¹ Wa uma tu tikamakgamaxkika xtiyatkan xlitalakgapsni Manasés ( wa xlipulna xkgawsa José), wa uma, xpalkata Maquir, wa xlipulna xkgawsa Manasés chu nawa xatlat xwan nak Galaad. Wa xkilhtsukut Maquir tikamkgamxkika xa tiyat Galaad chu Basán, xpalkata wa Maquir xlitaxtunit chatum chixku ti xkatsi xtalatlawanan. ² wa tiyat tikamakamaxkika tu xakgataxtú xlitalakgapasni Manasés chu xkamanan, Abiezer, Helec, Asriel, Siquem, Hefer chu Semida. Wa xwankgonit xkilhtsukun chixkuwin xla Manasés, wa xkgawsa José, kamalakgapasnika amakgapitsin. ³ Chu, Zelofehad, xkgawasa Hefer, xkgawsa Galaad, xkgawsa Maquir, xkgawsa Manasés, nitu xwanit xlakgawsan xman xlaktsumajan xwilkgolh, Wa xtakúwini xlaktsumajan, Wa, Malaa, Noa,Hogla, Milka, chu Tirsa. ⁴ Xlakan lakgtalakatsuwikgolh Eleazar wa xpalakgachuwina PUCHINA, wa Josué xkgawsa Nun, na chuna xpulalinakan kawanilh: "WA PUCHINA limapagsilh Moisés pi nakinkamaxkiyan kintatakinkan xlipags kinatalankan." Chuna ncho, tistalnikgolh xlimapagsin PUCHINA, wa kamaxkilh ama lakpuskatna xtatakinkan xlipags xnatalan lakgawsan xla xtlat. ⁵ Pulakgaw mapapitsikga tiyat wantu kamakgamaxkika Manasés nak Galaad chu nak Basán wantu tatagsacha xa kgalhpatu Jordán, ⁶ xpalkata wa xlaktsumjan Manasés timakglhtinkgolh xtatakinkan xlipags xlakgawsan. Wa xa tiyat Galaad kamakamaxkika tu xakgataxtuma xlitalkgapasni Manasés. ⁷ Wa xpultaman tu xmapagsi Manasés tlanka xwama xkichama nak Aser, xkichama nak Micmetat, wacha ntu xtatagsa nak xlipulhni chichiní nak Siquem. Wa xtakilhpastukgoy tixwilkgolh xtipakgalhjú wanti xwilkgolhlakatsu nak Tapúa. ( ⁸ Wa xatiyay Tapúa xmapagsi Manasés, ampi wa xa kachikin Tapúa xpultaman Manasés, wa xtapagsini xlitalkgapsi Efraín.) ⁹ Anta xlikakilhpastukgni ninta xtlawma chuchut xla Caná. Wa kachikinin tu xtatagsa xpakgalhjú chuchut tu lakgatsu xkgachikin Manasés wantu xmapagsi Efraín. Wa xlitakilhpastugni Manasés anta xtatagsa xapekgextú chuchut, anta xlikgalsputni pupuna. ¹⁰ Wa xatiyat xpakgalhjú nixpakgta xla Manasés; wa pupuna xlikilhpastukga.Anta xpakgalhjú, Aser tlan xkilakgchalh chu kxlipulhni chichini, Isacar. ¹¹ Nachuná nak Isacar chu nak Aser, Manasés xmapakgsi Bet Séan chu laktsu xkachikinin, Ibleam chu laktsu xkachikinin, chu chixkuwin xal nak Dor chu laktsu xkachikinin, chu chixkuwin xal nak Tanaac chu laktsu xkachikinin, chu chixkuwin xal nak Mejido chu laktsu xkachinin ( xli pulaktutu kachikin wa Náfet). ¹² Wa xlitalakgapasní Manasés niley timapakgsilh amakgolh kachikinin xpalakata wa Cananeos antaku xlamakgolh uma katiyatna ¹³ Akancho xtachixkuitat Israel tikgalhikgolh limkgatlikga, xlakan tliwkga tsukgokgolh kamaskujukgoi Cananeos, chu nikatamkaxtuka . ¹⁴ Nachuna, nchu xkilhtsukut José wankgolh Josué, xkilhwamakgolh: '' ¿tuxpalakata kaxmanwa uma kinkaliyawnita uma tiyat chu ka pakgtsu tatain, wa kinin kilhuwkan ktaputlakgayaw, chu kimputumkan, WA PUCHINA kinkaskulnatlawan?'' ¹⁵ Josué kawnilh: ''Palpi wixinin akgtum kachikin tlanka taputlakgayatit, man wixinin kapintit kakiwin chu kalakgwanantit tima tiyat Katlawtit uma, xpalkata wa xtiyat Efraín lu pakgtsu mimpalakatakan.'' ¹⁶ Wa xkilhtsukut José wankgolh: ''Wa kakiwin lu ni lhuwa kimpalkatakan. wampi putum xla Cananeos wanti wilkgolh ama katiyatna kalhikgo xputlawkan tu putalatlawnankoy xla likan, nachuna tixtatagskgo nak Bet Seán chu laktsu xkgachikin, nachuna tixtatagskgo xa kaxtum Jezreel.'' ¹⁷ Chu wa Josúe wanilh xchik José, wa Efraín chu Manasés: ''Wix akgtum kachikin tlanka taputlakgayatit chu kgalhiya limkgatliwkga. Wix niley mapakgsiya ka paktsu tiyat wantu milimapagsit. ¹⁸ Wa uma kakiwin na mila nawen. ka kakiwin wi pi wix nalakgwanana chu mila nawen na wix namapakgsiya anta ninta nakichan maski tlag makgat . Chu nakatamakaxtuya Cananeos, maski wa timakgolh xkgalhikgolh putlaw xla tatalatlaw xla likan, chu maski lu lagtliwkgan xwankgolh.''