¹ Alibeche alí binoy Jesusi ko binoy aliwala Snato buchi wali alí ku nawali ami bakochí Jordanichi alí jeanerami nilí aliwala we waki cheachi ² napu echomi naosi makoy rawe sa ertami nili riablo. Kiti binoy ketasi kowaliehali rawe mapu echali jonsa binoy ma locheli. ³ Ali riablo ko jeaneli echi binoy niraá: "muje Riosi ranala nisako nulama jena biwaramí ni wasa echi paní." ⁴ Jesusi ku nimili echi yua: "Jena osuruami: ECHI RIJOY KE TASI BITELIMA PANI AITA BINOY NIRAA." ⁵ Ali beche echi riablo jeanerami nilí Jesusí wamina bileana ripabe li binoy machili karaka walubela nira jenay kawichi mapu echali jonsa. ⁶ Echi riablo jea neli binoy nira: "nijeko nijima karaka jena jawami ali karaka nijima napu nije nijima. ⁷ Aliko ala olisa tami kara suwaba muje niwali ju." ⁸ Jesusi jeaneli binoy: "ma osuruami: ju MUJE ALA OLAMA ONORU AMI YUA MUJE RIOSALI MUJE NE BILEPI ECHIBI NAJA TAMA. ⁹ ''' Ali sapu echi riablo jeaneli echi Jesusí ami Jerusalenachi ali echomi uchali bile wabe ripa walube kalirali Riosi Kalila ali binoy jeaneli echi: " muje Riosi ranala nisa ka mina pasa jenay. ¹⁰ Ali osuruami ko ju: BINOY NULAMA BINOY NIWALI ANGELI MAPU NIMI TIBUMA MAPU ALI ALA TIBUTAMI NIMA, ¹¹ ALI ECHI JARE NIMI WILASAMA BINOY SIKALA, MAPU MUJE KETASI CHIWIMEA RONOLACHI NAPU ECHONA RITERALI." ¹² Ali binoy ku rukeli echí Jesusí jeaneli: "Jeaneramí: "Echiriga anili: KE TASI SAYERAMA ONORUAMI MUJE RIOSUALI ALI MACHIMEA.'''' ¹³ Mapu ali echi riablo ma suwenali alí echí Jesusi sayera binoy mina simili alí na riweli auche sine raw'e. ¹⁴ Binoy Jesusi ku nawali Galileachi ne binoy aliwala kiti binoy nawesari kita alí raichali ne suniami kawiralí ne nolerka. ¹⁵ Binoy chotali binerí echomi sinagogachi echi binoy nilí nekaraka kalerami. ^{16 17} Echi binoy ko nawali Nasaretichi napi echona wikabe rijoachi napo echona o chebrami nilí, napuriga echona bineami nili alí binoy echona sinagogachi nawali ali echona ilibaka ne ripabe aniga leerli. Echi libro nawe sami Isaiasi yarami nili echi osilí kabitami ali ma riwali echona osurutami : ¹⁸ "ECHI ONORUAMI ALIWALA NE TAMI YUA CHUKU ALI ECHI BINOY WE KALELI JENIGA ECHI BUKULIAM RISUATI ALA RUWESA MAKALA KANILAMA ECHI PACHA ILERTAMI MAKU ALA MACHILAMA ECHI QUE MACHILIAMI NE KALABE KUWIRTAMI ECHI GARE PACHA ERTAMI, ¹⁹ ALA RUWESA ONORUAMI RAICHILI ALI NE BICHISA ONORUAMI." ²⁰ Alibeche ku kabili sikachi osuruamí ku kuwana ku yalí mapu kuwirali ali salí. Kara ka busila alí sinagoga má natali echi niraga. ²¹ Bino má owinali kara bayeli aboy: "Jipi ma osuruami ma kanilaka kuwanili." ²² Karaka suwaba testigo nilí napuriga binoy anili alí kara suwaba maja jali walu natetaraba napi machinali echi raíchali echona chumulachi oboni jeaniga nuali '' jenako José ranala ju ¿ke?'' ²³ Binoy jeaneli echiauche jare: "nebichiwali napi riga anisa eme proferbio: muje onami binoy oosa. Napi irí tamuje riwali namali mapi muje riga olali Kapernaum echiriga bí olali echona wka kalirali." ²⁴ Ali binoy chanilí: "'ne bichiwali neje echaneli yemi tasi bile bineriami ju