¹ Ne wabé be'ya biji napawali echi wéla nawesami, echi ochérami alí echi osámi yuka alí sineami su'waba jú rio echona nochami. Jonsa aboni buleli echi Jesús (Jesusi) alí ma otoli. Aboni ko 'yali mina Pilato. ² Pilato ko rukeli echi binoi: "Muje jú echi Jurios nil wa'luala?" Binoi ku nijewika jeaneli: "Muje echirika ani." ³ Echi wéla nawesami wika ra'ichali akam nili Jesús (Jesusi) sayerika. ⁴ Pilato auche rukeli echi binoi: ¿Muje ketasi tami ku nijewi? ¿Ayena ritiwa piri jiti ra'ichi je'mi nimi sayerika? ⁵ Chopi Jesús (Jesusi) ketasi ku nijewili mina Pilato, alí Pilato ketasi echirika ikimea mayeli. ⁶ Mapuali walú kowami niruchi riko Pilato ni'ubniami nili bile bachara atim, echi 'yeta atim mapu echi pakotami aboni nakí. ⁷ Echona echi siti rasiame yuk pacha mo'wara, echi nikowami yuka chapirutami mapu wa siti olali, niruli bile rijoi Barrabás (Barrabasi) riweami. ⁸ Echi wikabé pakotami isili echona Pilato yuk alí o'winali tana aboni jiti olanala mapurika chabewanala olali. ⁹ Pilato ku nijewili alí jeaneli ¿Yemi naki mapu ku ni'yúbo echi Juris nili waluala? ¹⁰ Mapujiti binoi machili mapu echi wéla nawesami pe we kichika otoli Jesús (Jesusi) echomi. ¹¹ Chopi echi pe walula nawesame ne 'werali aneli echi pakotami mapurika sinánala mapu Barrabás nima ku ni'yubnarami. ¹² Pilato auche sine rukeli alí jeanili: ¿Pir dama nije echi Jurios wa'luala yuka? ¹³ Aboni sinakali auche sine, ¡"Kurs chi michonsi"! ¹⁴ Pilato jeaneli: "¿Piri chati olali Bioni? Chopi aboni sinaka nokali waminabi alí waminabi, "kurschi michonsi". ¹⁵ Pilato nakili olama mapurika echi auche ja´re echi wikabe pakotami naki, echijiti bioni ni'yubnali echi Barrabás (Barrabasi). Bioni pisoli Jesús (Jesusi) alí jonsa wémi buleli mapurika otomea michonsia echona kurshi. ¹⁶ Echi sontarsi ko toli echomi pachani pe uchirachi (jena ko jú echona kolachi), alí bayeli kara su'waba mapu iki sontarsi nili. ¹⁷ Aboni ucheli bile sitakami chomítami chini mina Jesús (Jesusi), alí aboni 'usuli bile namuti si'weami mo'ochi uchéli alí echi Jesús (Jesusi) ¹⁸ Aboni ko o'winali narepia alí jeanili: "¡ku ni 'yu muje jurios wa'luala!" ¹⁹ Aboni wipisoli mo'olchi bile walu kusú jiti alí kachípali. Aboni chokobali mapurika omawanirá. Bile we nateami nira. ²⁰ Mapuali aboni churika anesa echi jiti, aboni ma michonsia echona kurschi. ²¹ Aboni werli aneli bile Rioji mapu pe echomi yenami nili, bile mapu kawichi jonsa inorami, simoni echi sirene biteami (Alejandro alí Rufo onola); alí aboni werli aneli kursi Jesús (Jesusi) níl motor nala. ²² Echi sontarsi pali echi Jesús (Jesusi) echona wiporachi Gólgota (Goolgotachi) aniliwachi (Mapu u'chula niruchi). ²³ Aboniko 'yali echi uba ba'wila karunti chupúmi nosótami chopi Binoi ketasi bajili. ²⁴ Aboni michonali alí rojanalo echi sipuchali mapurika machimé chika aka ripi echi rana rojakami. ²⁵ Kimakoy or inaracho belá nili mapú