¹ Wancho, pogtu xlitalilakgapasni Israel lagminkgolh David nak Hebrón cho wankgolh: “kaukxilhti, kinin mi tiyat liwat cho mi lukut. ² Wa lay xha pulna, akan wa Saúl kin puxkukan xwan, wix xwana tinta xkapulniy magtakgalhnanin Israelí, wa PUCHINA wa: ´wix nakapulnipna Ki kachikin xla Israel, cho wix puxku nawna nak Israel. ³ Ampi wancho pogtu lakgolun xla Israel lagminkgolh puxku nak Hebrón, cho wa puxku David katlawalh akgtum tamalaknun nak xlakatin PUCHINA. Wa xlakan laksak´kgolh David li puxku nak Israel. ⁴ David xpuxumakaw xwan akan titsukulh puxkunan, cho puckunalh tipuxam kata. ⁵ Nak Hebrón wa tipuxkun´nilh Juda akgtujun kata cho akgchaxan papa, cho nak Jerusalen puxkunalh puxumakaw cho akgtutu kata nak Israel cho Juda. ⁶ Wa puxku cho xlakchixkuin tiankgolh nak nak Jerusalen talatlawakgoy Jebusitas, wanti ti xlamakgolh nak tiyat. Wa xlakan wanikgolh David: “wix nikat´tat uynu palpi natana natamkaxtuyan wanti ni ukxhilha cho ti ni lay tlawan.David nilay katimilh uynu. ⁷ Nachuna cho, David chipalh fortaleza xla Zión, lawku cho xkachikin David. ⁸ Wa tiyma kilhtamuku David tiwa: “wanti nalakatawkakgoy Jebusitas anta nalalkankgoy nak ⁹ Wancho David anta ti tawi nak fortaleza cho limapakwilh kachikin xla David. Wa xla kaxtlawalh xli kilpalhman, anta tzukulh la nak xakgstin chiki stalapa nak xpulakni. ¹⁰ David lu magchiya tiwa xpalakata ampi wa PUCHINA, wa Dios xla magtakgalhnanin, anta xtata´tagsa. ¹¹ Wancho Hiram puxku xla Tiro malkgachan´nilh makatsinina David, cho lak tlanka kiwi xla puksna´kiwi, xwakna, cho magpatsapsna. Wa xlakan ti tlawanikgolh agtum chiki David. ¹² David xkatsiy ampi PUCHINA xliwalinit puxku nak Israel, cho ampi WA ti matlankilh xputawilh xpalakata xkachikin Israel. ¹³ Awancho David taxtucha nak Hebrón cho timilh nak Jerusalen, wa xlag tikatiyalh xtalapaxkin cho xlapuskatna nak Jesuralén, cho tlag lhuwa xlagkgawsan cho xlaktsumgan tilakanchinkgolh. ¹⁴ Wa uyma xtakwini xkaman tu tillachinkgolh nak Jesusalén: Samúa, Sobab, Natán, Salomón, ¹⁵ Ibar, Elisúa, Nefeg, Jafía, ¹⁶ Elisama, Eliada, cho Elifelet. ¹⁷ Akan cho wa filisteos kaxmatkgolh ampi wa David xlitalaksaknit puxku xla Israel, akgolh putskgoy. David katsilh uyma cho taktalh nak fotaleza. ¹⁸ Cho filisteos chinkgolh cho tagpitsikgolh nak xakaxtum xla Refaim. ¹⁹ Wancho Daid skinilh tamagtay PUCHINA, wa xla wa: “¿kilitalatlawat filisteos? ¿nakinkamaxkiya tatlagan xpalkatakan? Wa PUCHINA wanilh David: “kakalkatawka, xpalakata KIT nak maxkiyan tatlagan xpakatakan filisteos”. ²⁰ Wancho, David lakatawkanalh nak Baal Perazim, cho anta xla kamakagtlhgalh. Wa xla tiwa: “Wa PUCHINA kamalakgaputsilh kintalatlawnakan nak kilakatin xtachuna la tlanka chuchut”. Wancho xtakwini tiyma pultaman limapakwixa Baal Perazim. ²¹ Wa filisteos anta makgaxtagkgolh xtatlawmagxtukan, cho David cho xlakchixkuin linkgolh na kgapun. ²² Wancho filisteos mimpalkgolh cho tagpitsikgolh amagtumlitum nak xakaxtum Refaim. ²³ Wancho David putsalh tamagtay xla PUCHINA amagtulitum, cho wa PUCHINA wanilh: “wix niti lakatawkaya xtakapun, tlag tlan, kakamalagspityawa, cho kakalaglapalhti nak xchekgankan anta la ay nak balsameras. ²⁴ Akan nakgaxpata xmakasanat la tantuwtilkgoy la un sunma la nak xogsni kiwi, chuna cho kalakatawka litlikga. Katlawa uyma xpalakata amoi wa PUCHUNA taxtunit nawan nak milkatin laku nakalkatawkay xmagtakgalhnanin filisteos. ²⁵ Chuna tlawalh David nantla PUCHINA xlimapagsanit. Wa magnilh filisteos anta la nak Geba pogtu nak tiji la lakaplha nak Gezer.