. jich albotik: ¿mach'a yilel a te ya' a wilike? la yalik: ''ja' te cesare'' ¹⁷ Jesus ya yal: ak'beyaik te cesare te beluk yu'un te cesare, jich te Diose ak'beyaik te beluk yu'un te Diose. Jich yanax la yaysbaik yu'un te Jesuse. ¹⁸ Te Saduceoetike, ja'ik te mach'atik ya yalik te mayuk cha' kuxele, bajt'ik ta ba hay te Jesuse la sjojk'ebeyik: ¹⁹ Maestro, te Moises la sts'ibuy taj wentatik: ''TEME HAY SBANKIL TE TUL WINIK TE YA XLAJE, YA YIJK'TAY TUL YINAM TE MA NICH'NAJ SOKE YA BA STAK' YIK'BEY YINAMIN SOK TE YA XNICH'NAJ TA SWENTA TE SBANKILE'' ²⁰ Jauk me to hay juk tul bankilaletik, te tule la yik' yinamin jich laj, mayuk la yijtey xnich'an. ²¹ Jich te xchebal la yik' yinaminuuk ja nix jich lajuuk,ma nich'najuk. Ja' nix jichuk te yoxebale. ²² Jich te sjuk tulik ma la yijtey sts'umbalik. Patil lajuk te antse. ²³ Te k'alal ya sta yorail te cha' kuxele, sok te k'alal ya xcha' jajch'ike, ¿mach'a me ya yik' yinamin te antse? melel te juk tul bankilaletik la yinaminik te antse. ²⁴ Jesus la yal: ma ja'uk ch'ayematik melel ma snabeysbaik te bila ts'ibubil ta sjun te Diose sok te yu'ele? ²⁵ Melel te me jajch'ik tel spisilik ta ba' ay aelmaeletik, ma ba ya xnujbinikix. Sok ma ba yak'ikix ta nujbintesel, melel jich ya xk'oik te bit'il ch'ul abatetik ta ch'ulchan. ²⁶ Te k'alal ya xcha' kuxik te mach'atik lajemike ¿ yu'un bal ma k'oponjik te ba hay sjun Moises te k'alal k'oponot te Dios ta pejt' ch'ix, jich la yal: Jo'on te Dios yu'un Abraham, Dios yu'un Isaac, sok Dios yu'un Jacob. ²⁷ Ma ja'uk Dios yu'un aelmaeletik, ja' Dios yu'un te mach'a kuxulike. Ja'ex te ch'ayemexe. ²⁸ Jtul jtsibujel tal, la ya stojol te bek yak' yalbeisbaike; ja' la yil te lek la sut' te Jesús La sjojk'ibey:"¿Bi mandalil te mero muk' sk'olal ta spisile?" ²⁹ Te Jesús la sut'bey:Te mero muk'sk'oplal ja' into:Aiya awaiyik stojol Israelitik; te kajwaltik Dios ku'unitik, jun nax te kajwaltik, ja' te kajwaltik Dios. ³⁰ Te ja'atik ya me sk'an ja' k'anik te kajwaltik Dios sok spisil awo'tanik, sok spisil ach'ulelik, sok spisil sno'ibal ja wunik, sok spisil te awipe." ³¹ Te xchebal mantalil ja into: !Te ja atik ya me sk'an ja k'anik te ja wermanoe jich bit'il ja k'anojabae ma'yuk yan mandalil te meromuk' sk'oplal te bil'il into. ³² Te jtsíbujel la yal:"¡Lek te bila la awal Maestro! melel xawal te junax te Dios, sok te mayuk yane. ³³ Sok te ya k'antik sok spisil kot'antik sok spisil snop'ibal kuuntik sok spisil te kiptik, sok ya kántik te kermanotik jich bit'il te ya k'anbatik, ja mero tulan sk'oplal ta pasel, yan te chik'bil mat' anil sok milbil smajt'an Dios jo'o stukel." ³⁴ K'alal la yil te Jesús te la sjak' sok sp'ijil sjol, jich la yalbey: ma bal nat' ayat ta stojol te awalinel yu0un Dios." ta jpatil mayuk mach'a la sjok'bey xan ³⁵ Te Jesus la sjut' k'alal yak ta p'ijubteswanej ta templo jich la yal:"¿Bit'il ay te ya yalik te jts'ibujeletik te ja' snich'an David te Cristoe? ³⁶ Te David janix la yal ta swenta te ch'ul Espiritu: Te kawaltik Dios la yalbon, kawal:Naclan ta swa'el kab ja'to teme la kak'bat ta yanil ja wakal te ja kontroe." ³⁷ Te David janix la yal te Cristo ja kawal jich' yu'un ¿Bit'il ay a te ja' snichan te David te Cristoe?" te muk'ul lum binax yot'anik la yayik stojol ³⁸ Ta k'alal yak ta nop'eswanej te Jesús la yal:"Bijanikme yu'un te jts'ibujeletike te mach'atik yax beenik nat'il sk'uike sok yich'ik pat'bel yot'anik yu'un te mach'atik ayik ta ch'iwich, ³⁹ sok ya sk'anik snajk'an sbatik ta lekil nat'ibal yu'un te sinagogae sok te ya smakik ta ora te sbabial naktibaletik ta bay ya stsob sbaik ta we'el te awaliletike. ⁴⁰ Sok ya spojbeyik sna sbiluk te me' ba antsetike sok jal nax ya sk'oponik Dios yu'un ya sk'anik ilel. Ja winketik to ya yich'ik muk'ul castigo. ⁴¹ Jich yu'un te Jesús najk'a ta banti nopol yu'un stsobjibal smat'an Dios ta bay yut'il snaj Dios; te Jesús yak'ta yilela te ants-winiketik te k'alal yakalik ta yak'el ochel stak'nik ta bay yawil. Bayal ants-winiketik te k'ulejetik ya kalik ta yak'el bayal tak'in. ⁴² Ja' uk me to tal jtul me' ba ants te mayuk bila ay yu'un, la yak' ochel cheb ch'in sakil-tak'in ⁴³ Te Jesús la yik'tel te nopojeletik yu'une, jich la yalbey:"Jich ja'mal ya kalbeyex, te me'ba ants to te mayuk bi la ay yu'une k'ax jich la yak k'oem stukel te bit'il la yak'ik te yantike ta bay yawil smat'an Dios. ⁴⁴ Melel stakel te yantike la yak'ik sobrail yu'un te bek ay bayal yu'unike yan stukel te me ba ants la yak' yu'un smebal, la yak' spisil te stak'in te ja' yu'un ya xkuxina."