alí aboni michonali. ²⁶ Bilen osirutachi aboni osali namut ra'ichali echi sayerka. "ECHI JURIOS NIL WA'LUALA". ²⁷ Echi yuka michonali okua chikorami, bile otona alí auche bile akana. ²⁸ Alí echirika ikili mapurika aní echona osirútami mapu, ECHI BIONI TARARAMI NILI MAPURIKA BILE CHATIL OLÁMI NIRÁ. ²⁹ kara mapu echomi simirli ne we simirra chu aneli, mo'ola nokerka alí jeanika: "¡Ajá!" muje mapu anili kojuinama ruli echi ro'oba alí ku kalirama baikia rawe isika. ³⁰ ¡Binoi ku ni'yu alí riniki echona kurschi jonsa! ³¹ Echiriga echi wéla nawesami we chubi aneli Binoi, aboni nirá, mina anili, "Echika ku ni'uli chojare chopi ketasi ku ameri binoi ku ni'u. ³² Nakíli napo binoi echi Cristo (Kristo) echi walula Israel, rajinama echona Kurschli jonsa, mapuriga inebo mina bichíbo." Mina echi kurschi michonta uchuli echi yua ayenacho chu'anili echi jiti. ³³ Mina ma ra'uli ko, mina ochanli chuwena kawichi bakia inarachi alí jonsa. ³⁴ Mina bakia inarachi alí Jesús (Jesusi) ko sinali o'wali, "Eloi, Eloi ¿lama sabactoni?" Mapu aniwami jú, keni Riosi, Keni Riosi, ¿churé tami chariweli? ³⁵ Jaré mapu mulipi muchuli, namli aliko jeanili: "inesi, echi ku Elías balle." ³⁶ Bile mali, mina ucheli echi chipumi echona rasachi, uchali echona bile ilí kusurli, mina i'yali mapuriga bajima. Echi rijo ko anili, "inebo achi nawasí echi Elías, mapuriga ku nawasi chi ku apasia. ³⁷ Alika Jesús (Jesusi) sinali wáli mina mukuli. ³⁸ Aliko echi chini re'obachi niruami ku chu'ali nasipasi ripani mina rileri si. ³⁹ Mina aliko echi tibuami japu echona bachami lili Jesús (Jesusi) yua, riwali mapu echi Jesús (Jesusi) ma mukula echiriga nirá, bino ko anili, "Ne bichiwa nira na rijoi Riosi a ra'nala nili." ⁴⁰ Echomí ko jaré muki muchuli iné wabe makabe nirá. Echomi ko sali echi María Magdalena, María (echi tabela Santiago yela mina José) mina Salomé. ⁴¹ Mapu alí echi ko Sali Galilea aboni ko najalili mina ku'irali. Wika chajare muki ayenacho isili echi yua echona Jerusalén. ⁴² Mapu alí nawali aliwachi, chopi echali rawe ko kariaje kuachi nili, Mapu, ma sawalachi sebama. ⁴³ Echi José Arimatea biteami nowali, echi ko nili napu echona si chukumi echona napawicuachi. Mapu echi buweli ne walubealachi riwigachi. Binoi we jiweraga ne ke siweka simili mapu na piloto asali mina tanli echi Jesús (Jesusi) repokala. ⁴⁴ Alí Pilato ke buyeli mapu Jesús (Jesusi) ma mukurrea; bioni ko bayeli echi tibuami alí rukeli acho mukula echi Jesús (Jesusi) ⁴⁵ Mapu alí ma machili ruyeso echi tibuani jiti mapujiti echi ma mukuli yali echi Jesús (Jesusi) repokala, echi José. ⁴⁶ José ko ralali bile chini nili. Rile ichi ku pali echona kuischli michunta chukula echona jonsa, buleli echi chini jiti, mina kateli bilena rosacho. Echalí ko bile walu rite kabotaka jiti yerili echona rosochi. ⁴⁷ María Magdalena mina María, José yela ineli echona mapo Jesús (Jesusi) katiwarami nili.