¹ Chu ama kiltamaku Josué katasanilh rubenitas, gaditas chu xa itat xlikiltsukut xkamanan Manasés. ² Chu kawanilh: "wixinan tlawanintit xlipaks wantu Moisés xlak'skujni PUCHINA kamakamaxin.. wixinan kgalhakaxpat'tit kinachiwin wantu kalimapaksin. ³ ni makxtaknintit minatalankan xlipaks kiltamaku, chu la uma kiltamaku. Chu makgantaxtitit mintalitaykan wa xlimapaksin puchina Dios. ⁴ Lanchu PUCHINA DIOS kamaxinit tajaxni xnatalanin, wuantu kamalaknunilh. Manwa kataspitit nak minchikikan nak tiyat wantu milakan, wantu Moisés xlaskujni puchina kamaxkil xakiltutu Jordan. ⁵ kuenta katlawatit laki namakantaxtiyatit xtalakaxtlan chu xlimapaksin wantu Moises xlakskujni puchina Dios kamakamaxin, napaxkiyatit PUCHINA DIOS, natlawana nak xliputum xkatijin, chu na makiya xlimapaksin, chu nastalaniya chu nalakgachixkuwiya xliputum minaku chu xliputum milistakni. ⁶ Chuna Josué kasikulnalilh chu kamaspitli, chu xlakan taspitkolh nak chikikan. ⁷ Lanchu lakchan, xa itat xlikiltsukun xkamanan Manasés, Moisés xkamaxkinit aktum talakgalaman nak Basán, chú xa pulaktum itat, Josué kamaxkil tatain, nak lakatsu nix xtawilanalh xnatalanin nak tiyat xa pakaxuki Jordán. Josue kamakalh nak xchikikan; chu kasikulnalilh. ⁸ Chu kawanilh: kataspittit" kalhipitit min tuminkan nak minchikikan, mintakgalinkan wantu puswenkoy, putum wuantu luxtapalh tumin chu lhuwa lhakat. kama'akpitsitit xlipaks tun kgalhi xtapalh xliputum xtalatlawananin xlipaks xnatalan. ⁹ Chuna chu xlikiltsukut xkamanan Rubén, chu xlikiltsukut xkamanan Gad, chu xa itat xlikiltsukut xkamanan Manasés taspitkol nak xtiyatkan, makxtakgolh amakipitsin xpulataman Israel nak Silo, anta niwi nak xtiyat Cananán. Chu wa ankgolh nak tiyat Galaad, nak xkatiyatkan xwanit, chu kgalhakgaxmatkgolh xlimapaksin PUCHINA, xpalakata xmakan Moisés. ¹⁰ Akxni amakol minkgol nak Jordán wantu wi nak tiyat Canaán. Chu rubenitas chu gaditas chu xa itat xlikiltsukut xkamanan Manasés kaxtlawakgolh aktum lanka pulakachixkuwín nak xpaxtun xkalhtuchoko Jordán.11 ¹¹ WA xkachikin Israel kaxmatli uma chu wa: ''kauk'xiltit' xkachikín Rubén, Gad chu xa itat xlikiltsukut xkamanan Manasés kaxtlawanintit aktum pulakgachixkuwin anta xlakatin xtiyat Canaán, nak Galaad, nak xkachikin lakatsu xkaltuchoko Jordán, anta xpaxtun tu tapakgsi xkachikin Israel.'' ¹² Akxní tachixkuwitat xalac Israel kgaxmatkgolh umá tachiwin, tamakxtumikgolh nak Silo lakí pi na ankgoy chu natalatlawakgoy xnatalanín. ¹³ Tachixkuwitat xalac Israel tunkan malakgachanikgolh tamakatsinín amakgolh rubenitas, gaditas chu itat xkilhtsukutkan Manasés, nak xtiyath Galaad. Na malakgachakgolh Finees xkgawasa Eleazar, xpalakachiwiná Dios, ¹⁴ chu xla kataminkgolh kgalhakaw chixkuwin ti xpulalenamakgolh, chatunu, chatunu, wanti xtalilakgapasni Israel, chu amakgolh lakchixkuwin paks laktalipaw akgatunu xkachikincan. ¹⁵ Amakgolh minkgolh nak xkachikín Ruben, Gad, chu itat wanti xkilhtsukutkan Manasés, nak xtiyath Galaad chuné huanikgolh: ¹⁶ Xlipaks xkachikín Puchiná wan: ¿tuku tlawapatit limakgasitsipatit Dios xalak Israel, tamakgatlinipatit uma kilhtamakú KimPuchinakan, tlawapatit akgtúm pulalakgtakilhputan tu miakstu milakán umá kilhtamakú lakatakipatit Puchina? ¹⁷ ¿Ni catsiyatit pi kintalakgalhincan nac Peor lipatinaw? nilay patsakgayaw. Xpalakata umá talakgalhin milh talakgaputsit xkachikín Puchiná, ¹⁸ ¿Tlan kawa tu tlawapatit lakatakipatit Puchiná uma kilhtamacú? Para chunatiyá lakatakipatit Puchiná lanchiyú, chalí Dios nakincasitsiniyan xlipacs ti wilanaw nac Israel. ¹⁹ Para nitlán minkatiyatkan, huata wixinán kantantit naktiyath tani yaj chiki