¹ Rí karrasiano pá dama ku jue ñama ku ma moná si; a kiene i a norogui ri belá belá i sendá yo nú, si nu tanbié to enú ke a kunosé ma belá belá. ² Pó kausa rí ma belá ke atá endi suto í ku suto pó ma tiembo. ³ Nglasia, miserikóddia i pá ke tan ku suto, rí Rioso ma Tatá i de Jesukristo, Ma Mona rí Tata, en belá gongoroko. ⁴ I a sendí jarocheria po chocha, kuandi a topeta ku aggun rí ma mona sí jarriando é belá; asina kumo suto a resibi ma rekao ri Tatá. ⁵ I ta supliká a bo dama, no kumo si ta kribi un rekao nuebo, sinu lo ke suto a tene rí ma prinsipio, ke suto ten gongoroko un po uto. ⁶ I e a sendá gongoroko, ke suto a ten ke kamina seggun ma rekao. e a sendá ma rekao, asina kumo bo a kucha endi plinsipio ke bo ten ké kamina endi éle. ⁷ Pué un chochá rí tretéro ke a salí po mundo, i ané a chitiá ke Jesukrito a miní endi kaane nú. Éle a sendá tretero i antikrito. ⁸ Guatiá a enú memo, ke enú pelé nú ma kusa po lo ke to suto a makaniá, pá enú resibí ma kakolo. ⁹ Kuakié lo késé adelantá i nú atá e ma insiñasa rí Krito, ten Rioso nú. Aké ké atá e ma insiñansa ten a bilingo, ke sendá Tatá ku moná. ¹⁰ Si aggun gende a miní a enú i nú tré e ma insiñansa, resibi nú endi posá si i ndale salura nú. ¹¹ Pokke aké ké ase salura a éle ta asé patte rí ma kusa a mala ¹² I ten un chocha rí kusa pó kribi, poro i kele kribi endi papel i tinta nú. I kelé chitiá ku enú e kara ku kara pá jarocheria suto sendá total. ¹³ Ma moná rí numana ñamá tá salura a bo