¹ Ngeguma guũma ngema dieru tüü̃ í nutakeḛgüũ uchí ñema powaetaüü̃gü rü Ngechuchuü̃ narü daunü na ngemaka̰ nüü̃ na ĩnüeka̰. ² Guü̃ma, i parìchegü rü ngṵẽẽ ru ü̃gü rü nügümá nì uchiḛgü rü ñanarügü: "Ñaa yatü rü mea ipe ngugü ñanarügü i ñema duũgüü̃ chirí maegüü̃, ũchí nama na chìbü". ³ Ngechuchu ñama ore nama nütí ùgü uchí ñatarügü: ⁴ "¿Teẽ chí pemagü, ñeguma peta ñemagügu ga 100 karnerugü, ñeguma wií tümatanü wa tarü taugu, tauẽna china meü̃ na yíema 99 karnerugü paachí ñema waìmü tauma nawa rü üü̃gu tüpemuguü, uchí tümawe rü uü̃ yiema rü tauwèé ñumata tümama rü ü̃? ⁵ Neguma, marü tümama narü ũgu, Nüma nügüatü tüna chomagü ũchí na taeüchí. ⁶ Ngeguma nachiĩ wa na ũgu, norü amigogü rü vecinogüü̃ ñanarügü: "Kü chama pe taeẽgü, ngerü tümamà charü ũ i choru karnero rü taueẽ. ⁷ Chama wenama pema nüchí ú, na ngema taüchí taeè yea daunawa ngeguma wií chie arü maüà norü chìeü̃ na ĩna ũgachìgu, ngerü 99 duãtagü memaregüe tama naweegü é nata arrepientegüũ. ⁸ O, ¿Takü ngeü̃ gümepṵtachìnü dieru nüma ngema, ngegumachi wií tachinü tarü taũgṵ, tamachí norü daparìna ni naĩ, ipatachi ni bi, meachí tümaka̰ na daú ñumachi ta tümama narü ü? ⁹ Rü ngeguma tümama narü ũgü, tüma guama tüma arü ngaìkama i peẽ rü tüma arü amìguũ natarügü. Kü pe taeẽgü chomaã, ngerü tümama charü ũ yiema dierütachìnü chorü taéè. ¹⁰ Ngegumarüü̃, na ngema i taéẽ Tupana arü duũgü i ũünegü peḛwa, ngerü wií chieü̃ arü ürüü̃ na arrepiente. ¹¹ Ngegumarüü̃ Ngechuchu ñararügü: "Ngemarüü̃ na ngema wií i yatü tare nekü. ¹² Yima ngetüũkü norü papàũ ñaragü " Pa chaunatü, chona na ã ñuma ngema guũma i airügu chona ügü. Ngeguma nüma na toyegu ngema norü ngemagü nügümgü. ¹³ Ngeguma yìkamaũra, yimarü ngḛtü ü̃ maekü nana nutakeḛ ngema norü díerü tüna aĩyaũ naka̰ na tae ngema tauwama nü meü̃, rü poraũchiüchìma norü maü̃ na aĩyaũmare. ¹⁴ Ngeguma marü guama norü diẽru tüna gueẽgú, ngeguma ína ngu taü̃ma i taiya yima íãnewa, ngeguma nüma poraũküna chíma nguũma na ngema. ¹⁵ Rü yegüma nüma rü norü puràkü tana dau wií duũ ĩ ãpũü yima iãnewa, yeguma ngema korí naanewa nanamũ na kuchíguna ka̰ na daũka̰. ¹⁶ Rü düwa nüü̃ nachíéga ga yema kuchiwemü, ngerü poraãií nataiyaüchí, natürü tawema õna nüna taã. ¹⁷ Rü yeguma naãẽwa nagu narüĩnü, rü ñanarügü: ¡Ñure purakütanüũ papà naka̰ dau nüecha guũguma awemügüũ, naturü choma nua, marü taíyama nuã yuchaũ! ¹⁸ Numa tai cha uü̃ rüta papàũtawa cha ũ, tüũta ñacharügü: "Pa pà, daunaanema̰ cha guchinü, ũchí kumaãtá. ¹⁹ Rü tama marü cha nawaẽ na chaune ña kuũ choü̃. ¡Rü wií í kurü purakünüakü choũ kí ĩẽẽ ñacharügü ta tüü̃. ²⁰ Ñeguma yima ngetüüũkü na ũachí rü norü papàka̰ na dau, Ngeguma nüma na yaü̃gutama, norü papà rü nüta daú, rü poraãküũchima ta ngechaũ, rü ta ñaachí , rü nüna tana paãchí rü chuũ. ²¹ Ngeguma nüma ñanarügü: "pa pà poraũküũchima daunaanemà cha guchinü rü kumaãta. Rü tama marü cha nawae na kuneakü choũ ku yaú. ²² Rü ngeguma nanatü norü purakütanüü̃ ñanarügü: "Kü paama nua pena nge ñema nachiru ĩ meũ, kü nawa pena nga̰kúchí, ũchí anera na̰meḛwa tüü̃ pe ükuchi rüta pena üarü chapatuã. ²³ Ngegumarüü̃ nua pena ga ñema woka rü ngumaeüchiũ rü ũchí pea mã. ¡Nama ta petaegütà! ²⁴ Ngerü chaune rü marü na yuchiré, natürü marü arü maü̃. Nüma rü narü tauchirḛ, natürü marü na ngõ. Ngeguma nümagü nama na petaegü. ²⁵ Ngeguma nanè chakü, rü yeama kampuwa na ñema, ngeguma na taegugú rü marü ngaikamawa na ngugu ĩ nachiuwa, rü nüma ĩnü peta rü yiũ. ²⁶ Rü nüma rü wií norü purakütanuü̃ ka̰na ka rü nüna na kà, rü ñanarugü: rü takü niĩ ngema ñaã: ²⁷ Ñeguma ñema purakütanüü̃ rü ñanarügü nüũ: Kuenẽ rüna taegu ĩpataka̰ rü kunatü rü taa ma̰ i woka rü ngũmaeü̃, ngerü kueneẽ rü mekü ina ngu. ²⁸ Rü nanè yakü rü ni nuãchí, ngeguma rü tama ni ükú nanatü rü ĩta uü̃, rü porauũküũchima nüna ta ú. ²⁹ Natürü nane yakü norü papà na ngaũ rü ñanarügü norü papàũ: "Duká, muũchikü ya taunekügü rü nuã chí oeẽ kuka̰, rü taguma kuma cha guchinü, wowa ñemaãkü kuma tomagu choma wií wokaakü ka mũ na ngemaũkü choma na nama cha petaeũka̰ ñema chorü chaumükügü. ³⁰ Natürü ngeguma yima kune, noru dieru tuũ aiyaũkü ngeũgümaã, kuma kua ma̰ nüũ, ñema wokaaku ngũü̃. ³¹ Nanatü rü ñanarügü naneũ: "Pa chaũne, kuma guũguma chaũtawa ku ngema, rü ñemã guũma choũ ñemaũ rü kurüniĩ. ³² Natürü na wai na peta i ügüü̃ ũchí taeẽgüü̃, ngerü da kueneẽ rü marü na yù, rü arü marü inarü dã, ũchí narü taú, notürü marü arü na ngõ.