¹ Na ngupetü ngeguma Ngechuchu ñeürüü̃mare nachikawa na yumuegü, i ñemagu marü nü narü chaugu na na yumueü, wii norü nguetanüü̃ ñanarügü. "Pa kori yumae tona nguẽẽ, ñeguma kuan norü ogütanüü̃ na ngue erüü̃. ² Ngechuchu ñanarügü nüü̃gü: "Ngeguma pema pe yumaegügü ñaperügü. Pa tonatü aiküma ma ni kuega na üüneü̃. Numa naũ kurü ngemaüma. ³ Wiichigü nguneügü tona na ã ngema torü pon. ⁴ Toü̃ nü ngechaü̃ ngema torü guchàü, ngegumarüü̃ tòmagü tüü̃ nüta ngechaü̃güü̃ yiemagü toma guchaa̰güé. Tama ta nawaegüna chieü̃gu toü̃ ku nguèü̃. ⁵ Ngechuchu nüü̃gü ñanarügü. "¿Tee pemagurüü̃ tüna ngema wii tümamukü ngema ngaü̃küü̃ ñema ũè uchi ñatarügü nüü̃: Pa amigu, tomeḛpü paũ chona na aãchiiramaré, ⁶ ngerü wii amigu ngewaka namawa nei ũkü ina ngu, tauma nüna cha aega ngeru tauma chona ngema? ⁷ Naturü yima aĩépewa ngemakü ñanarügü: Taú chaugu ki dauküraü̃. Ngerü iã marü narü wátà, rü chaunegü rü marü chaũtawa na ngemagü, yea nachitaukurüwa ichorü wa̰ uchí paun nüna na na ã paun kuna cha aü̃ ngerü na tauma chorü tempo kuna cha aü̃. ⁸ Choma pema ni chi ú noturü nüma na ãgu, ngerü narü namuku níí inarü da chí nuna na na ã guũma ngema na na̰waeũ. ⁹ Choma ta pema nüchi ú, ipe kagü, ngeguma ta pema na ngaù, naka̰ tana wana. ¹⁰ Ngerü guama yiema duegü ikaè tana yaú, negumarüü̃ olva̰tagü naka̰ daue nama tarü ũ: ũchi yiema duegü kagüe tümaka̰ ta wana. ¹¹ ¿Ngeere papá petanüwa, ñeguma tümane wii chonika̰ nüna ta ka̰gu, wií atapemare nüna ta ã chonichíkawa? ¹² ¿ngegumaruü̃ wií nacharaü̃ ka̰ nüna ta ka̰gù, wii tuchinawe na amare? ¹³ Ngegumarüü̃ pemagü, wowa na pe chiekümamagüü̃, meũ ngemaü̃gü peakuna na pe ã, ¿ñegumarüü̃taniü̃ tanatü ĩ daunagukü tüna nana ã naeẽ üünekü ngeguma naka i kagu.?" ¹⁴ Yimaka yaaneku , Ngechuchu wií naeé chieü̃ ngeaũ na yaú. Ngeguma ngema ñema chatana chieü̃ a gogù, yima yatü ngeakü ní deà , í ngeguma gema natukumü rü poraũküma na baĩa̰chié! ¹⁵ ngeguma nümaüchigü i duü̃gü ñanarugügü: Numa rü chatana arü poramà nií naeé chieü̃ ina wouü̃, ñema naeé yieügü arü aḛkaküerugü. ¹⁶ Nümaüchigü rü nüna ügüe rü naka̰ na daugüĩ wii ngemaü ĩ daunawane uũ. ¹⁷ Natürü ngechuchu norü ĩnügüü̃ na kua̰ rü nanarügü: Guüma naene ĩ tiyetukumü nügümàtama rü na ngeukuane, ngegumarüü̃ta wií ĩpata nüguma ya toyetukumügu rü narü ngú. ¹⁸ Ngeguma chatana nügümá a tuyetukumügu. ¿Ñuaküchí ñema norü naene na ngemaechaü̃? ngemaükü pemagü choü̃ ñaperügü na choma naka̰kṵraü̃niü̃ ñema chatana na ngema naeügü chieü̃güĩcha woüü̃. ¹⁹ Ngeguma chi choma ngoũ chatanaegagü chieügü