¹ Josue phidʉjim Edauphergar maimua wetjim Sitim mua oberjim. Magnaa petajim anʉm Jordan dojã garmua ich magma phobar thumwe Israelpien magtha thʉbajierram chi dojã dichaag athe. ² Magtarr khʉʉr thãrjup mua amach chi porpomaam khʉʉnau phʉʉrdeepʉijim aan jooban aar; ³ jeujieram oorãg pãarau chi baaudi Ẽwandam den aar mam oowai chi Saserdotenaan levitapieenau puarã ãar omdeeta magau ajim. ⁴ Ichita pãar noventa metro warpha nagau oo dakha mamiet pãarau oogau jamag maag athe aga pãarau chi khʉd khaubajim." ⁵ Josué oorag jaaujim: "Wajapha abat ajim, mʉg nan Ẽwamdamua ooimʉg wauju pãar ee." ⁶ Maigmua Josueu magjim anʉm saserdotenan: "Waig dʉ nʉiĩsĩsĩt ajim chi baaudi phĩr den magnaa õor daauna dich phʉbat ajim." Magta waisĩsĩjierram anʉm chi baaudi phĩr den maimua majiierram õor dauna. ⁷ Ẽwamdamua Josueg jaujim: Mug ed mua oopiju Israel dauna pʉ enkõõi wuajapham khaphu a juara Moisés dʉi chitaarjo pu dʉija chitaju ajim. ⁸ Pua jawuagau saserdotenaan aaram khĩir chi baaudi phĩn den: "barimawai Jordan igar paar nagau thethe dosig Jordanar." ⁹ Mag Josueu Israel am khʉʉnag aujim: "Pidud ajim uram Ẽwandam iek. ¹⁰ Mʉgtarkhʉʉr khaphʉ ajuara Ẽwandaman ich mag siejem maach ee. Mʉ khʉʉnta paar na jurpʉyagau ajim kananeopieen, Hititaspieen, Heveospieen, Ferezeospieen, Gergeseospieen, Amorreospieen, Jebuseospien. ¹¹ ¡Ooba! Chi baaudi Ẽwandam den mug thumwe jẽb gayimkhʉʉn den, paar naa thombigar dichju Jordan gar. ¹² Mʉgwia jʉratha enkhooin jua numi awia numi Israel, khod naan eem, ahab du. ¹³ Magwia chi saserdotenaan Ẽwandam baaudi jiirnʉm khʉʉn, an dʉnʉwei chi bʉ Jordan do ee dom athaawei, chi do jadacha jʉubaadejim, domanagam thʉbabadejim agjo do badagamja nanaa sisijim anʉm. ¹⁴ Maigmua makhʉʉn wounaan Jordan ee dʉrba diichwei chi saserdotenaan Ẽwandam baaudi naatha armajiieram. ¹⁵ Magtharkhʉr barimawia chi waartarr khʉʉn chi baaudi Jordanag aan bʉ oomta sĩejim doo igawam dou (nemjõ chejem jarta do pomta thunum ee Ẽwandamua an wai dich jim ich juapa om khĩir), ¹⁶ do pooma a deweita maigta chi phuas nana adeejim maan Adán siejeramua doo nana siejim phobor Saretanar maig muaja barsiejim, phuas dau Neguev ar, phuas Salado. Maigta oon dʉrbajieram Jerico dakhapai. ¹⁷ Maigta Ẽwandam baaudi phĩr den chi saserdotenanau arma jierram, magta dunʉʉukha jieram jẽb jusaragam ee Jordán jadacha mag thumwe oon dich jieram Jerusalengar.