¹ Chuna cho xmapakgsinanin xpulataman levitas lakgminkgolh xpalakachiwina Dios wa Eliazar, chu Josué xkgawasa Num chu xapulalanin xlitalakgapasni xalakgmakgan xpulakni kachikin Israel. kawanikgolh xlakán nak Silo nak xkatiyatni Canaán: ''Puchina ² kalimapakgsin, chuna lata' xwaninit Moisés, pinakilamaxkiyaw kachikin niku nak latamayaw, anta niku anán sakgat laki nawayangkoy kin kitsistankanin'' ³ Chuna lata' xlimapakgsinanit Puchina, israelitas kamaxkikgolh levitas tiyat nak uma kachinkinin xtapaks xkasakgatni. ⁴ Wanchuna likgantaxtulh xpalakatakan coatitas xpalakata kamakanka nak liputsan. Wa xpalakachiwinanin Puchina, xkamanan Arón tiku levitas, makgamalhtinankgolh akgkututu kachikin nikuma mastakgolh xlitalakgapasni Judá, xlitalakgapasni Simeón chu xlitalakgapasni Benjamín. ⁵ Makgapitsin xkilhtsukut coatitas makgamakglhtinankgolh kanak xliputsan akgkaw kachikinin nima kamaxkikgolh xkilhtsukut Efraín, Dan chux-itat xlitalakgapasni Manasés. ⁶ chu xkamanan Gersón kamaxkika kanak xliputsat akgkututu kachikin xalak xpulataman xlitalakgapasni Isacar, Aser, Neftalí chux-itat xlitalakgapasni Manasés nak Basán. ⁷ Xkamanan Merari makgamakglhtinankgolh akgkutiy kachikin xalak xlitalakgapasni Rubén, Gad chu Zabulón. ⁸ Wa israelitas maxkikgolh kanak liputsat xalak levitas umakgolh kachikin, xtapaks xkasakgatnikan, chuna la Puchina xwaninit Moisés nalimapakgsinan. ⁹ Xlitalakgapasni Judá chu Simeón, kamakamaxkika katiyatni xalak tima kachikin, nima kamapakuanikan unu. ¹⁰ Umakgolh kachikinkan kamaxkika xkamanan Aarón, nikuma xwilakgolh xlakgstipanin xpulataman Coatitas, na wa xlitalakgapasni Leví. Wa xpalakata pi wa xlakan xapulana taxtukgocha nak liputsat. ¹¹ Wa israelitas maxkikgolh Quiriat Arba (Arba wa xwanit xlhat Anac), watiya xkatiyatni Hebrón, xlakgstipan xkakiwin Judá, xlikilhpalhman kgasakgatní. ¹² Chu wa niku xtachanankgoy kachikinin chu xpulatamatkan xmaxkikanita Caleb, xkgawasa Jefone, xla xwanita. ¹³ Ixkamanan xpalakachiwina Dios Aarón, kamaxkika Hebrón, chu xkasakgatni, wa uma xwanit akgtum kachikin niku lhan xtatsekga tiku ni kachuna xkatsi xmakgninan, chu Libna xta-an xkasakgatni, ¹⁴ Jatir chu xkasakgatni chu Estemoa chu xkasakgatni. ¹⁵ Na maxkika Holón chu xkasakgatni, Debir chu xkasakgatni, ¹⁶ Aín chu xkasakgatni, Juta chu xkasakgatni chu Bet Semes chu xkasakgatni. Akgnajatsa kachikin xwankgonit nima mastakgolh amakgolh akgtiy litalakgapasni. ¹⁷ xlitalakgapasni Benjamín maxkikgolh Gabaón chu xkasakgatni, Geba chu xkasakgatni, ¹⁸ Anatot chu xkasakgatni chu Almón nak xakilhtin kachikin, akgtati kachikin. ¹⁹ Lajkachikin nikuma kamaxkika xpalakachiwinanin Dios, xlajkgawasan Aarón, xliputum akgkututu kachikin, xlipaks xkasakgatnikan. ²⁰ Nachuna tiku stsankgakgoy xlitalakgapasni Coat, wa levitas tiku naxkatatapakgsikgoy xlitalakgapasni Coat, xkgalhikgoy kachikin nima xkamaxkikanit nak xliputsan, xalak xlitalakgapasni Efraín. ²¹ Xlakan kamaxkika Siquem chi xkasakgatnikan xlakgstipanin xkakiwin Efraín, akgtum kachikin niku lhan xtatsekglhi tiku kanichuna xkatsi xmakgninan, Gezer chu xkasakgatni, ²² Kibsaim chu xkasakgatni chu Bet Horón chu xkasakgatni, xliputum akgtati kachikin. ²³ Xla xlitalakgapasni xla