icha woü̃gü ¿teeguchí norü õgütanüü̃gü ta woüü̃? ngemaka̰ nümagü chi norü aẽkaküguchitiĩgü. ²⁰ Naturü ngeguma choma Tupana meḛma ngoõgü ĩcha woü̃gu, ngegumarü Tupana arü meü̃ pana na ngugü. ²¹ Ngeguma wii yatü parakü, ũchi guũwama na anegu napatana na daú, ñema norü a̰rrü rü na mè, ²² naturü ina ngugu i wii yatü i norü parama eü̃ rü nane i nawa na kua̰chirene na puü̃gu, ngeguma rü guüma norü ngemaü̃ ni na. ²³ Yiema tama chomaĩe, rü chauchi ta aĩ, yiema tama choma na deè, rü tarü taù. ²⁴ Ngeguma wii naeé chieü̃ wii yatüwai uü̃gü, nachíka i peúgu ina uü̃ü̃, ngegumaruü̃ nachika tana daú nagu narü ngüü̃ruü̃. Taumamà chorü ü̃ ñemaka̰ nacharügü: ²⁵ Wena ta naka̰ cha taegú yima ĩpata nawa necha uü̃ne: I ngeguma nawa na ngugú, nüü̃ na daú rü na meẽchima rü ũchí na ngaeẽ. ²⁶ Ngegumarü nüma wiimḛ pü arü tare naeẽ yiegüü̃chii nori aru yeerachígüü̃ narü gagü, ñemagu guüma rüta ngema na chokú rü ñema na maé. Neguma yima yatü arü maú rüta na yeeraüchí narí arü ugüruü̃. ²⁷ Ngeguma nüma ore ya uyaní, wií ya ngeé ñema muü̃tukumüwa tá poraga rü ñatarügü: "Ta meḛchima ñema namatüwe ñama arü naewa kü gaü̃, rü ngegumarüü̃ta yima nanií nawa ku yaüne." ²⁸ Notürü nüma ñanarügü: "Ta megü waí, yiemagü Tupanaga i ünügüé ũchi nama nguüé. ²⁹ Natürü ñema duü̃gü yeeraü̃ka a mutukümügu, nüma ñanarügü: Ñaa duütukumü rüna chiekümagü, wií eunüka̰na daugü, tautaa uenü nuna ngaugü, Jonas arü uenüĩka̰ ni ngemaü̃. ³⁰ Ñegumarüü̃ na Jonas erü uenü na ninivitas ka̰ na ngoü̃, ngegumarüü̃tata yima yatü nané wii uenü tanií ñaa duügüka̰. ³¹ Yiema tamai kué natüí yaüwa itarü wa̰ta nama tüma arü pakü nãka i yatügü ñama arü naene waí maeü uchi tana pokuégü̃, ngerü tümarü yeamaüchima waimepechi nüwa neta ũ naka̰ ta ĩnüü̃ka̰ ĩ charamón arü kua̰, rü nüpe daugü, Salomón arü yeèrá na nüma. ³² nema yatügü Niniveka̰gü ina rü dagü nama ngema ponatürü naka̰ ñaagü duü̃tukumügü, rü tana na pokuè, naturü nümagü rü nügü ĩní kua̰gü ñehuma Jonas ore a ugù, rüka nüpe daugü, wìí Jonas arü yamaeü̃ numa na ngemà. ³³ Tawema õmü naí ta ngeta tí kṵ́mare, wowa mechatüü̃gü, na menìí waì na üükutügu na üü̃, ñeguma guama yiemà í chokúgué nü ta daù. ³⁴ Kuetüìü̃ kuüne aiü õmüniì. Neguma kuetü na megu, guüma kuüne rü õmüma na aãkú, tauwama tana waàné, ngegumarü tana ngoõne. Naturü ngeguma kuètü na chiegü, guümà kuü̃ne rüta na waaè. ³⁵ Nemakèa̰, nama meaẽ i ñema õmü kuwa ngemü̃,tama naka̰ waanemareü̃küa̰. ³⁶ Ngeguma guüma kuünè õmüma na aãkugù, tauma ngeta iraü̃ wanegu, ñegumaiúta ni baĩpetüane ngeguma ngeta wii