¹ Le Ku Yumtzil tu yalaj ti Noe: "Ko'oten ichil le cheemo', tech yetel tulakal a laa'aktzil, tio'olal dzo'ok in wilkech toj' tin ta'anil te'e belaej a chi'lancabilo'ob. ² Ti tulakal le baalche'obo ma'alob u tia'al u jantaal ka ta'asik siete xiibo'obi yetel siete u chu'upali. Yetel ti le ba'alche'obo ma'a ma'alob u tial u jantale', ka ta'asik ca'apeli: le xiibili yetel u chu'upali. ³ Beeyxan ti le chi'icho'obo cu ma'ano te'e ca'ano, ca ta'asik siete xiibilo'bi yetel siete u chu'upalo'bi, u tia'al ma'a u dzo'okol u chilankabilo'ob te'e yo'okol cab. ⁴ Tumen ichil siete kiino'be yam in beetik u k'axaal ja' cuarenta kiinob yetel cuarenta ak'aabo'ob ti yo'okol le cab. Yam in ka'askuntik tulakal le yoko'ol le cab yetel tulakal le ba'alche'ob tin betajo'. ⁵ Noe' tu beetaj je'ex biix tu ya'alajti Yumtzil ku'. ⁶ Noe' yam ti seiscientos ja'abo'ob caj tal ca'ancach ja' te yo'okol le lu'uma. ⁷ Noe', u paalal, u yatane' yetel u yatano'bo u palalo'be mu'uch oo'oko te cheemo' tio'olal u le buulja' cu ta'alo. ⁸ Ba'alche'ob ma'alob u tia'al u jantal yetel ba'alcheo'b ma'a ma'alob u tia'al u jantali, yetel tulakal baax cu jiilticuba'ob yo'okol cab, ⁹ o'oko' catulalil, xiib yetel u chu'upali, ta'alo te' cheemo' je'e biix tu ya'alajti Yumtzil Ku ti Noe. ¹⁰ U'uch ca dzo'ok u ma'an le siete kiino', le buul ja' ta'al te' yo'okol cab. ¹¹ Ti le seiscientos ja'abo'ob u cuxtal Noe', ti u ca'apel meeso', ti le u diecisiete kiino', tulakal le u bee'can ja' ti' le nojoch ka'anabo' je'epajo', yetel je'epajo u ka'alabilo' ca'an ¹² Ca caj u ca'axa le ja' yetel lu'ubil yo'okol cab tio'olal cuarenta kiiino' yetel cuarenta a'ka'abo' ¹³ Ti li'e kiino Noe' yetel u palalobe', Sem, Cam yetel Jafet, yetel xaam u yatan Noe, yetel u tulakal u yatano'ob u palalo'obe o'oko yetel, te cheemo' ¹⁴ Letio'be o'oko ju mu'ucho' yetel tulakal jejelasil ka'axil ba'alche'obo, yetel jejelasil a'laakbil ba'alcheo'ob, yetel tulakal baax cu jiiltkubaal yo'okol le lu'umo, je'e biix leti'o, yetel tulakal jejelasil chi'icho'obo, je'e biix leti'o, yetel tulakal ba'alche'ob yam u xi'iko' je'e biix leti'obe. ¹⁵ Ca'atulil ba'alche'ob yam u yustaj kuxtal ti'e ta'alo tu'uxian Noe' ca'aj o'oko ichil le cheemo' ¹⁶ Le ba'alche'obo o'okobo xiibo' yetel chu'upalo ti le ba'alche'obo, leti'obe o'oko je'e biix tu ya'alaji le Yumtzil ku. ¹⁷ Cu'uch le buulcabo' te'e le yo'okol le cab tio'olal cuarenta kiino, yetel le ja' ca'aj u na'acal ca'anale caj jo'op u na'aksico' le cheemo'. leti'e na'ac ca'anal yo'okol le lu'uma. ¹⁸ Le ja' ta'alo' ti le ca'abal ja' yetel jach ya'achajo' te'e yo'okol cab, yetel le cheemo' ca'aj jo'op u li'isaj te'e yo'okol le yabach ja' ¹⁹ Le Ja' leti'o mu'ukanjalo ca'ana yetel jach ca'ana te'e yo'okol cab. leti'obe tu piixa jach tulakal le pu'uco'bo jach ca'analobo yano'ob u yaanil le ca'ano'. ²⁰ Le ja' jach na'aco' quince codos yo'okol jach u ca'analil le pu'uco'bo. ²¹ Tulakal le ba'alche'obo cuxano'bo cu pe'eksicuba'obo te'e yo'okol cab kiimo': le chi'icho'obo, le wacaxo'obo, le ka'axil ba'alche'obo, tulakal le ba'alcheo'obo jach ya'abchajo'obo te'e yo'okol le lu'uma' yetel tulakal winiiko'obo. ²² Tulakal ba'alob cuxano'obe te'e yo'okol cab, xu cha'aik yico'obe ti u yustaj cuxtale' ti u ni'ube, kimmo' ²³ Beey tuno' tulakal ba'alob cuxano' ya'ano'ob yo'okol cab ka'ascuntabi, winiko'ob yetel nojoch ba'alcheo'bobe, ta'ak le ba'alo cu jiiltcubao'ob, yetel le chi'cho'obo ya'ano te'e ca'ano. tulakal laaj ka'askuntabi te'e yo'okol le lu'uma. Chen pa'at Noe yetel le ya'ano yetelo' ichil le cheemo'. ²⁴ Le ja' tu piixa le lu'umo tio'olal ciento cincuenta kiino.