Dan, chux xlitalakgapasni xla Coat wa tamixkiká Elteque cho xkasakgatnit, ²⁴ Ajalón cho xkasakgatnit wa Gat Rimón cho xkasakgatnit, pulakgtati kachikin xliputum. ²⁵ Wa xla itatit xlitalakgapasni xla Manasés chux xlitalakgapasni xla Coat wa tamixkiká Taanac cho xkasakgatnit wa Gat Rimón cho xkasakgatnit, pulakti kachikin, ²⁶ Xwilakgo pulakgkaw kachikin xliputum xla wanti tsankgayku xlitalakgapasni amakgolh Coalitas, putum cho xkasakgatnit. ²⁷ Wa xla ititat xlitalakgapasni wa Manasés, chux xlitalakgapasni wa Gersón, wama xwankgoni xla lakatun xlitalakgapasni Levitas wa kamixkikgoka Golán nag Balsán cho xkasakgatnit, akgtum kachikin lax tatsekgo wati makgninakgo nikachunxkatsi , xtamikgoy xa Beestera cho xkasakgatnit, pulakgti kachikin xliputum . ²⁸ Wax xlitalakgapasni Gersón chu kamixkikgoka Cisón xlitalakgapasni wa Isacar, xtamikgoy cho xkasakgatnit , Daberat cho xkasakgatnit, ²⁹ Jarmuth cho xkasakgatnit wa En-ganim cho xkasakgatnit, pulakgtati kachikin. ³⁰ Xla xlitalakgapasni Aser, mixkikgoka Miseal cho xkasakgatnit, Abdón cho xkasakgatnit, ³¹ Helcat cho xkasakgatnit wa Rehob cho xkasakgatnit, pulakgtati kachikin xliputum, ³² Xla xlitalakgapasni Neftalí, kamixkikgoka xlitalakapasni Gersón Cedes nag Galilea cho xkasakgatnit, akgtum kachikin lax tatsekgo wanti makgninakgo nikachunxkatsi, Hamot-dor cho xkasakgatnit wa Cartán cho xkasakgatnit, pulakgtutu kachikin xliputum, ³³ Xwi pulakgkututu kachikin xliputum, putum xlitalakapasni Gersón, putum cho xkasakgatnit. ³⁴ Wanti xtsankgayku levitas, xkiltsukut Merari, kamaxkika xtalakgapasni Zabulón: Jocneam chu xkasakgetnikan, Carta chu xkasakgetnikan ³⁵ Dimna chu xkasakgetnikan nachun Naalal chu xkasakgetnikan, pulakgtati kachikin xliputum. ³⁶ Nachun xkiltsukut Merari kamaxkika xla xtalakgapasni Rubén: Beser chu xkasakgetnikan, Jahaza chu xkasakgetnikan, ³⁷ Cademot chu xkasakgetnikan nachun Mefaat chu xkasakgetnikan, pulaktati kachikin. ³⁸ Chu xlilakgapasni Gad, makamaxika Ramot nakj Galaad chu xkasakgetnikan, akgtum kachikin nix tawilakgoy wanti nikachunkatsikgoy makgninankgoy, nachun Mahanaim chu xkasakgetni. ³⁹ Xkilhtsukut Merari nakamaxika ama Hesbón, chu xkasakgetnikan, nachun Jazer chu xkasakgetnikan. umakgolh pulakgtati kachikin xliputum. ⁴⁰ Putum umakgolh kachikin mapakgsikgolh xlitipalhuwa xkiltsukut Merari, wanti xtalilakgapaskgo Leví, akgkuti kachikin xliputum kamaxkikalh amakgol akxni makankgolh liputsan. ⁴¹ Xkachikinkan amakgolh Levitas tux xkachipakanit nakj xpulakjitat xtiyat tuxmapakgsikgo kachikin Israel, xlipaks tipuxamanajatsa kachikinkan, putum xkasakgetnikan. ⁴² Pulakjtunu uma kachikin xkgalhikgo xlistilili xkasakgetnikan. Chunma wankgolh xliputum umakgolh kachikin. ⁴³ Chunachu PUCHINA maxkil ama Israel putum ama tiyat wantu xlitayanit nakamaxki ti pulh xtatakgskgo. Amakgolh israelitas tachipakhgolh ama tiyat chu tawilakgolh anta'. ⁴⁴ Chunanchu ama PUCHINA kamaxkilh tajaxni xlakgstipanin, lata' wa xkalitayninit ti pulh xtalamana. Nitiku ti xkataratlaway tlan xkatlajay. WA' PUCHINA kamaxkilh putum xtaratlawana nakj xmakankan. ⁴⁵ Nitu lata', xliwakg tu xatlan tamalaknun wantu PUCHINA xkawaninit xchiki Israel, xlikana lakgolh. Xliputum kgantaxtulh.