¹ A li ko, tamujeko we namika uchusare nopi iyiri kipu, jitiko ke mina simiboa. ² Jiti ko echi nawesame nili raichala echi iwika jitira a la nateame ju nop iki ke a la olarami chapi echi castigo. ³ Chuta rika omeripo imasa ayena tamuje ke nijewi banisurami nima ne walula? je nala ju banisurami ne ju bacha onorame nawesatami a li ma machili tamuje nopi iki namili. ⁴ Chopi rika rios nawesili echi ta riwirita wika namuti nopi olali, wika olali we jiwerili ali uchali wikanami echi aliwala nopi jerika anili. ⁵ Jiti ke nili echi pionari ko riosi chapili kawirili ko inari, echi jiti muchuwi raicha. ⁶ Aliko, bile bileana nawesili, Je anika: "Piri ju echi rejoi, jiti ko muje niwi echi natakuame? ¿ o bile ranala echi rejoi, Jiti ko muje ke me natama echi? ⁷ muje niwale echi rejoi pe keme ali echi pionari yua iyali we alariko nira. muje uchali kara rile niraka echi ronola? ⁸ Nopi nili echi jepi riosi chapili karka suwaba namuti. echi ke namuti riweli sulanika tamuje yua. Nopi jipiko, biji tamuje ke ritiwa karka chapirutami nira echi. ⁹ Nopi tamuje ritiwa echi jepi niwarame pe we minabe yua pionari, pe keme wili niraka, Jesusi, echi ko we risuarika na mukuli na chapili we simarika. Ali Jipi ko, natetaraba riosi, echi ma mukuli kara rejoi nira. ¹⁰ Jiti a la nili riosi nira ko, jiti karka nirú echi nira ali ne nasipa nira echi, jiti ko wika kuchuala nolinimare Jiti ko banisurame nima suwaba ne nasipa risua niliwame. ¹¹ Jiti okona, echi ko niwa che jare ke chati oliwame, ali jare ju a la niwa ke chati oliwame. ¹² Echi je ani: "nije animea muje riwala nije rijimara; nije nawajima mulube nira muje nira ne pacha nawajikuachi pacha. ¹³ A li che sine: "nije bichiwi echi"na ali che sine: "inesi, nai ati ali echi ranala nopi iki riosi tami iyali" ¹⁴ Ali ko, nopi ali Jonsa riosi ranala nijisapala ali echi la, Jesusi ayenacho nijili chopi rika che jare yuka, jiti ko echi mukuame ko echi omerima buwa nopi niwili echi jiwerili mukuwame, nala ju, ti riablo. ¹⁵ Nala ko nili jiti echi omerima sulana karka ju, nopi iki majali echi mukuame, pireli suwaba biteliwame chapiruame, ¹⁶ Echirika, ke echi pionare nopi echi ati nata; a liko, echi ko we natame ju niwala rakala niwale Abrami. ¹⁷ Aliko erika nima riweli jitiko echi nimampa nopi rika rijimara karka nira, jiti echi nima ne walula saserofi, we ala ali alarka olali namuti nira riosi, ali ko echi niwati re aboni echi wikawame ti choti olalila jare pagotami. ¹⁸ Churika Jesusi binoi risua nili ali kie natami iyarame, echo omeri ku wira nopi iki niware kie natami iyarame.