¹ Jesusiko bakili wamina chona simira inarali echona jeriko aniliwachi. ² Jenai niruli bile rijoi echiriga riweami sakeo echiko nili bile walula ralinewami bileni ralinekuachi we niwame nili. ³ Echiko asali ineka a sili alili bachimekua binoiko chika nili echi jesusi wamina ke omerali ineka isi echomi bachami ineki isiri echona wikabe rijowachi nili echi binoiko petaia rijoi nili ⁴ wamina echiko wemaka isili wamina bachami echi ralamuli jawachi wamina ripa o moka isile bile rajarali echona sika morachi aniliwachi inemorúa echi wamina jesusiko asali mulipasimira echomi. ⁵ Mapali Jesusiko nawali bileami echiko binoi ineka isili ripa echaneli echi sakeo ku rikinika we sapuka wamina jipi ripimareli mujebitelichi. ⁶ Echiriga echi binoiko we sapuka rikinali wamina we kanilika nareli. ⁷ Mapali karka suwab ika riwali Jena abani ko kawelka nokali Jeanika: Echiko simili kolsia bile rijoi mapue echijo chati olami. ⁸ Sakeo ko wilibali echanili Jesusi. nesa Jesusi nasipasili nije niwali alaia iyasareni echi maporisuti ju wamina namuti chikosani is isakan jare yua nijeko ku yama na osa niraka ku mapu ripa ju. ⁹ Jesusiko echaneli echi jipi nawali jenai kuwirali wamina echi ayenacho echi ju ranala abraami. ¹⁰ Wamina echi ranola echi rijoi nawalia asia wamina ku chapimea binoi mapu echi ralamuli mapu echi ikaka iyenami. ¹¹ Wamina aboniko namika nokali jena namuti echi sunika asili raichika mina ruweka asili bile waminana echi asali mulipi Jerusalenichi mina,a aboniko natali we sapuka echi walula Riosi ripa atia,ame ke saina ku nawama. ¹² Echiko jeanili waminabi bile bichiwale rijoi simili bileni wika pirechi pe,e mikabe chapicia pechi riga binoi walula wamina ku rowika ku auche sine. ¹³ Echiko bayeka aneli makoi echi niwali bichiwami wamina iyali makoy mini wamina jeanili nochaga echi nochola mapali nijeko nawasani. ¹⁴ Echi Ralamuli echona pireami ke kaleli ali julaka olali echi jobami bile rijoi nulama tamje yoga. ¹⁵ Ikili ku rowisa wamina chapisa echi walula echi ko juliko onali mapu yua yenili nochami chika nijili onomi,i ali,i bayerami nili mapo riga echi machimea piri meka Aboniko nokali olaliko echi nochalijiti. ¹⁶ Echi bachako nawali bacha echi yua jenaika: Rijoí muje minala niwala makoi mina auche jare. ¹⁷ Echi Rijoi alabeala jeanili ala,a olali ala,a nochami wamina we gala olami pi okua ti nisaremi walula echiriga makoi pireacha wikabe. ¹⁸ Echi junika nawali jeanika, muje minala Rijoi alaka asili mali mina. ¹⁹ Echi Rijoi alabeala jeanili: mujeko chapisa walula echiriga mali pireachi walube. ²⁰ Chubileko nawali jeanika: Rejoi jena,í ati muje minala mapu echi katewikini ne gala bileni chulubilení. ²¹ Wamina majakini muje jiti mapuriga muje echiriga ju bile rijoi we paruame mje chapime mapu ke nijili me wiame mapumi ke icha uwime. ²² Wamina echaneli echi Rijoi nochami ke a la muje binoi raichali jiti mini castigo yamananí muje mochili nije bile rijoi we aparuami nijeka chapi mapomi ke nijikine wamina icha mapomi kieichakin. ²³ Wamina ¿Chu rikare ke ichakim nije nijala wenomi echona Bunikochi mapali nijeko rowisa,a nije ku chapime ni weni wikaki? ²⁴ Echi rejoi alabeala echaneli aboniko mapa echi mulipi muchika nokali ku yesare echi mina wamina iyasare mapu echi niware makoimina. ²⁵ Aboniko echaleli rejoi mi echiko niware mako mina ²⁶ Nijeko animea mapuriga cho bile mapu echi niware iyarare mi nabe kabe wamina echi ke niware. ²⁷ Wamina je aneli nije saweli, echi aboniko ke nakili echi walu bacha chukuwami echomi akina ku julasa jenai wamina bacha mi tami yua." ²⁸ Mapali echi anili jena namuti echi waminabi isisali bahcami ripabe moka echona Jerusalenchi. ²⁹ Ikili mapali echi mulube isili echona Betfage wamina Betaniachi aniliwachi bileni chakena alibochi echi ju'lika. ³⁰ Jeanika: "Simika echona chubileni alreachi mapali mu'usa riwiboa bile buliti ke sine kaserami nili. chapisi akina tosi. ³¹ Wamina jare rukesako: ¿Chu rikare ku solana, noka? anisi echi rijoi no'ale" ³³ Echi mapuriga nili jularami simibali wamina riwali echi bile buliti mapuriga Jesusi aneka isili. ³² Wamina ku solana uchuli echi buliti, echi bukemi ki je anili: "¿Churikare noka ku solanika echi buliti?" ³⁴ Aboniko echaneli: "Echi Jesusi no'ale" ³⁵ Aboniko ayena palí Jesusi yuwa, alí perali echi chiní echona bulitichi wamina kaseli Jesusi echi jiti. ³⁶ Wamina echi inarali, aboniko ralanika nokali echi chiní echomi buchi. ³⁷ Mapali echi mulubesili bileni wipo echomi chakena alibochi aniliwachi karika suwabago mapu echi najata isiralí owinali sinaka asili kanilika Riosi yua karika buchuweni bile raichali jiti ni oweli anili buchuweni nocholi jiti omeritami echi mapo. ³⁸ Je anika: "rui así kanilika echi ju waluwalu mapu echi riwalati jiti echi onoruwami! ¡Kaniliwami echona riwigachi walabela waminabi ripabe nira!" ³⁹ Jareko echi bariseo mapu echona muchili echomi ralamuli yua bineami? ⁴⁰ Jesusi ku ruweli jeaneli: "nijeko anime jena muchiko ke aniko echi rite sina kama? ⁴¹ Mapali Jesusi mulubeli echomi bileni wikabe pirechi echiko nalaka isili echi jiti. ⁴² Jeanika: "ayena bilelibi muje nisare machisa jena rawe wamina muje echi namuti mapu echi mi yamuu ni kaniluami! Wamina jipiko echi muchuwi ichipaka muje busiwalati. ⁴³ Wamina echi rawe nolinamare muje jiti mapali muje saeli niwamare bile riteti niwarami muje nelerika, wamina nimi nolemare, ni ilisimare karika buchuwi. ⁴⁴ Aboniko nimi rimisoku nokome mapali rile wamina muje kuchuwalu ayenacho muje yua. echi abaniko ke nakime bile rite chubileni wamina ke machili mapali Riosi nimi kuwira asalí" ⁴⁵ Jesusi bakili echona templochi owinali machi awaechi jare mapu muchili ralinewa. ⁴⁶ Jeanika aboni: "ososuta ati nije karali nimare bile kalirali oraruachi wamina jareko niwali bileni risochi chikorami pirelichi. ⁴⁷ Echiriga Jesusi asali binera sinibi echona Riosi kalilachi echi bacha uchuwami oweala. ⁴⁸ Wamina aboniko kie omerili riwiya bile olowami mapuriga olasare, wamina karika suwabika ralamuli asali namika echijiti nili alabe, nira,a.