daparina kugu na baĩgurü̃. ³⁷ Ngeguma ya gua aru dea̰gu, wìí faricheo napatawa chibüka̰ nüna na ú, ngẽguna Ngechuchu na üku rü narü ngü̃. ³⁸ Ngema Faricheo rü nama na baĩachi na tama na nügü na yaumè a chibüü̃ka̰. ³⁹ Naturü numarü ñanarügrü: "Marü na me, pemagü pa Fariseogü, dìetüwewa ipema püìgü perü kopügü ũchì perü poratugü, naturü perü aìepewa poraü̃küma na aüchììchíma. ⁴⁰ ¡Pemagü pa yatugü chìrì maegügü̃! ¿Ngerü yíma düetüwa üü na ükü yìma tanií na ükü ngema aiẽpewa üü̃? ⁴¹ Yíema ngearüe na pena ã ngema aiepewa üü̃, ngeguma guüma ngemaügü rü ta na me pḛka̰ gü. ⁴² Natürü ¡way pa Faríseogù! pena a ngema perü menta rü perü chementerawa ngemaü̃, notürü rü perü ngema ñema poku rü ñema ngechaü̃ Tupanaarü. Na me waínìí na mea ĩ uü̃ uchi Tupana í ngechaü̃, notürü tama ñemaka̰ tana ngḛ ngema tagü ngemaügü. ⁴³ ¡Pe uaegü pa Fariseogü! ngerü pemagü poraaküũchima nüpe ngechaũ ñema wipewa ngemaü̃ tochika ngutakeḛ pa taü̃wa ũchí ngema moegü taepataũwa. ⁴⁴ ¡Pe meagü! ngerü perüta pe yuetagüraũ na tagü pe daú, ngema duũgü tümaetügü ĩnarü iiü̃ dama nüna kua̰küma. ⁴⁵ Na ñema wìí meürüü̃mare nguetanüü Tupana arü orema nügü irü taaüũ nüna ngaũ rü ñanagürü. "Pa nguetaerüũ, ñemani ki uũ, wìí guchìganií" ⁴⁶ Ngechuchu ñanagürü "¡Ngegumarüũ pe uãegü pa kuãgurüũgü ngerü yatügü arü guchaũgü pe ngegü natürü tama pena ngenagüü, ngerü pemagü wawa wií pẽmàḛ ma̰ tama nü pe yaũachigü. ⁴⁷ ¡Pe uaègü! gnerü! ngerü pena meẽchina meama pena ngaegüü ngema torü ore arü yuepataũchiũ, natürü pemagüchiré tama nií toũ tüpe daigũ yiema torü papagü. ⁴⁸ Ngegumarüũ rü pema nüpe k̰ua̰gü rü ũchi perü maũ wa nagu perü ĩnüè ngema torü toenemaã pe wagüeũ, ngerü nümagü toru ore arü ugürürüü̃ na daĩgüü, ngemaka̰ tünachiũ mea pena ugüũ. ⁴⁹ Ngegumarüũta tanìí ngema tupana arü kuã ñanarügũ: Peka̰ ta ñema chana mugü profetagü rü apóstolegü, natanüwa ngurüachi wìí tape ã ma̰gü ũchí naíwe tape ngegü; ⁵⁰ Ngemaka̰ ñama natukumü, nüna na kua̰gü nagagügünìí yima nagügü ĩ ore arü ugüruũ ĩ bagükü ñeguma narí naane arü ügü gù. ⁵¹ Norì Abekugü arü ügüwa ñumata Zacarías gügu na ñemaakü na altar gu naa ma̰güũ ũchí na yuũ, ñemaka̰ pemagü tamanií namaa pe kua̰gü. ⁵² Ngegumarũta pemagü pa orepanü arü aẽkaküerugü ngerü pemagü kua̰güpataũ arü chawì perü pugü, pemagütama tama pe chokugü, ũchì tüpe nṵgüegü yiema chokuegüe. ⁵³ Ngegumà yikama Ñgechuchu marü na taegugú ngema nachikawa, ñema escribagü rü ũchí fariheogü rü poraüküũchima nachìga ni deagü, ⁵⁴ Nore ore matataa̰ nügü na kua̰gugü ngema ĩna na nũegü.