Capítulo 16
1
Chuné kamaxkika xtiyatkan xlitalakgapasni José, kitsukulh xkaltuchokgo Jordán chu Jericó, xlipulni chichiní tani wi taxtunú xtiyat Jericó, pektanucha nak xakaskajni tiyat, kitawkacha tsukulh nak Jericó titaxtul xakasipigni xtiyat Betel.
2
Chu kitsukulh nak Betel chu kichalh nak Luz lakatsalakol xli kalhman Atarot, xpulatamankan arquitas.
3
. Taktayacha anta xlipulne chichini anta ni tsankgay chininí xpulatamankan jafletitas, xkichan xpakgalhu xpulataman Bet Horón chu alistalh xkichan nak Gezer., xkitapekgtay nak pupunú.
4
.Chuna uma xlitalakgapasnikanJosé, Manasés chu Efrain makgamakglhtinankgolh xpulatamankan.
5
.Chu xtiyay xkamanan Efraín wa tu kamakamaxkikalh chuné ti lalh: xlipakan xtiyat tani pulha chichiní kitsukuy nak Atarot Adar kichan nak Bet Horón xapakxtu.
6
.Chu an nak pupunú. Tsukuy nak Micmetat, xapakxtu, xlitamakchokgoy anta xlipulhni chichiní xkichan anta nak Tanat Siló chu xtitaxtukgoy (xlipulhni chinini) Janoa.
7
xkitsukuy nak Janoa taktalh anta nak Atarot chu Naarat kimataxtukli Jericó, kitamaktalh nakJordán.
8
Tsukulh nak Tapúa, xlipakan alh (tani kitsankgay chichiní) xpuxkga Caná chu kitamaktalh kpupunu . Wa uma xtiyat xlitalakapasni Efrain, wa tu kamaxikalh xlitalakapasni.
9
xtapaks uma kachikinin wantu xatalaksakni lakinpi xlakán nawán xkamanán Efrain xlakgstipan xtiyat xkamanan Manasés, xliputum laktlanka kachikinin chu laktsu kachikin .
10
Wa amakgol ni tamakxtukgolh cananeos wanti xlamakgolh nak Gezer, chuna cananeos lamakgolh xlastipankan Efrain uma lanchu kilhtamaku, wampi uma lakchixkuwin tliweke kamaskujukoka.