1
Ta xjajch`ibal ay te k`opile te k`opile te k`opile ja jun sok te Diose sok ja te Diose.
2
Ja xjajch`ibal sok te Diose.
3
Spisil ja la spas te beluk aye, xujt`uk mayuk te ma jauk pasbil ta swenta.
4
Ja ay ta swenta te kuxlejal sok te kuxinel ja xojobil yu-un spisil te ants-winiketik.
5
Te xojobil ya xlem ta ijk`al k`inal sok te ijk`al k`inal ma ju yu-un stubel.
6
Ay tul winik te tikunbiltel yu-un te Diose, te Juan sbi-ile.
7
Ja tal yalbey sk`oplal te xojobil k`inal, yu-un jich me stejk`elik ya stak` xch`unik ta swenta.
8
Te Juane ma jauk te xojobil k`inale, ja tal yu-un te ya stak` xcholbey sk`oplal te xojobil k`inal.
9
Ja ito ja te smelil xojobil k`inal, te ya yak`bey xojobil spisil te winike tike, sok te xojobil k`inal ya xtal ta baluminal.
10
Ja ay ta baluminal sok te balumilal ja pastaj ta swenta te balumilale ma la snabesba.
11
Ja tal ta stojol te yu-une, te mach`atik yu-une ich`ot ta muk:
12
Jauk meto te spisilik te mach`atik ich`ot ta muk` te mach`atik xchu`unejik ta swenta sbi-il, Ja la yak`tilabey te bit`il ochik ta yal- xnich`anik te Diose.
13
Ma ta swentauk chich` te bejk`ajik, sok ma ta swentauk bak`et ma ba jauk ta swenta te winike, ja ta swenta te Diose.
14
Te k`ope k`atbuj ta chich` bak`et sok na in ta jkoliltik. jkiloj beytik te yutsilale te yutsilale jich te bit`il tul xnich`an te tal ta swenta te tatile, te nojel ta utsilal sok smelelil.
15
Te juane ja la xcholbey sk`oplal jich ya ya:" Jaita ja te mach`a ya jcholbey sk`oplal:` Te mach`a ya xtal ta patilal ja kajal sk`oplal stuk`el, ayix stukela te k`alal ma to xchiknajona te jo-one.
16
Yu-un te yutsil yot`ane spisiltik jkich`ojtikix te jujun k`a-al yak ta esmajel.
17
yu-un te mantalile ja la yich ak`el ta swenta te Moisese. Te utsilale sok te smilile julik ta swenta te Jesucristo.
18
Mayuk mach`a yiloj te Diose. Te jip tul Dios, te ja junax ay sok te tatile, te ja la yak ta nael stojol.
19
Jaito ja sk'o te Juane, te judiotike la stikunbeyikbel te muk`ul wolwanej sok te levitaetike k'alalto ta Jerusalen yu-un ta sjojk'obeyik: "¿mach`a-ata te ja-ate?".
20
Jamal la yaltilabey sok ma ba la smuk, ya yal: "ma ba jo-on te Cristoe".
21
Jich yu-un la sjojk'obeyik xan: "¿mach'a-ata jiche? ¿ja-at bal te Eliase?" jich la yal :"Ma jo-ocon." jich la yalik:" ¿ja-al bal te alwaneje?" Ma jo-ocon xi".
22
Jich la yalbeyik:" ¿Mach'a-ate jiche? yu-un te ya stak' jkak'betik sujt'ib te mach'atik stikunojotiktele. ¿Beluk ya stak' ja walbotik yu-un te ja-ate?.
23
Jich la yal :"Te jo-one ya xk'opojon, te ya x-awun ta jochol takin k'inal: 'chajbanaik te sbe te Diose; jich te bit'il la yal te alwanej Isaias".
24
Te mach'atik tikunbiliktel yu-unik te fariseoetike.
25
Jich la sojkoyik sok jich la yalbeyik: "¿bistuk te ya wakix ich' ja jiche, teme ma jaukat te Cristo, ma jaukat te Elias, sok ma jaukat te alwanej?".
26
Te Juane jich la yal: "Te jo-one ya jkak' ich' ja sok ja. Juak meto, ay tul te ay ta wolilik te ma nabesbaik.
27
Jaito ja te mach'a patil ya xtal jku-une, te jo-one mayuk jtu-ul ma xu jku-un te ya jtilbey te yak'ul xanabe.
