¹ Ja into, la sta sk’alelal te ajwalil Herodes te la yak’ sk’ab ta chaoxtul te jayeb ta tsob ch’uunjeletik ta bay sna te Diose, yu’un ya sk’an yutsin. ² La smil ta espada te Santiago te sbankil te Juane. ³ Te k’alal la yil ta patil te judioetike la smulanik te beluk k’ot ta pasel, ba yak’tel ta tsakeluk te Pedroe. Spisil into k’ot ta pasel ta sk’alelal we’ waj te mayuk slevadurae. ⁴ Te k’alal la yich’ixtel tsakela te Pedroe, va yak´ta chukel y la yak’ik chaneb ta tsob soldadoetik yu’un ya xkanantayota. Ja yu’un ya sk’anaa te yak ta ilel ta komon sitil ta stojol te lume, janax te me k’ax yorail te pascuae. ⁵ Jich te Pedroe la yich’ ijk’tayel ta bay chukjibal. Ja into, kajik ta sk’oponbeyel Dios, te mayuk skomjibal yu’unik, te jayetul ayik ta bay sna te Diose. ⁶ jun xan k’aal sk’anaa yuuna te Herodes te ya xba yak’ ta ilelaa. jai ak’ubalabi wayalaa te Pedro, lapal ta olil yu’un chatul soldadoetik, chukul ta cha’lijk’ kadenaetik; soy ay kananetik ta bay nopol sti’ tieneel yakik ta skanantayel te chukjibal. ⁷ Ilawilik, jun ch’ul abat yuun Dios ajk’nax chiknajtel ta stojol, sok la xojobtes te bay chukul te pedroe. La yich’ tsakel ta bay smoch te Pedroe jich la yich tijel sok jich la yich’ albeyel-into “jach’an ta ora”.jich ajk’nax til koel te kadenaetik te chukbila te sk’abe. ⁸ Te ch’ul abat jich la yich’ albeyel yu’un-into: “chajp’anaba, sok lapa te axanabe”. Te Pedroe Jich la spas, cha’ k’opoj te ch’ul abat jich la yal “ lapa te anajt’il k’ue sok ts’aklinawon”. ⁹ Jich te Pedroe la ts’aklin lok’el te ch’ul abate. Ma’ la sna’ te me stelemal yak k’oel te beluk yak ta spasel te ch’ul abate. La skuy te yak ta yilel ta swaich. ¹⁰ Ta patil te k’alal k’axemikixaa te sbabialan sok te xchebalan kanantayel, k’otik ta bay sti’nail te pasbil ta tulan tak’in, te jaix x-jach’ibalbeela te lume ; ja’into stukelnax kaj ta jamelbeel te ti’naile. Jich lok’ikbael sok koikbael ta bay bebeetik yu’un te lume, jich oranax ik’tayot yu’un te ch’ul abate. ¹¹ Te k’alal kux k’inal yaiy te Pedroe, jich la yal: “ta ora to ya jna’ te ja’ te kajwaltik te la stikuntel te xch’ul abat, sok jich la skoltayon lok’el ta sk’ab te Herodese, sok te mala yak’on ta ilel ta spamal te lum Judioe. ¹² k’alal la sta ta ilel spisil te beluk k’ot ta pasele, bajt’ ta bay sna Maria te sme’ te Juane te janix sbiilinej Marcos; bayal ch’uunjeletik stsobojsbaik le’a sok yakik ta sk’oponel Dios. ¹³ K’alal k’ot stij te ti’naile, lok’tel tul ch’iel ach’ix te ay ta abatinel Rode sbi’ilinej. ¹⁴ K’alal la snabeysba te ja sk’op te Pedroe, binubnax yot’an yu’un, jauk me to, ma la sjambey jilel te ti’naile, sujd’bael ta alimal ta yutil te nae ; jich k’ot yalbey te yantique te ja’ tek’el ta ti’nail te Pedroe. ¹⁵ Jich la yich’ sutbeyel te ach’ixe: “k’atbujatix ta jowel” jauk meto kajnanix yala te yu’unix melelae. Jich la yalik: ja’ix te xch’ul abat”. ¹⁶ Te Pedroe kajxan ta stijel te ti’naile, k’alal la sjamik te ti’naile, chamnax la yayik yu’un te k’alal la yilik te janixae. ¹⁷ Te Pedroe la spasbey señail sok sk’ab yu’un yakuk xkomik ta k’op, jich jach’ ta xcholbey sk’oplal te bit’il koltayot yu’un te kajwaltik ta lok’eltel ta chukjibal. Jich la yal: albeya yayik te santiagoe sok nix te kermanotaktike”. Jich lok’bael sok k’ejel bajt’ stuquel. ¹⁸ Te k’alal sakub te k’inale, te soldadoetike chamnax la yayik yu’un sok kajik ta sjok’ibesbaik te beluk k’oy ta pasel ta swenta te Pedroe. ¹⁹ K’axix yot’ana te Herodes ta sle’el sok manix la sta-a, te kananetik bajt’ik ta ich’el ta k’op sok la yal mantal te yakuk yich’ik milele. Jich yu’un lok’tel ta bay lum judea jich bajd’ ta cesarea sok le’ jilixaa. ²⁰ Te Herodese mero k’ax ilin ta stojol te ants-winik ta Tiro sok Sidón. la stsobsbaikbael junax a bajt’ik ta stojol. Ju’yuunik ta sujel sok sk’opik te Blasto, ja’ yoksk’ab te ajwalil, yakuk skoltayotik yu’un. Jich yu’un la sk’anik lamal k’inal, yu’uun le’ staik swe’elik ta sk’inal te ajwalile. ²¹ Ta sk’alelal te chapale, te Herodese la xchap’ansba, sok la slap te mero lekil sk’u’ yu’un ajwaliletik, sok la x-chot’ansba ta bay smuk’ul laktib, jich jach’ ta k’op ta stojol te lume. ²² Jach’ik ta aw te antswiniketik “¡ ja’ into ja sk’op yu’un tul dios, ma jauk sk’op winik!” ²³ Oranax te Herodese la yich’ejch’nestesel yu’un tul ch’ul abat yu’un te kajwaltike, skaj te ma ba la yalbey yutsilal te Diose; tok’tel schanul jich lajbael. ²⁴ Yan stukel te sk’op Dios muk’ub sok pujk’ xan ta alel. ²⁵ Te k’alal te Bernabe sok te Saulo ts’akaj yat’elik ta Jerusalén, sujt’ikbael; la yik’ibael sjokinik te Juan, te Marcos yan sbi’ile.