tasi bile napawima echona binoy nila wika kalirali. ²⁵ Nijeko jeane ne bichiwali, napuriga wika raichama echi umuji ke cunzamí echona Israelchi napu alí peteli alíaboni nira'a mapu alí yerali riwi jachi bakía bamibali ali nasipisi ali bile loche kuami nawali echa kawirali. ²⁶ Echiko Eliasiko ke nijirami nili tabile echi yua echiko pe binoy echona Sareptochi li Sidonachi, bile ke kuneami echona biteli. ²⁷ Echona niruli wika nayukami niruli mapu ali kinana lii Eliasi alí bineriami tabile echí sawarami nima echiriga Naaman nili Sirio." ²⁸ Karaka suwaba ralamuli echona sinagogachi ne buchiwa wilili ma kipusa jena karunti. ²⁹ Ma jasli machí patami echona wika kalirali wamina bayerti chuiri siurachi bacha niwarami alí aboni tanasa ne bacha pasa. ³⁰ Alichi binoy echomi nasipa simirali mapu echona jawi aboni ouche bilena simili . ³¹ Alibeche binoy rikinali echona Kapernaumchi, bile siurachi echona Galileachi, ali ma owinali bineria echi aboni ralamuli. ³² Aboy ko we majali echi binekuami, binoy ko raichalí jawami. ³³ Jipiko echona sinagogachi, bile rijoy asali mapu chati rimonio aliweami nili jenay kawichi binoy ko we ripabe raichali: ³⁴ "¡Niru! ¿piri niwa tamuje piri olabo tamuje muje yua, Jesusi Nasareti? ¿a nawali tamuje suwabsia? ¡nijeko ala machí chiga ju muje muje ju Santo Riosi! ³⁵ "Jesusi sayerali echi chati rimonio jeaneli "¡quetosi raicha ali binoy machinali echi yua!" mapu ali echi chotiko chapili echi rijoy echona wichi echomi nasipa echi yua alí ma machinali echi yua ketasi chibi olali ketasi namuti. ³⁶ Kara ralamuli we majali alí aboni we raichalí anajupa ibili nira'a aboni jeanili: "¿piri raichali ju jenala? pe binoy nulali aliwala kiti chopi jawami yuá alíomerí aboni machina." ³⁷ Ali echi ikiruami ma owinali ali chiganacia ai suniami nolerka ali sukaye. ³⁸ Ali Jesusi machinali echona senagogachi alí bakili Smión calillachi jipiko Simión wasila we risuanila we ripabe ratabali echi nauli aboni tanali echi riwala kita. ³⁹ Alibeche binoy wilisali echomi nira'a alí maku achabali echi ratali ali ratali ma riweli. wesapu wilisali binoy alima owinali bichisia. ⁴⁰ Mapu ali raenali chukubali, ali ralamuli parami nili Jesusi yua kara suaba napi nayukami nili napu bikana kayami nauli: binoy uchali sikala echi jare sikalachi ai ibili nira'a auche jare Sawali. ⁴¹ Echi dimonio chati ayenacho karaka buwasali ali wikabe echi nira'a sinakali ali jeaniga: "¡muje ju Riosi ranala!" Jesús sayerali echi chati tasi bile nakili raichoma alibeche abon mamáchili mapu Riosi ranala nilí. ^{42 44} Alibechi echalí rawe nawali ali binoy machinali echomi bilena ke wesi wikabe rijowachi ralamuli ali echi jarre ralamuli aramiju alí ma sili mapu echomi muchulí aboy ali sayerali napu tubuma mapuriga ke mulubema echi yua. ⁴³ Binoy jeaneli: "nije ayena cho ruyema alabe raichali bukuliami onoruami kita nira'a awikanami siurachi, ali jenako ju ne bichiwa napu echiriga napu nije jularami nili jenai." Aliche auchecho anili onoruami raichali ruweka echona sinagogasi ali Jureachi.