michael_rodriguez-pay_1pe_text

Capítulo 1

¹ Pedro, apostol de Jesucristôâ, toh akualerña Tistischerwa eña leruja ãkarihróña panto, Galicia Capadocia, Asia i'ka Betania,ri ² patatista samañayo, eñai akuansayo, Jesucristo pero tákaawā auriakasneirá. Toh kaparmaekañalerii i pazma akatishpé. ³ Patatishatus pitaste Señor Jesucristo aka kilerpe. Aka ôhsi ekapatenji weika chivariche pamatariwaras toh yas akachua toh chi i cheJesus onrriche. ⁴ Akarõ tatenhima imataunchaktipe, taõhtipe. Imapiriña a aki tastee'ro. ⁵ Patatishta atapunyo pamawa kachaen kakiwa eñafechaapiro ikakorskachaapiro apistete'kuaché. ⁶ Pamawa araristishkua i'ro, akrõ õhsiwéchilerpiro akuakate'piro. ⁷ Imafemayartishpiro toh sasewaké, tohke tenwã. Imafema artapukerpiro toh apisti eyeskechẽ, arari arari Jesucristo onrrii. ⁸ Pamachautuwãmawĩ, Ankaropamawa enkakiwá. Inkatamachautukuãwĩ, pamatarn̄ehiñawĩ pamaarari aakuriñawĩ. Inkash ki imamustī akwā. ⁹ Pahmakawa sukuisikinawitohfore pitakuansa ontipiro. ¹⁰ Profeta nohprohlera arkapẽri chãenkilera onnatipiro, inkaparma pitasña aakuã. ¹¹ Ekama prori ionnama inkenari kena. Toekelera lerwa prohri arlerpiro Cristo akuansa rikena ekama akahpach tikakiru imatewatá tukteshka ishki tika kaashki tohki ohsiro Cristo Arahriri arashlirpiro. ¹² Profetaró onkachẽĩ̃ iro yas ishkeró, ekapeshestarii, i'ka akẽsh eka e'lerpiro i kapashma i yas taña i enangelio ekalero piriña chi katunhí y yosma i angeles ishkriro ūncheleriro. ¹³ Akaró pitasuruma yar kakaapé, ña wari nahuró. Pisaameshkima. Kakachipiwa krira onpiki'piwá to karparkarú kawe'kepiwa Jesucristo ōnchũña. ¹⁴ Ye'ke yar ishkupiwá. Inta ñahutupiwa, neriro ameshkertirii. ¹⁵ Wê akena taña karwãnikena tõ'ma siki eña pamawá, tõ'ke siki eña tishkupiwá. To kri ã pita pesh kao chaparña. ¹⁶ Akarõ kakorskaí : '' Eña Ishkú, Akaro Tas Eñarawá ." ¹⁷ Pamawá "atus" arwãnima to yor ñe'turo chẽ ñe'tuwá in katún ishkuaró. Pesh asró ãn tuk teshkuamá tũ'kenaripé. ¹⁸ Pamawá ke arihiñawĩ ima sá sewayo taríí, yas tukteshkertuwá pamawá eñakakiri eña warkuá archiwishkri pesh tusña, ¹⁹ akarõ Cristo aurima , pesh wakuá aske in akachi'tiri. ²⁰ Cristoma ekarii kekeri kuk chitutewa, kãas teshkuama i'ka inkutama ekaña onkachẽĩ parawá. ²¹ Pamawá patatishtaró yar ñehiñawĩ ekariskia tõ'ña onni kaishpaki toña arari kawishki to fe onkaari patatishtaña aa'pé. ²² Pamawá pi kuansama ishkri eñapero aña'pero yartishkía. Tõ'kentishpirii fraternal ara enkakii akaro tõ'kema papewá araenishkuwãwĩ. ²³ Pamawá warki chiiñawĩ bustiñawĩ. Pen wá tarii tũ'kenarikena wê'ma penwá tawe'turó, añaha wakúaró patatishta tawarkuaró. ²⁴ "INKEN TÕ'KARO YUKUMA TIBIKENA Y GLORIA PENWA TIBIKENA TO TIBIMA TESHKUA Y PEN WÁ TA ENCUÁ. ²⁵ AKARO PATATISHTA ÑAHAMA TÕ'ÑAAKUA." Ima ñaí wã'ní ñe'riro.