¹ Mapualí aboni simiba isirali echoná Jerusale nachi, ma mulubé sírali echomi Betfajé alí Betania aniliwachi, echomi rabolachi olivo aniliwachi. Alí Jesús (Jesusi) ko júli okua mapu binoi bineriali. ² Alí jeaneli: "Simibika míjem wipo'o. We sapuni yemi mo'usi, bile buliti riboare tamo mapu ke sine kaserami nili. Botonapka alí akina tosi. ³ Alí jaré mi jeanesa: "¿churikare jena ola 'yemi?, 'yemí ko jeanibó: Echi walula newale pe ke ayo akiná ku nijima. ⁴ Aboniko simíbali alí riwáli bile buliti buletami bilena machíye yérali irapta wiliachi, alí aboniko botonapali. ⁵ Wikabe pakótami mapu echomi muchuli jeanili: ¿piri olá 'yemi jena buliti botonapa? ⁶ Aboniko anili mapurika Jesús (Jesusi) nuléli alí echi pakotami nakiwili mapurika kú simama echomí buweralí. ⁷ Echi okua rioji mapu Jesús (Jesusi) yuwa bineami nili, aboniko 'yebali echi buliti echi Jesús (Jesusi) alí chini jiti pérali moba mapurika Jesús (Jesusi) omérima kasé. ⁸ Wikabé pañotami ipeli aboni niila chini' echomi rile, alí auche jaré ipeli karunti sawala mapu aboni ripunali echomi wipo jonsa. ⁹ Echi jaré mapu bachámi isirili Bioni yuka alí jaré mapu jubámi najata isirali jeaniká sinákali: "¡Hossana! Ne kalá ju mapu yiri inariko echi walula ráwala jiti. ¹⁰ Ne kala jú echi walúlachi mapu inaro keni onó Rabiri; "¡Hossana me ripa!" ¹¹ Alí jonsa, Jesús (Jesusi) bakili echoná Jerusalén (Jerusalemachi) alí simili ri'obachi alí néli ne nolerika. Ma we alíwachi nili, Binoi simili echomi Betania aniliwachi wipo echi makoy okua a yuka. ¹² Ba'alinala Rawé, mapualí aboni ku isili Betania jonsa, Binoi ma locheli. ¹³ Binoi ritiwali bile okó mapu chuna' rakeami nili, echomi ámi mapu we sawémi nili echijiti Binoi simíli inema a nirúla pe bilé raka. Mapuali nawasa echona, Binoi ko ketasi biiri riwali chopi wika sawala, mapujiti kecho nirúachi nili echi chuna. ¹⁴ Binoi ko ra'ichali echi oko: "Ke wesi sine komeare muje rakala." Echi bineami ko námali mapu Bioni 'anili. ¹⁵ Aboniko isili Jerusalén (Jerusalemachi), alí Bioni ko bakili rilobachi alí o'winali machí buwana echi ralinéwami alí echi ralámi echona rilobachi jonsa. Bioni rakibuli echi miesi echi nomí nakiluami nili mina kusuneali, echi makawis ralineami nili. ¹⁶ Echi ketasi wes nakel: nop rika karunt namuti mutuk ka. Yenma echona pacha re'obachi, mapu ralinetami nima. ¹⁷ Binoi binerli nia jeaneli: "¿Ketasi osirutami ju nije biterachi riwarami kalirali Riosi yua raicaakuam mapu chiwen kawirali niruma? Chopi yem niwara bilench rosochi chikorami pirerachi. ¹⁸ Wéla naweami mina echi osami namli nop ich Binoi, anili, mina natali churiga omerma miliyá. Echi ko majali mapujiti echi nisineami pakotami ne simirami ke mayeli nop binerli. ¹⁹ Churupi chonach Jesús nia ich bineami riwe ich kia rijowachi. ²⁰ Nopori echi simiba sirli bi'ira riwari echi o'kó chuna rakeami ma kicheamí, ra'wala jonsa. ²¹ Pedro ko natilí miná anili: "Rabí niebo, echi chuna mapu ketasi nakilim rakema, ma kicheli." ²² Jesús (Jesusi) ku' jeaneli: "ka'la bichisi Riosi." ²³ Ne bichiwa nira yemi ni ane, mapu'ir anesa jena rabó: "Lisiga alí pochí echona walu ba'wirali, alí echi ketasi majasako sulachí chopi bichisako japu anelti la simirama. Echiko ju mapu Riosi olama. ²⁴ Echi jiti ne anema; karka mapu Riosi yuka ra'ichi koo tanikó, bichisi mapu nareli, mina bioni nila níma. ²⁵ Mapualí jabsa alí Riosi yuwa ra'ichasa, bacha wikawaboré mapuyiri namuti yemi niwsa sayerika auche bile yuwa, mapujiti echi onurúami echi riwigachi atiame a wikáwima echi chati oliwámi. ²⁶ Chopi yemi ketasi ku wikawisa, ketasi cho echi ono mapu riwigachi atí wikawima echi chati oliwámi. ²⁷ Aboni isili auche siné echomi Jerusalén (Jerusalenachi), mapu alí Jesús (Jesusi), yenachi pacha re'obachi, echi welá nawésami, echi osámi, alí echi má ocherami, echomi isili Binoi yuma. ²⁸ Aboni jeaneli: "¿Pir nirá wa'lula jú mapu echirika ola muje? ¿Chiká nulalila jiti echirika ola muje?" ²⁹ Jesús (Jesusi) jeaneli: "Nije 'yemi rukema. Tamí anesi alí nije yemi ruyema chika nulalila jiti ola nije? ³⁰ Echi Juan (Juani) pakól, ¿Riwigachi jonsa nulárami níli wecho ralamuli nulalila níli? Tamí ruyesi." ³¹ Aboni nakupi najisaka ra'ichalí alí kala machiká alí jeanili: Tamuje jeanisa "riwigachi jonsa", Binoi jeanimeré: "¿alí chorikare ketasi bichíli ³² echi?"¿Chopi tamuje jeanisa "echi ralamuli nulalíla"..? Aboni we majali echi pakótima, mapujiti sineami aboni ku'wirka anili mapu Juan (Juani) bile nawésami nili Riosi jiti julárami. ³³ Echaliko aboni ku nijewili mina Jesús (Jesusi) alí jeanili: "Tamujé ketasi machi." Echaliko Jesús (Jesusi) jeaneli: "Nije Ketasi cho ni mi yemi ruyema cho piri walula nira jú mapu riká olama nije."