anta ni lakgtakilhputakan Puchiná chu kachipatit aktsú tiyath kilakgstipankan. Ni calakatakitit Puchiná, ni kakilalakatakiw , ni catlawatit akgtum pulakgatakilhputan sampi hey wi akgtúm hantú xla kimPuchinakan Dios. ²⁰ ¿Ni katsiyatit pi Acán xkgawasa Zera akgsaninalh xpalakata tu xman hua xla Dios xwanit? chu ¿ni catsiyatit pi Dios kin ka akgastayawán? ni xakstu lakgtsankgalh tamá chixcú xpalakata xtalakgalhín, lhuwa tachixkuwitat nikgolh." ²¹ Chuná chu xkamanán Rubén, Gad, chu itat ti xkilhtsukut Manasés kgalhtikgolh amá laktalipaw chixkuwin xalac Israel: " ²² ¡Puchiná, Tliwekge Dios! ¡Puchina, Tliwekge Dios! ! ¡Hua katsiy chu kawaniy Israel! Para ka klakatakinamaw chi para ka akgsaninamanaw xlakatín Puchiná, ni kakinkamakgtayayán umá kilhtamakú ²³ sampi ktlawanitaw akgtum pulakgtakilhputan laki pi nak tamakgatliniyaw Puchiná. Hua la pi klitlawaw tama pulakgtakilhputan la ki pi anta nak klhkuyuyaw takgalhin, talhtsi, tatakín tu xla takgoxamixni, ka kinkaliakgastakyawan Puchina umá. ²⁴ ¡Ni chuná! ktlawaw umá sampi klakapastakmanaw namin kilhtamakú kinkamankán ni nalalakgmakgán chu natalawaniy: wixinan ni wá tapekgsiniyatit Puchiná, Dios xalak Israel. ¿tuku lilakgatakilhputapatit? ²⁵ Xpalakata pi wa Puchiná tlawanit kgalhtuchokgo Jordán kilipakankan akinán chu wixinán. Wixinan xkachikín Rubén chu xkamanán Gad ni tu litaxtuyatit xlakatin Puchiná. Chuná minkamankán namakgaxlawanankgoy kinkamankan nialh katilakgtakilhputakgolh Puchiná. ²⁶ Akinán klawaniw, kakaxtlawaw akgtum pulakgtakilhputan, huampi ni katimaklakaskiw para nalhkuyuyaw tatakin, ni para anta lhkuyuyayaw takgalhín, ²⁷ xman hua umá nalalimalakapastakniyaw akinán chu wixinan, chu nachuná kinkamankán huanti aku natalakachín, pi akinán nak makgantaxtiyaw xlimapekgsin Puchiná Dios, klenaw lilakgatay chu lilakgatay tu tlakg kgalhiy xtapalh, laki pi minkamankán ni nawanikgoy kinkamankán: wixinán ni wá tapekgsiniyatit Puchiná. ²⁸ Akinán klawaniw: para chuná nakinkawanikanán akinán chi para kinkamankán chuna nakawanikán, akinán nak wanaw: "¡Kaukxilhtit! umá xatatlawalakgxtu pulakgtakilhputan xla Puchiná, wa tu kinatlanakán tlawakgonit, ni wa para ka namaklakaskinkán, huampi ka lilakapastakni kimpalakatakán chu mi palakatakán. ²⁹ ni chuná kalalh ni nak naklakgachixcuwimakganaw Puchiná, chu niajlh nakstalaniyaw, nitu ktlawamanaw akgtum pulakgtakilhputan, hey wi tamá pulakgatakilhputan xla Puchiná kiDioskan tu wi xlakatín chiki tani lakgatakilhputakan Dios." ³⁰ Acxní Finees xpalakachiwiná Dios chu mapekgsinanin xalak Israel hua ti akxtum xtaminkgonit, kgaxmatkgolh umá tachiwin tu tachiwina xkamanán Rubén, Gad chu Manasés, akgatakgskgolh. ³¹ Finees, xkgawasa Eleazar xpalakachiwiná Dios, kawanilh amá xkamanán Rubén, Gad chu Manasés: "Lanchiyu katsinitaw pi wa Puchiná kinkatawilán, wampi wixinan nitu tlawanitantit tu nitlan xlakatín Puchiná. , Uma puntsú, wixinán lakgmaxtutit xkachikin Israel nakxmakán Puchiná." ³² Hua chu Finees, xkgawasa xpalakachiwiná Dios Eleazar, chu mapekgsinanin makgxtakgkgolh rubenitas chu gaditas, nacxtiyath Galaad. Taspitkgolh nacxtiyah Canaán, tani xwilakgolh xkamanán ISRAEL, chu kaliminikgolh umá tachiwín. ³³ Umá tachiwín tlan tlawakgolh xlipacs tachixkuwitat xalac Israel. Tachixkuwitat xalac Israel matlankikgolh Dios chu nialh talakapastakli nataratlawakgoy rubenitas chu gaditas, na nialh lakapastakkgolh para namakasputukgoy tiyath tani xtawilana. ³⁴ Hua rubenitas chu gaditas mapakuwikgolh amá pulakgatakilhputan " hua umá nalilakapastakaw" sampi xlakán tawá: " wua umá nalilakapastakaw kilakgstipankán, pi wa Puchiná Dios."