¹ Nak kutuy papa, wa uma papa Adar, nak kututu kilhtamaku, lata xlimapakgsin puxku haya xama kgantaxtuy, ama kilhtamaku akxni xtalatlawanin judios xkalhajaputunkgoy, talakgaspitlhi. Judios kamakgatlhajakgolh amakgolh tiku xkamakgniputunkgoy. ² Judios tastojkgolh nak xkachikinin putum tiku xtapakgsinikgoy puxku Asuero, xpalakata nakamakgnikgoy putum amakgolh tiku xkaslkgputunkgoy. Nituku lhan xkalakatayay, wa xpalakata judios xkamakapekuankgoy amakgapitsin pulatamanin. ³ putum makgtakgalhnanin xalak limapakgsin, mapakgsinanin chu xpulhakgananin puxku, kamakgtayakgolh judios xpalakata xlakan xpekuanikgoy Mardoqueo. ⁴ Wa xpalakata Mardoqueo xmalankikanit nak xchik puxku, chu xla luxlakgapaskan nak limapakgsin, wa uma chixku Mardoqueo lu xtalankima. ⁵ Judios kamakgnikgolh xtalatlawanin chu katlawanikgolh lata xlakan lakaskinkgolh. ⁶ Anta nak xalitliwekge Susa, judios kamakgnikgolh akgkisis ciento tachixkuitat. ⁷ Xlakan makgnikgolh Persdata, Dalfon, Aspata, ⁸ Porata, Adalia, Aridata, ⁹ Parmasta, Arisai, Aridai, Vaizata ¹⁰ chu ajkgaw xkamanan Amán xkgawasa Hemedata, xtalatlawana judios Chu xlakan ni tiyakgolh xtalhaja guerra. ¹¹ Ama kilhtamaku xtapulhakga tiku kamakgnika naj Susa, wa uma lu tliwekge kachikin, makatsinika puxku. ¹² Puxku makatsinilh Ester: Judios makgnikgolh ajkgkitsis ciento tachixkuitat nak kachikin Susa, nachuna ajkgaw xkamanan Amán. ¿Tuku chu xlakan tlawakgonit nak xlimapaksin puxku? ¿Tuku chu wix lakaskina? Namaxkikana. ¿Tuku naskina? namakgamakglhtinana? ¹³ Ester wa: Par chuna lakgatiy puxku, kamasta talakaskin xpalakata judios tiku wilakgolh nak Susa lhan xtlawakgolh uma limapa nachuna, chu kamasta talakaskin xpalakata xmaknikan xlajkgawasan Amán xkachiwkaka. ¹⁴ Chuna cho puxku limapakgsinalh xpalakata uma chuna xtlawaka. Uma limpapakgsin taxtulh nak Susa, chu kachiwkaka ajkgaw xkamanan Amán. ¹⁵ Judios tiku xtawilanalh nak Susa tamaxtumikgolh xlikututu kilhtamaku nak xpapa Adar, chu kamakgnikgolh tutuciento tachixkuitat nak Susa, chu ni kamakglhtikgolh tuku xlakan. ¹⁶ Amakgapitsin judios tiku xwilakgolh nak xlimapakgsin puxku tamakxtumikgolh xpalakata nakatalachapakgoy xtalatlawanan, chu kamakgnikgolh setenta y cinco mil wa amakgolh tiku xkasitsinikgoy, chu xlakan nitiyakgolh tuku kalhi kxtapalh tuku xla xwankgonit tiku kamakgnikgolh ¹⁷ Uma titaxtulh nak kututu kilhtamaku nak xpapa Adar. Nak kutati kilhtamaku xlakan jaxkgolh chu ama kilhtamaku wayankgolh chu lipaxawakgolh. ¹⁸ Chu wa judios tiku xwilakgolh nak Susa tamakxtumukgolh nak kututu chu kutati kilhtamaku. Nak kukitsis kilhtamaku xlakan jaxkgolh chu wayankgolh chu lipaxawakgolh. ¹⁹ Wa xpalakata uma