¹ Ama kilhtamaku puxku Asuero maxkilh Ester putum tuku xla Aman xwanit, xtalatlhawana judios. Chu Mardoqueo tsukulh skuja nak xlakatin puxku, wa xpalakata Ester wanilh puxku nikunlha Mardoque xtalilakgapasa. ² Puxku tillal xtamakganu nikuma kalhi xtamakata, nikuma xkalhi Amán, chu maxkilh Mardoqueo. Ester makamaxkilh Mardoqueo putum tuku xla Amán xwanit. ³ Chuna cho Ester xakgalhipa puxku. Xla tatsokgosnilh chu tasalh lata kskinima na masputuy tuku Amán wa Agagueo xlajkaxtlawanit, tuku xla xlakapastaknit na katlawani judios. ⁴ Chuna cho puxku litapakgayawalh wa kcetro xa oro, chu Ester lakatitalh xlakatin puxku. ⁵ Xla wa: par chuna lakgatiy puxku, par ktakgasnit min talakgalhaman, par wa uma lhan namatlhaniya, chu akit lhan kiakxilhnita, katlawaka akgtum tatsokgni niku na wan pi putum tuku Amán xkgawasa Hamedata wa Agagueo lakapastaklhi yalh chuna kitilalh, putum tuku xla titsokhlhi nakatlawani judios tiku wilakgolh nak xlikalanka min mapakgsin. ⁶ ¿Nikunlha akit nakmatayani chu nakakxilha pi kintapulataman kamalakgsputumaka? ⁷ Puxku Asuero wanilh Ester chu Mardoqueo, wa judio: Akit maxkinit Ester xchik Amán, chu xlakan pixchiwkakgolh, xpalakata xla xama kamakniy judios. ⁸ Katsokgpara akgtum limapakgsin nak xtukuwini puxku chu kalitamakata xanillo puxku. Xpalakata tatsokgni nikuma hay tatsokgnit chu litamakatakanit xanillo puxku nilay lakgtlawakan. ⁹ Alistlah stsokhnanin puxku katasanika ama kilhtamaku, xliakgtutu papa, wa uma papa Sivan, nak akgpuxamatutu kilhtamaku. Akgtum limapakgsin tsojkga niku xwan putum tuku Mardoqueo xlimapakgsina xpalakata judios. Stsojkganita xpalakata mapakgsinanin xalak kachikinin, mapakgsinanin chu makgtakgalhnanin xalak jkachikinin nikuma xwilakgolh nak India chu nak Etiopia, Akgchaxan puxamatujun kachikinin, akgatunu tatsokglhi nak xtachiwin pulataman, chu judios nachuna nak xtachiwinan. ¹⁰ Mardoqueo titsokglhi nak xtuwini puxku Asuero chu litamakatalh xanillo xlitamakata puxku. Xla kamalinilh tatsokhni xtakgatolanit kawayo nikuma luxkgosnankgoy wa nikuma xkamaskujukan xlakatin puxku, wa xkamam lu xa tlhan kawayo. ¹¹ Puxku kamaxkilh judios tiku xwilanakgolh nak kachikin, talakaskin xpalakata xtayakgolh chu xlakgtaxtukgolh, xpalakata xkamakgnikgolh amakgolh tiku xkgamasputuputunkgoy. ¹² Wa uma chuna putum xama titaxtuy nak jkachikinin nak xlimapakgsin puxku Asuero, nak kututu kilhtamaku xla kutuy papa, wa uma papa Adar. ¹³ Akgtum tatsokgni xla limapakgsin xlitaxtut xwanit la akgtum limapakgsin chu xlimasinit putum latamanin. Wa judios liwana xlitakaxtayat ama kilhtamaku xpalakata xkamakgnikgolh xtalatlawanin. ¹⁴ Chuna cho makatsinanin kgatolakgolh kawayo nikuma xkamaskujukan xlakatin puxku chu lakapala ankgolh. Xlakan ni makgapalakgolh. Uma limapakgsin na masiyaka nak xalanka chiki nak Susa. ¹⁵ Chuna cho Mardoqueo taxtulh nak xlakatin puxku xlilhakgananit xlhakgat puxku xa spupuku chu xa snapapa, chu xakgnuy xcorona xa oro chu akgtum tunica xa purpura xa lino. Chu xakachikin Susa akgtasalh chu lipaxuwalh. ¹⁶ Judios xkalhikgoy makgaxkgakganat chu lipaxuwan, chu xlakgtaxtukgonit. ¹⁷ Nak putum kachikinin chu niku xtapaksikgoy, lataniku chalh xlimapakgsin puxku xlipaxuwamakgolh judios, akgtum kataway. Chalhuwa lataxaniku latamanin xalak katiyatni na judios wankgolh, xpalakata Judios xkapekuanikgoy.