¹ NGechaügü, tamã guṵmã naẽ pe o̰gü, tamã a̰ o̰ṍchḭĩ na aikumã tupanawa ni na ü̃, erü na muü̃chi na̰a̰nẽtüwewa tupanaa̰rü o̰rḛmã ḭ dora̰ü. ² Ñemawata̰ nüü̃ pe kua̰ḛ na aikumã tupana maü yi ĩ-- guümã naẽ nü daṵgu ngechucho nua̰ na ü̃ tupanamachinĩĩ, ³ rü ñemã nãẽ tamã ngechuchu i kuü tamã norü niĩ yimã tupana. Ñaa̰ nãẽa̰rü antcristua̰rü a̰rü ni ĩ, pemagü nüü̃ pe ĩnüẽ ñema nina ṵ, rü marü nua̰ na ñemã naa̰nẽtüwewa. ⁴ Pemagü rü Tupanaãrü pe ĩgü pa chaunegü rü numachi nüũ i perü yeera, erü yima pewa ñemakü ya yima ñoma naãnewa ñemaãkü narüyeera. ⁵ Nümagü rü ñaã naãneka ni ĩ, rü ñemaka, ñema nüũ na ugügüü̃ ñoma naãneka̰ nḭĩ rü ñoma naãneka̰ rü naga na inüẽ. ⁶ Tee tama Tupana arü i ĩẽ rü tama tüũ i tarü inü. Nawa ta nüũ ta kṵa i naã́ẽ meũ ya aiküma i ḭĩ rü ta ta nüü̃ ta cua̰gü i naãẽ dorataá. ⁷ Pa chautanüũgü, ñia wuṵichigü rü yigü ta ngechaũ, erü ñema ngechaũ rü Tupanaarü nḭĩ, guama yiema Tupanaũ ngechaũe rü ngewaka ta bu rü ñumachi Tupanaũ ta kṵa. ⁸ Ya yiema dueẽ tama Tupanaũ ngechaü̃e rü tama Tupanaũ ta kṵa. ⁹ Ñemaãkü Tupana arü gnechaũ nügü na we tatanüwa, na ñemaãkü Tupana rü yima na̰ne nügüma wṵikakü ñoma naãne nana mu na ñemaakü nagagu i maeĩka. ¹⁰ Rü ñemaãkü nḭĩ ñaa ngechaũ, tama na uchaũ nḭĩ Tupanaũ ta ngechaũgüü̃, notürü ñṵma toũ na ngechaũ nua nana mú i Nane rü nügü na ã torü chieü̃ka̰. ¹¹ Pa chaweneegü, na ñuma Tupana poraãkü tüü̃ ngechaü̃rüü̃ ñemaka ta yiemagü naweena wṵiechigü yigü i ngechaü̃gü. ¹² Tauema Tupanaü̃ ta dau. Ñeguma wṵiechigü tügü ta ngechaü̃gu, Tupana rü tawa na maü̃ rü gnema norü ngechau rü tawa narü mechigü. ¹³ Rü nawa nuü̃ ta kṵa ni nawa i ngemagüü̃ rü ñumachi nüma tawa erü nüma rü norü naãẽ tunana̰ ã. ¹⁴ Rü tomagürüta, nüü̃ ta daugü rü nüü̃ tiuchigagü na naneü̃ nua namuü̃ na ñemaãkü guũma i duũgü na maeü̃ka̰. ¹⁵ Rü yiema yaoẽ rü nüü̃ i uchigae na Tupananane yiḭü̃ ya Ngechuchu rü aiküma Tupana arü duũũ tiĩ, rü Tupana tümawa na maü̃. ¹⁶ Rü ñemaãkü yiema rü nüü̃ ta kuagü i norü ngechaü̃gü i Tupana tüü̃ ngemae. Tupana ru ngechaũnḭĩ, rü gueẽma nawa ngemaẽ i ñaã ngechaü̃ rü Tupanarü tümawa na ngema, rü ñumachi Tupana rü tümawa na maü̃. ¹⁷ Ru ngemaka, ñaa ngechaü rü totanüwa inarü weãchichigü, na ñeguma nawa na ngugṵ i ñema nguneü̃ i guchaũgü na kugu taya õgüü̃ka̰, ñüma nüma ya iĩrüü̃ ngegumarüü̃ ta niĩ yiemagü i ñoma i naãnewa. ¹⁸ Ngechaũ tüü̃ i ñemagu rü na tauma imuũ. Rü ñema ngechaũ aiküma i iĩ rü inana taüchi iñema muũ, ñeguma nüü̃ i ngechaũgu taũtama ta pokue. Erü yiema nüü̃ muũẽ rü taũtama tarü weãchi nawa inorü ngechaü̃. ¹⁹ Tomagü rü togüü̃ ta ngechaüẽ, erü nüira Tupana tüü̃ na ngechaũ. ²⁰ Ñgeguma wuie ñagügu: `Tuapanaü̃ cha ngechaü̃`, notürü tümaẽneechi ta aigu, rüti dorataa. Tee tama tümaẽneẽ ngechaüẽ, nüü̃ta dauãküma, tauakütama Tupanaü̃ ta ngechaü̃, erü taguma nüü̃ tadau. ²¹ Rü ñaa niĩ norü mugü rü Nawá tüü̃ ngema: ya yiema Tupanaü̃ ngechaü̃ na nawaeta na tümaeneü̃ ta ngechaü̃.