¹ Abrame' jo'ok tu lu'umil Egiptoe' yetel ca'aj biin ta'ak Neguev, leti'e, u yatane' yetel tulakal baax le yanti'e. Lote' beeyxaan biin tu yetel. ² Beejlae' Abrame' tu beetjuba'i sen jach aika'al ti ba'alcheo'ob, ti platae' yetel ti oroe'. ³ Leti'e tu cha'a tu ka'aten lu beel ca'aj tuux xann le Neguevo' ta'ac tuux yaan u ca'ajtalil Betel, u tia'al u biin tuux tu dza'a u tiendao', ichi Betel yetel Hai. ⁴ Leti'e biin tuux le mu'ultunil cultajo' le beetma ca'ache'. Te'ela tu awaat payalchita' u kabae' Yumtzil Ku. ⁵ Bejlae Lote', ta'an u biin yetel Abrame', beex xaan letie' yaan u tamano'ob, u paalitzilo'ob, yetel u tiendao'bo. ⁶ le'e lu'uma ma' tu pajtal u pa'atko'ob tu ka'atulalo' u tia'al u cuxtalo' jun mu'ucho',tumen sen jach yabach ba'axob yantio'ob, le' o'olale' ma' tu pa'ajta u p'aatalo'ob jun mu'uchi'ilob. ⁷ A'anchaj beey xaan jumpe'el ba'ate'ey ichil le ca'anan tamano'obo cu ka'ana'antiko'obo le ba'alcheo'obo ti Abrame' yetel le ca'anaan tamano'obo cu ca'anatiko'obo le ba'alcheo'obo Lote'. Le cananeoso'obo yetel le fereseo'obo ta'an u cuxtalo' te'e lu'umo' ti le kiino'obo. ⁸ Ca'a tune' Abrame' tu ya'laj ti Lote': "Ma' u ya'anchaaj ba'atey ichi tech yetel ten, mix ichil a ca'anaan balcheo'bo yetel in tia'ali, ca dzo'ok tulakale', la'aktziloon. ⁹ ¿Ma tzia'an tulakal le lu'um ta'a taanila'? xeen ta'anil yetel pa'aycunticabaa' ti teen. wa tech ca biin tuux yaan taa xamane', tene' qui biin tin jnoojol. wa tech ca biin taa jnoojole', tene' qui biin tin xamane'. ¹⁰ Ca'a tuune' Lote' tu yilaj tu ba'acpaache', yetel tu yilaj le taax lu'umo u kaba'intik Jordan jaach ma'alo'ob chu'ulil tulakal leti'e taac Zoar, jee biix le u Paa'akalil Yumtzil Ku, jee biix u lu'umil Egiptoe'. Le' jeela' beey caach Sodomae' yetel Gomorrae jee biix u ki'inil ma'a xu'ulsa'aco'obi. ¹¹ Ca' tuun Lote' tu yejya' u tia'alinte' tulakal le u taax lu'umi Jordan, yetel ca'a bin tu lakin, yetel tu paaycunticuba'ob ti untule' ti u laa'ko. ¹² Abrame' cuuxlaj tu lu'umil Canaan, yetel Lote' cuuxlaj ichil le u ca'ajilo' le taax lu'umo'. Letie' tu dza'a u tiendao' ju'umpi'itile' ca cu'uch tac Sodoma. ¹³ Be'orae' le u xiibil'ob Sodomae' jaach ka'asantako'ob yetel jach ke'bano'ob tu taan Yumtzil Ku. ¹⁴ Le Yumtzil Ku'o tu yalaj ti Abrame' le ca tu jatzuba Lot ti letie', "te cu'chil tuux wa'alacbalecho' pact tuux yaan le jxamano', le jnoojolo', le jlakino', le jchikino'. ¹⁵ Tulakal le lu'um ca wilico', yaan in dza'aic ti tech yetel a chi'ibalo'ob u tia'al kino'ob minan u xuul. ¹⁶ Yetel ten yaan in beetic jaach u ya'abtal a chi'ibalo'ob jeebiix u p'uuyul sa'am lu'ume, wa untu ma'ac u pa'ajta u xo'oquic u p'uuyul sa'am lu'ume', ca tuune' a chi'ibalo'obe u pa'ajtal u xo'ocale'. ¹⁷ Li'iken, xiimbalnen ti la'akal u cho'wakil yetel co'ochil le lu'uma, tumen yaan in dza'aictech ti tech. ¹⁸ Ca' tuune' Abrame' tu lik'isaj u tiendao' yetel ca'aj taal cuuxtal tuux yaan le ka'axilo'ob u beequilo'ob u ka'abainto Mamre, le jeela' tia'an tuux yaan u cajtalil Hebron, yetel te'ela tu lik'isaj umpel mu'ultunil cultaj ti Yumtzil Ku.