¹ Wa uma xlikalanka katiyatni wantu xkachikin Israel makamakltina la aktum tataín wantu xkamalaknunikanit nak xtiyat canaán, wa mak pistikolh Eleazar xpalakachiwina Dios, chu Josué xkawasa Num, chu xanapuxkun xlikilh tsukut xa pulh xkamanan xkacikin Israel. ² Wa xtatain ka aktum litlaja lilaksak'ka xla akgnajatsa slikiltsukun xkkamanan, chu xa itat xlikilstsukun xkamanan, chuna la kimpuchinakan xlimapakstinit xpalakata xmakan Moisés. ³ wa Moisés xtainit xlhipulakti itat xkamanan liuka xtitaxtunit nak kaltuchoko Jordán, manwa levitas nitu katailh. 4 ⁴ xlikiltsukut xkamanan José xlikana pulakti xwanit, Manasés chu Efraín. Chu ka aktsu taikalh levitas ama katiyatni, manwa antani natawilakoy, chu xtiytkan xla xtakalinkan wantu xpuswenkoy chu xpalhakata wantu xmak lakaskinkoy. ⁵ Xpulataman Israel tlawa chuna lha kimpuchinakan xlimapaksinit Moisés, wa tamapitsilh ama katiyatni. ⁶ Alistalh, xlikiltsukun xkamanan Juda lakminkolh Josué nak Gilgal. Caleb, xkawasa Jefone, wa cenezeo, chu wanilh: "Wix katsiya wantu kimpuchinakan wanil Moisés, xlakskujni Dios, mim palakata chu kimpalakata nak Cades Barnea. ⁷ Akit xa kgaliy tipuxam kata akxni Moisés, xlakskujni kimpuchinkan, ki makamincha nak Cades Barnea laki nak skgalaja uma tiyat. akit klimini tachiwin, chuna lha kilistakni maklkgatsil nak tlaway. ⁸ chu wa kinatalanin wanti kinta ankolh makapekuankolh slistaknikan tachixkuitat. wa akit klipawa kimpuchina Dios. ⁹ Moisés malaknulh ama kiltamaku chu wa: "xlikana ama tiyat wantu min tantun tlawanit na lhakgalamakana wix chu min kamanan xliankalin, man wix akstitum stalaninita kimpuchina Dios." ¹⁰ Chu ka ukxti! Kimpuchina kimaxinit uma tipuxamakitsis kata, lha chuna wa: milh killtamaku akxni kimpuchinakan wanilh uma tachiwin Moisés, akxni Israel tlahualh nak xakaskagni tiyat. Chu kaukxti! chu lanchu kgalhi tatipuxamakitsis kata. ¹¹ Lanchu uma kilhtamaku chunaku kgaliy litliweke la xa kgalhi ama kiltamaku akxni Moisés kimakalh. kilitliweweke chunku la xwanit, laki nakan chuna nak min chu nak talanan. ¹² Chu. xli makwa, kakimaxki, uma tiyat kasipijni, wantu puchina xkimalaknuninit ama kilhtamaku. Man Wix kaxpat'ti ama kilhtamaku, wampi anaceos anta xwilakolh laklanka chu laktliweke pulataman xtawanit. wampi kimpuchinakan kintalama chu akit nak katamaxtuy la chiwina kimpuchina." ¹³ Alistalh, Josué sikulnalilh chu maxilh katiyatni Hebrón la aktum tatain Caleb xkawasa Jefone. ¹⁴ Xlimakwa, Hebrón xla xtatain wa Caleb, xkawasa Jefone wa eneceo lanchu chu xliankgalin xlimakwa stalaninit akstitum puchina Dios xla Israel. ¹⁵ Lanchu, xtakuwini Hebrón titaxtulh kiltamaku xwanit Quiriat Arba. ( Arba tlak xa tlan xtakuwini xwanit ama chixku xlakstipan anaceos.) Chu ama kaytiyatni kaks tawilakolh chu ni lha talakolh.