1
Jipi, mapu yir jiti ra'icha muchuwi tamuje jena ju, Tamuje niwi bile Wa'lula Saceroti mapu ma asibli otona sikalchi mapona ati echi Wa'ubeala echona Ripa riwikachi.
2
Echi Binoi ko ju mapu ku'wirami echona Ne ka'labeala niruchi, echi Kali pacha nawajikuachi Binoi Walubeala Jesusi niwali, kie bile rijoi.
3
Mapujiti kara su'waba o'wela Saceroti nulerami jú mapurika okuanka nijama Karunt miliasa owaska nija kaliek ali echi karunti miliasa owaska nija natetali iya. Echijiti newale karunti winikuami mapurika Nijibo.
4
Jipi asisa echi Kristo jena'i kawirli, Binoi kie biyir namuti mapurika bile saceroti nira nima.
5
Aboni ko we nocha echona kalirali pacha mapona nawajikuachi, mapu chikio rika ju ali tami machirami ju mapu yir niru echona ripa riwikachi. Echirika ju echi Moises mapu ka'la ruweka ra'marami nili Riosi jiti mapuali ma mulupi niwama rueli echi ta kali mapona pachayé nawajikuachi: Jeanili Riosi, "KA'LA NATKA NIWA MAPURIKA MI RUWERAMI NILI ECHONA RIPAYE RABO'O. "
6
Chopi jipi Kristo yarami ju mapurika namuti olama wabe nateami. Ayenacho Binoi nasipa chukubli mapurika auche si'nu bukuluami ra'ichali katewabo waminan ka'la, echi mapu waminan ka'la aneka ku'wirtami nibo.
7
Mapujiti echi bacha ra'ichka katiwarami níli kie nosowikami nisa, ma kie auche sine newalerami nima auche bile ra'ichala katewakuami.
8
Mapuali Riosi riwali mapu kie ka'la olala echi bilen rijoami, Binoi jeanili: "WI'NESI, MA MULUBE JU, JEANI ECHI WALUBEALA JESUSI, MAPUALI NIJE AUCHE BILE BUKULUAMI "RA'ICHAKA KATEWABO ECHONA ISRAEL KUCHUALI YUWA ALI ECHI JURÁ KUCHUALI YUWA.
9
JENA MA KIE ACHIKORIKA KATEWARAMI NÍMA MAPU RIKA CHABE PIREAMI YUWA ANIRUAMI NILI ECHALI MAPU NIJE KU'WIRKIN, MAPURIKA YURMIA MINA ECHO'NA EJIPTOCHI JONSA. MAPUJITI ABONI KU WIKAWILI ECHI RA'ICHALI KATIWARAMI, ALI NIJE MA KIE NAMKIN, JEANI ECHI WALUBEALA JESUSI."
10
MAPUJITI JE'NA JU RA'ICHALI KATIWARAMI MAPU NIJE OLAMA ECHI ISRAEL KUCHUALI MA ECHALI RAWE JONSA, JERIKA ANI ECHI WALUBEALA JESUSI: "NIJE NATARMA MAPU YIR NULALI AYENCHO OSUIMA ECHONA ABONI SULALCHI. NIJE NÍMA ECHI WINIL RIOSI ALI ABONI NIJE WINIL RALAMULI "
11
ABONI KIE BINIERMA AUCHE MAPU AMI YUWA PIRIE KIE CHO ECHI ABONI RIJIMALI , JEANIKA: ''MACHISA ECHI WALUBEALA JESUSI', MAPUJITI KA'RA SINEAMI TAMI MACHIMEARE, ECHI NE WABE TÁLA JONSA YENSI NE WA'LU.
12
MAPUJITI NIJE WABE KA'LA KU'WIRMA MAPU ALI ABONI KA'LA NIWURKA PIRIE, ALI MA KIE NATAMA MAPU IKI ABONI CHATI OLALI."
13
Mapuali jeani "BUKULIAMI", Binoi ma chabe bacha ra'ichali akaréli ali mapu ma chabewami ju ali ma ocharmi ju ma kie ayo kie inie kimieare.