¹ Chuná chu Josué, xkgawasa Nun, malakgachalh katatzegni chaty lakg chixkuwin xa lak Sitim la putsananín. Wa kawánilh: "Ka pitit, ka'akxilhtit tíyat lumán Jericó: "xlakán ta'alh chu táchal ama chiki chu chatúm xa akgtzankgán puskat wanikan Rahab, chu antá tamaxtakghólh. ² chu waníka amá puxku xa lak Jericó: ''kakxhilti, lakchixkuwin xa lakj Israel taminít akxhilkghó tíyat. ³ ''Amá puxku xa lak Jericó malakgáchalh nawaní amá Rahab: ''katamákxtu amá lakchixkuwín neje talakgminitán chu tonukgólh nakj minchik, xlakán taminit akxilhkgló kin tiyatkán.'' ⁴ Na chuná ama puskat kálilh chaty lakchixkuwín chu kamatzekgli. Chu amá puskat wá: ''Jé; lakchixkuwín kilakgminkgholh, wata ni xakgkatzí niku taminkgocha. ⁵ Xlakan ta'ankgolh akxni tziswalh, akni xama talak´chawa kachikin. ni jkatzi niko taalh. tlan nakamataxtúka, pi nalakapalayátit chu nakastalanía''. ⁶ wa ti kálilh xakgstin chiki chu kamatsekgli chu kalimatzegka palhmá xa lino neje xmakinit xagstin chikí. ⁷ Chuna lakchiskuwín tastalánilh nakj tíji amá neje chan nakj Jordan. Chu túnkun malakchuwka malakcha akxni taxtukgolh akstalananín. ⁸ 8 ama lak chixkuwin yaxtaltatá, axni Rahab alh ka axilha. ⁹ wa kawanilh: "akit jkatsi pí Puchiná kamaxkinitan amá tiyat chu mintajikuatkán na kin ka'lakgchintán. putum ti talamánalh nakj jaé tiyat wixín nakamapakgsiyátit " ¹⁰ kgaxtmanitúw, lantlá Wá Puchiná maskakal chuchut pupuná xa spinini axni xpalakata na titaxtuyatit akgxni taxtupitit nak Egipto. kgaxmanitaw lantla wixín tlawanitit amakgocha chatíy napuxkún amorreos nak xakilhtútu Jordán, Sehón chu Og, wantí wixín makgnitit. ¹¹ lakapalh kgaxmatwi chu pekuaw nak ki nakujkán chu makgatsankaw kilitliwakaka, chu min Puchinakán Dios, wa Puchiná xa la talhmán akgapún chu xa lakatutsú catiyatni. ¹² Lachí katlawatit litlan kilitaynitit min Puchiná, akit tlán klikatsinit milakatakán, nachuna wixin tlan nalikatsiniyatit tí tawilánalh nakj xchik kintlat. kimaxkitit tuku naklilakgapasa. ¹³ laki wixin namakgtakgalhatit xlatamat:" kintlat, kintsé, kinatalán, chu kilitalakgapasni, chu wixin na kilalhakgmaxtuyaw kalinin." ¹⁴ Chu lakchixkuwín wanikgolh: ''¡ klitayayáw kilatamatkán! chu wix, ,ninalichiwinanátit túku lakjkaxlanitaw, chuná akxni Puchiná na kin kamaxkiya jae tiyat, kinin najka lakgalhamanán chu akgstítum nak kalakgalhamanán." ¹⁵ Chu wá kamáktil nak putalakáxtun lílalh kgantún tásiw. Chu chiki niku xwí wá xlitlawakanit patsaps kachikin. ¹⁶ Wa kawánilh: " kapintik jkakiwín chú katatsegtet laki putlhakgananín ni nakátakgasan. katatsegtet antá akgtutu kiltamakú, chu wa putlhakgananín nataspitkgo. Astalh nataspitatit nak tiji." ¹⁷ lak chixkuwín xlá tawanilh: akin nikg timakgantaxtiw kin tamalaknunkan neje jkawanin" neje kin kawani nakj tlawayaw, pi wix ni natlawáya túku kuanín. ¹⁸ Akxni akín nachinaw jae tiyat,wix na chíya pakgtsu spiníni lhákgat nakj putalakáxtun níku kin kamákti, chu wix nakamastokgátit nakg xchik min tlat, min nana, min natalán chu putún tiku wí nakj xchik min tlat. ¹⁹ Pi wi tiku na taxtú nak minchik chu naán nakj tiji, wá lakjsaknit na ní chu akinin ni jtilitayáw. pi wi ti akinin tsukú taratlawá za lakj minchik, akin putúm nak niyaw xmán ni makgantaxtíw kin tamalaknún. ²⁰ pi wixin na wanátit tuku lakjkaxlanitaw, kinin yaj katimakgantaxtiw tuku jkamalakjnuninitán." ²¹ Rahab wanilh: "tuku wanti chuná kalálh." Wa kamalakgachalh chu táalh. Astán xlá chiílh aktsu lhákgat xa spinini nak putalakáxtun. ²² Xlakan ta'al nak kakiwin anta chu tamakgxtakgolh akgtútu kilhtamakú antá putlakgananin taspitkgolh.Amá putlakganinanín putzakgólh ka ni kawá nakj tiji chu nitú takgaskgolh. ²³ Xchatuykan lakchixkuwin taktakgolh nakj sipi chu talákgchilh Josué xkawasa Nun, chu tawánilh wekj tuku kakgspulánilh. ²⁴ Chu wanikgolh Josué: xlikana kin PUCHINAKÁN kin kamaxkinitan amá tiyat. putún lakchixkuwín talamakgolh antá tapekuankgonit kin palakatakán.''