¹ Ja te Cristo la yakbotik kolel ja yuun kolemotikix. ja yuun juun me ja wot'anik x-ainex ma me sut'ex ta chukel yuun te wokolil. ² Ilawilik' joon, Pablo ya kalbeyex ta tojolik teme la wak'abaik ta circuncision, ma xtunix a wunik te Cristo. ³ Ya jcha jkal, pisil winik te ya yak' sba ta circusicion sujbilme ta xch'unel spisil te beluk ya yal te mantalil. ⁴ Te jaatik lok'ematik ta stojol Cristo, te me ja aleik te lek ak'oplalik ta swentanax te mantalile; te jaexe ma ba awaybeyik yutsilal te yutsil ot'anile. ⁵ Ta swenta te espiritu, te xch'uunjel kot'antik, te jootik yakotik ta smaliyel sok mukul kot'antik te bek toje. ⁶ ta stojol Cristo Jesus, mayuk stuul yax k'ot te circincision sok te mach'a ma yich' oj te circuncision, janax te ch'uunjel ot'anil ya yich pasel ta swenta kuxul ot' anil. ⁷ Lek yakex alimal bahela. ¿mach'akatik la makex yuun te lajuka ja ch'unik te smelelil? ⁸ !te mach' a la slolabey ja wot' anik ma jauk la yaktel te machá yikójex! ⁹ Xut'uknax te levadura ya smuktes spisil te mats. Ay smukul kot'an ta kawaltik te jaexe mabal ya xyana npojibal ja wuunik. ¹⁰ Ja te mach'a yakal ta chebtesbel ja wot'anik ya me sta wokolil, chikam mach'aae. ¹¹ Kermanotak, te joon yakukon ta yalel sk'oplal te circuncisione, ¿Bistuk yakalon tó ta nutsel te jichuke? jauk meto te bila ya smakotik ta stael te cruz la yich'ix tijel. ¹² Janix jich te mach'a ya xchebtesbex ja wot'anik, ya jk'an te yakuk sboj sbaik stukelik yuun ma xnich'najikixae. ¹³ Ja la wich'ik ik'el yuun te kolel.Te kolele mame jauk ja kuyik yuun te ya stak ja pasik te beluk smulan ta mulawil te ja bak'etalike. jauk meto abatinamebaik yuun xkuxul ja wotánik. ¹⁴ Jich me te mantal yax k'ot ta jun nax: "ya me ja k'an te ja pat xuk' jich bit'il ja k'anoj ba". ¹⁵ Ja tsin te me ya ja tiabaik sok teme amen ja wilabaik ta tulutul, kanantaya me baik yuun ma ja jinabaik ¹⁶ Jich ya kalbeyex, benanikme ta stojol Espiritu ja yuun ma bal ya ja pasbey sk'anjel yot'an te mulawil bak'et. ¹⁷ Ja yuun te sk'anjel yot'an te mulawil bak'et skontrainej te yuun Espiritu. Te sk'anjel yot'an te Espiritu skontrainej te yuun mulawil bak'et. pisil ora yakal ta stsakbel sbaik, jich yuun te jaatike ma stak ja pasik xan te belu ja mulanik. ¹⁸ Te me jaa ya stojtexex te Espiritu, mame bay sujbilexix yuun te mantalile. ¹⁹ Chikanme ta ilel te yat'elul te mulawil bak'et ja to: ilabil sba bina spas sok te sbak'etalike, yuts'inej sbaktalik, te smulanel te beluk sk' an te bak'ete, ²⁰ Chuunjej yotánik ta lokomba, slaj'in baik sok pik'k'abaletik, tsaktomba, paichawanejetik, laot'anil, kontroiwanej, tsaktomba, xattomba, ²¹ Bik'ta ot'an, yakbel, jach k'op sok nix yantik. Jamal me ya kalbeyex jich nix bit'il la kalbeyex wojey chajey mach'a katik ya spasik te bina la yichix cholele ma me bay ya sta te yutsilal te ajwalinel yuun te Dios ²² Ja sitin te Espiritu ja te sk'ux ot'anil, sbuts'kinal, te lamal kinal,te maliwanej, te lek ot'anil, yutsil ot'anil, ch'uunjel ot'anil, ²³ te pejtsambatik sok nix te ya tsajteybatik: spisilito mayuk mantalil yuun. ²⁴ Te mach'atik ayik ta stojol te Cristo Jesus sjibanojikix ta krus te sk'anjel yot'an sok te beluk smulanik te mulawil sbak'ete. ²⁵ Teme yax kuxinotik ta Espiritu, beenkotik me ta stojol Espiritu. ²⁶ Ma me jtoybatik sok, ma me tijtilaytij te yanyike, ma me yaj kak'tik sbik'tal kot'an tik ta stojol te yantike.