28
Jaito ja k'ot pasel ta lum Betania ta mejch k'inal yu-un te Jordán, te banti ya yak' ich' ja te Juane.
29
Ta yan k'alil, te Juane la yil te Jesús te yak ta noptsajeltel ta stojol jich la yal: "¡Ilawilik jaito ja alal chij yu-un te Dios te ya xu yu-un xch'aybey smul spisil te balumilal.
30
Jaito ja te mach'a la jkalbey sk'oplale: patil ya xtal tul winik te ja ne-el jku-une, yu-un ja sbabeal jku-un.
31
Te jo-one ma jnabesbauka, jauk meto ja yakon yak'eltel ich' ja yu-un sok ja yu-un jich ya ya yich' ak' el nael stojol ta Israel".
32
Te Juan jich la yal xan: "Te jo-one la jkil te ch'ul espiritu kotel jich bit'il tsumut ta ch'ul chan jich ain ta stojol.
33
Te jo-one maba jnabesba, jauk meto te macha la stikunontel ya yak'el ich' ja ta ja jich la yalbon: 'Te mach'a ya wil te ya xul ta stojol te ch'ul espiritu ya xkotel sok ya xjil ta stojol. ja me ya yak ich' ja ta ch'ul espiritu.
34
Te jo-one ja jkiloj sok smelil yajkal te ja-ito ja xnich'an te Diose".
35
Ta yan k'a-alil te Juane sjoinej chatul te nopojeletik yu-une.
36
Ya yil te yak ta k'axelbel te Jesus, jich la yal :"¡ilawilik, te alal chij yu-un te Dios!".
37
Te cha tul nopojeletik k'alal la yayik stojoli to, la st'unikbel te Jesuse.
38
Te jesuse la sutbatel jich la yil te yak ta t'uneltel, jich la yaltilabey: "kajwal, ¿beluk ya leik?" jich la sutik: "kajwal, ¿banti nainemat?".
39
Jich la yaltilabey :"laik jich ya wilik." jich bajt'ik la yilik te banti nainem; jich jilik sok sunal k'a-al, yu-un xchane-xchanebix ora amalel a te k'a-ale.
40
Ay tul ta xchebal te la yaiy stojol k'opoj te Juane te la stsak'limbel te Jesuse ja te Andres, te sbankil te Simón Pedro.
41
Ja ne-el la sta te sbankil te Simón, jich la yalbey :"La jtatikix te Mesias" (Cristo).
42
Jich la yik'bel ta stojol te Jesuse. te Jesuse layil, jich la yal :"Ja-at bal Simon, te xnich'an te Juane ja-at ya wich' ak'bel ja bi-ilin Cefas" (Pedro).
43
Ta yan k'a-alil, te k'alal k'an lok'okbel te Jesus ta Galilea, la sta te Felipe jich la yalbey :"t'unawonbel'.
44
Te Felipe ja slumal te Betzaida, te janix slumal te Andres sok te Pedro.
45
Te Felipe la sta sba sok te Natanael jich la yalbey :"jaito la jtatikix te mach'a la stsibubil jilel sk'oplal yu-un te Moises ta mantaliletik sok te alwanejetik, te Jesus, te xnich'an te José te talem ta lum Nazaret".
46
Te Natanael la yalbey :"¿ay ba bi lek ya xlok'tel ta lum Nazaret?" Te Felipe la yalbey :"la sok ba-an".
47
Te jesuse la yil te Natanael te yak ta noptsajeltel ta stojol jich la xcholbey sk'oplal :"¡lawilik, tul smelelil israelita, te ma sna loliwanej!".
48
Te Natanael la yalbey :"¿banti la nabonbaj te jo-one?" te jesuse jich la sut sokjich la yalbey :"Te k'alal le ayata te banti yanil ste-el te higoe, la jkilat".
49
Te Natanael jich la yal :"¡kajwal ja-at te xnich'anat te Dios! ¡ja-at ajwalilat yu-un te Israel!".
50
Te jesuse jich la yal :"¿bistuk te la jkalbat :'la jkilat ta yanil te ste-el higuera; ya ba ch'u-un? k'axtoxan jich ya wil ta patilal".
51
Jich altilabot :"ta smelelil ya skal-batik : ya wilik te ya xjam te ch'ulchane, sok te ch'ul abatetik yu-un te Diose ya xmoikbelsok ya xkoiktel ta stojol te ninch'anile".