<<<<<<< HEAD
Okua Rojanarami.
=======
Okua Rojanarami
>>>>>>> 7cac673a714e05b6db278e29716ac5596fecb21a
1
Keni rijimala, kie pi jare ibil nikia kalesi echi Walubeala Jesukristo jiti, echi Walubeala simarika Jiwerami.
2
Bile oro wabe nateami ucherami echona sikalchi ali we nateami napachami pacha bakisa mapona 'yemi napawi, ali ayenacho bakisa bile rijoi we risuati we chuluweami napachami,
3
ali waminan ka'la nirasa yemi echi mapu echi we nateami napachami ju, ali jeani 'yemi: "Pe rikio, jena'i asa, ka'la su'we rikáche" chopi jeanesa 'yemi echi risuati: "Muje, pi echo'mi ili" wecho "jena'i kasimoba asa",
4
¿We kie yemi aboni a'nakupi chu anika ra'ichi ali Aboni ku kie biyir ka'la natali kalarami ju 'yemi ?
5
Kipusi, keni rijimali wabe kalerami, ¿we Riosi kie natimali echi wabe risuati jena'i kawirli pireami mapurika wabe bichiwami nima ali yarami nima echi kawi mapu Binoi yama ruli mapu iki ka'la bichiwi?
6
¡Chopi yemi we riwel yali echi we risuati! ¿wekie echi wabe wika namuti niwami ju mapu risu ola a li mapu banirka oto mina wi'nijisia?
7
¿we Kie kalek ra'ichi echi wabe ikia namuti niwami echi ne wabe Ka'la Riwala ma[u echi jiti bayertami ju?
8
Chopi, mapuali muje a ka'la nijiwasa mapurika nularami ne bichiwali, mapurika osiruta chuku: "WE NATIMA AUCHE BILE MAPURIKA MUJE BINOI KU NATIMA", we ka'la ola muje.
9
Chopi jare ibil ku'wirsami wabe simirka, muje ke tasi ka'la ola, kie ka'la nijewika olámi mapurika nularami ju.
10
¡Echi mapu sinepra ka'la nijewika ola mapurika nularami ju, chopi muje chokila ju mapu nasobu echi mapurika nularami ju!
11
Mapujiti Riosi ju mapu echirika anili: "KIE WIKA MUKUI O RIJOI YUWA IYENSI," ayenacho jerika anili: "KIE MI'LIBO" kie wika mukui o rijo yuwa inasam, chopi ayena milisam auche jare, asiba rika kie nijewika ola mapurika Riosi nulali.
12
Jiti, Ka'la Ra'ichi ali ka'la nijewi ka'la machika mapu jubami rawe anerami nibore mapu pir oloka pire yemi jipi ali ku'wirtami niboré.
13
Mapujiti kie biyir natimaka ra'icharami nima mapu iki kie biyir natimaki oloká pireli. ¡Natimaka olakua waminan ka'la ju mapuali wichéka ra'ichakua!
14
¿Pir jiti ka'la nima jena jerika, keni rijimala, mapuali bile jeanisa wabe bichiwa ruwa, chopi kie biyir namuti ola? ¿Echirika bichísa ke omerma ku ni'yu?
15
A bile rijimal rijoi o mukui newalesa napachali wecho sinibi rawe ko'wami,
16
ali bile yemi jeanesa: " kanilka ku simika, ku sokualmisa ali ku ko'mesa," Chopi kie yasa mapu yir newale napachakuami, ¿Pir ka'la ju jena jerika?
17
achiko rika mapali muje bichiwisa, ali kie biyir olasa, pi mukukami kie nateami ju.
18
asiba rika a bile jeanimé: "Muje ayena bichiwi Riosi ali nijeko namuti ola." tami i'neri mapurika muje bichiwi kie biyir oloka ali nije mi i'nerma mapurika nije bichiwi karunti namuti oloka.
19
Yemi bichiwi mapu chopi bilepi Riosi niru; ka'la ju echirika. chopi echi riablo pionuala ayenacho bichiwi echirika ali we maja.
20
¿we a machinali, muje rijoi kie natami, mapu churika kie nateami ju mapuali bichikua kie biyir namuti oloka ?
21
¿Echi Abrahami tamuje 'wenali we kie ku'wirtami nili mapuali namuti olali echali Isaak miliasa i'ya onoruami, binoi nola'a, echona ripa riter rikaka.?
22
muje ayena machi mapu ali bichiwisa ayena namuti ikili mapu yir binoi jiti olali, ali namuti olasa ayena nateami nira ju mapuali bichiwa inasa.
23
Mapurika osiruami ju ayena echirika ikili mapuali jeani: "ABRAHAMI AYENA BICHILI RIOSI, ALI ECHIRIKARMI WABE KA'LALA RIJOI NIRALTI." ali Abrahami nili bile Apanero wabe kalerami Riosi jiti.
24
Ma ka'la newala yemi mapu bile rijoi wabe ka'la nirarami ju mapuali namuti nijewika olasa, ali ketasi chopi mapali bichiwisa.
25
Ayena chikorika, ¿echi Rahabi mapu we siti chati namuti oloka yenami nili wika rijoi yuwa, ku ka'lala mukui nirarami nili mapuali namuti olali, mapuali ka'la narepli echi mapu ra'ichali akam nili ali ku ku'wirli suwin buwichi yurka?
26
mapujiti echi tamuje ropokala, kie biyir niwami nisa echi iwika pi mukukami ju, ayencho mapali muje bichisa ali kie biyir namuti nijewika olasa, kie biyir nateami pi mukukami ju,