judios tiku xtawilanalh nak xalaktsu pulataman, tiku xkaxtlawakgoy xchijkan nak xa aktsu pulataman, xlakan xlakapastakgoy xa ajkutati xkilhtamaku papa Adar la akgum kilhtamaku lipaxuwan chu xtaliwayan, chu la akgtum kilhtamaku xlamakani tatay xa liwayanat chatuno amakgapitsin. ²⁰ Mardoqueo xlakgtsokgwali uma chu xmakan tatsokgni putum judios tiku xwilanakgolh nak xlimapakgsin puxku Asuero, tiku lakatsu xwi chu tiku makgat xwi. ²¹ Xkalimapakgsi xlakapastajkgolh xkilhtamaku kutati chu kukitsis xpapa Adar kata a kata. ²² Wa umakgolh kilhtamaku lata judios kamakgnikgolh xtalatlawanin chu papa lata xtakatasa xtalakgpali najkatalitsin. Xlakapastajkgoy ama kilhtamaku chu xtlawakgoy tawayan chu lu xlipaxawakgoy chu xla makaniy tatayay xa taway chatunu a makgapitsin ²³ Chuna cho judios lipaxawakgolh ama kilhtamaku la matsukikgolh, tlhawakgolh la Mardoqueo katitsikgnilh. ²⁴ Chu ama kilhtamaku, Aman xkgawasa Hamedata, xtalatlawana judios, xtlawanit akgtum tlajkaxlan niku xwan pi judios xamakgolh nikgoy, xla makgalh liakgxilhnin, xpalakata xkamalakgsputputun. ²⁵ Chu lata uma takatsin lakgchalh puxku xla limapakgsinalh nak tatsokgni piwa uma talajkaxlan xla Aman wa xla xama lipatinan chu xkamanan xmaka kachiwkakan. ²⁶ wa uma xpalakata ama kilhtamaku limapakuika Purim, xpalakata pur (pur wamputun liakxilhnin) wa xpalakata putum tuku xtatsokgnit nak jkapsnat chu putum tuku xlakan xakxilhkgonit chu tuku xkatitaxtunit, ²⁷ judios makgamakglhtinankgolh una sasti lilakapastakgni. Uma litalakapastakni wa xlakan, chu xla xkamanan chu putum tiku xma katatalakxtumiy. Xlakan xmakgolh lapastajkgoy ama akgtiy kilhtamaku kata a kata. Chuna xmakgolh lakapastajkgoy kata a kata. ²⁸ Uma kilhtamaku lhan xamakgolh lakapastajkgoy chu na kaknikgoy xkamanan, chu xtaxhiki nak xkachikinkan. Umakgolh judios chu xkamanan ni akxniku ni xlakapastajkgolh uma kilhtamaku talilakgapasa Purim, xpalakata ni xpatsankgakgolh. ²⁹ Wa puxku Ester, stsumat Abihail chu Mardoqueo wa judio titsojkgolh nak xlimapakgsinkan chu tlawaparkgolh uma xliakgtiy tatsokgni xla Purim. ³⁰ Tatsokgni kamakanika putum judios wa amokgolh akgtum ciento tipuxamatutu kachikinin xlimapakgsin puxku Asuero, xlakaskinkgoy xpalakatakan judios takaksni chu lhan latamat. ³¹ Wa uma tatskgni lilajkaxtlawaka xkilhtamaku Purim nak xkilhtamaku, la Mardoque judio chu puxku Ester kalimapakgsikgolh judios. Judios makgamakglhtinankgolg uma talajkaxlan xpalakatakan chu xpalakata xkamanan, nachuna la makgamakglhtinankgolh xkilhtamaku takilhtsinksni chu takatasa. ³² Xlimapaksin Ester lajkaxtlawalh uma tatsokhni xla Purim chu tsojkga anta niku xtalhkay tuku xtitaxtuy.