¹ Jo'on te bit'il ts'usub te lek ya yak' te site, jich ja kanan-ts'usub te jtate. ² Ja ya slok'es spisil te sk'ab-k'ab te bay ma yak'ix te site, sok ya set' lok'el, sok spsil te banti ya yak te site ya yuts'tes xan stukel, yu'un yakuk xan yak bayal sit. ³ Te jaexe uts'tesbilexix yu'un te jk'op te jkalobeyexe. ⁴ Kaxel me xa wak'a baik ta jtojol, jich k'axel me ya jkak'ba ta atojolik uuk. Jich te bit'il sk'ab-sk'ab ts'usub te ma xju' ya yak sit ta stukel teme ma snitojuk sba sok te smuk'ul yak'ule, ja nax ya xch'i teme snito sba soke, jich nix te jaexe , ma xu' awu'unik te ya sitinex teme ma k'axel uuk awak'a baik ta jtojole. ⁵ 7Jo'on te bit'il ts'usub te lek ya yak' te site, te jaexe jichex bit'il te skab-k'ab. Te mach'a ya yak' sba ta jtojole jich nix me ya jkak' ba ta stojol uuk, jich me ya yak ta lek sit, yan teme k'ejel ayex ta jwentae, mayuk bi ya xu' awu'unik spasel. ⁶ Teme ay mach'a ma yak'oj sba ta jtojole, ya me yich ch'ojel jich bit'il te sk'ab te ts'usube jich me ya xtakinaj; sok ya yich ch'ojel ochel ta bay k'ajk'. ⁷ Teme ya awak'a baik ta jtojole, sok teme awak'a baik ta stojol te jk'ope, k'anaik spisil te ya sk'an te awot'anike , jich me ya awich'ik ak'bel. ⁸ Sak te jaexe jauk me nopojelex jku'un. ⁹ Jich te bit'il k'uxon ta yot'an te jtate,jich te jaexe k'uxcx me ta jkot'an uuk jich yu'un ainanik ta bay te xk'uxul Jkot'ane. ¹⁰ Teme la ch'umbonik te jmantale,te jaexe ayatik ta bay te xk'uxul jk'ot'an,jich bit'il te jo'one jch'unobey smantal te jtate,jich ainemon ta bay te xk'uxul yot'ane. ¹¹ La jkalbatik spisil in to swenta yu'un ayuk me te sbajt' jkot'an ta cuentaik jich ts'akal me ya ataik te sbajts' awot'anike. ¹² Ja jmantal te ya jkalbeyexe, ja te k'ux awayabaik ta jajatal.jich bit'il te k'uxex ta jkot'ane. ¹³ Mayak mach'a k'ax jich ay xk'axal yot'an te mach'a ya yak' sba ta lajel swenta yu'un te mach'atik saytake. ¹⁴ Te ja'atike jan kot'an batik teme ya apasik spisil te bek ya jkalbexe. ¹⁵ Ma ba ya jkalbeyex abatetik melel te abate Ma sna' te bek ya spas te ajwalil yu'une,te jo'one jkalobeyex juxtak,melel te bek jka,yajistol yu'un te jtate,jkak'obeyex me anaik. ¹⁶ Te jaexe ma jauk la atsaonik,jauk me to, te jo'one ja la jtsaex,swenta yu'un te yakuk xbeerexe sok te ya sitinexe,sok te sit te ya awak'ike ma ba ya xlaj,jich yu'un spisil te bek ya ak'anik sok te jatat ta jbiile,ya me yak'beyek. ¹⁷ Te jmantal te ya jkalbeyexe; k'ux me xa wayabaik ta jujutul sok awot'anik. ¹⁸ Teme ya yilayex te balumi lale , na'oik me stojol te ja neel la yileyonik. ¹⁹ Teme ayex sok te mach'atik ay ta balumilale,jich me k'ux ya yaiyex te jichuke.jauk me to te jaexe mayukex sok te balumilale melel jo'on jtsaojex ja swenta yu'un te ya yilayex te balumilale ²⁰ Juluk me ta awot'anik te bek la jkalbeyexe; tul abat ma jauk kajal sk'oplal ya xk'ot ta stojol te yajwale'.Te jo'one la natsoik,jich me te jaexe ya me awich'ik nutsel uuk;teme la sk'ajbonik te mantale,jich nix ya yich'beyex ta k'ejbel uuk te bila,ya awalike. ²¹ Spisil in to ya spasbe yex ta swenta te jbiile,melel ma sna'ik te mach'a la stikunon tele. ²² Te manchuk tal kone sok te onchuk la jcholboy te sk'oplalike ,jich mayuk smalik te jichuke,jich in ora to mayuk bin stak yalik yu'un te smalike. ²³ Te mach'a ya yilayone,jich nix ya yiley te jtate. ²⁴ Te manchuk la jpas spisil te bintik at'elil te mayuk mach'a la spase,mayuk smulik te jichuke,jauk me to la yilikix,jich ya yilayonik sok te jtate. ²⁵ Jauk me to ja yu'un te yakuk spasta te bek albil sok nayk'anbil ta bay smantal;'JA'IK TE MAYUK SWENTAL LA Y, LA YONIKE; ²⁶ Te kalal ya xtal te mukteswanej-k'inal awa'unik te ya ikunbeyex tel ta swenta te jtate,ja me ya yalbon Jk'oplal tukel.Ja te Espiritu yu'un te bi la melele te ja talem ta stojol te jtate. ²⁷ Jichek te jaex uuke ya me awalbonik ta jamal te jk'oplale melel ja jokinojonik ta xjajch'ibal to tel.