¹ Ajcüwa agüy minüt micüalmicüal Adan. Wüx nüt Teat Dios tarang meawan nipilan, Nej tarang atnej Nej ajlüy. ² Nej tarang naxey aquiiüb najtaj. Nej tayac nangaj wüx ombasüw at tüüch manütiw nipilan, wüx tarang nejiw. ³ Wüx landoj Adan lamaneat 130, tarang teat tajiür nop micual nej atnej nej ajlüy, ndoj tüüch manüt Set. ⁴ Tarang teat Adan wüx nej tajiür micual nej Set. Nej landoj lamaneat ojpeaküw acoicmiow. Nej tiün marang miteatiw xeyay monench at monüx. ⁵ Adan tapac 930 neat ndoj tandeow. ⁶ Ndoj Set tapac 105 neat, tarang mi teat Enos. ⁷ Ndoj arang mi teat Enos, nej tapac 807 neat, Nej tarang mi teatiw xeyay monench at monüx. ⁸ Set tapac 912 neat, quiaj ndoj tandeow. ⁹ Lamajüier peic miow gajpowüw neat tatow ajlüy Enos, quiaj tacual a Cainan. ¹⁰ Ndoj arang mi teat Cainan, Enos tapac 815 neat. Nej tarang mi teatiw xeyay monench at monüx. ¹¹ Enos tapac 905 neat, quiaj ndoj tandeow. ¹² Lamajier er miow gajpowüw neat tatow ajlüy Cainan, quiaj tarang mi teat Mahalaleel. ¹³ Ndoj arang mi teat Mahalaleel, Cainan tapac 840 neat. Nej tarang mi teatiw xeyay monench at monüx. ¹⁴ Cainan tapac 910 neat, quiaj ndoj tandeow. ¹⁵ Lamajier er miow acoiquiaw neat tatow ajlüy Mahalaleel, quiaj tacual a Jared. ¹⁶ Ndoj arang mi teat Jared, Mahalaleel tapac 830 neat. Nej tarang mi taetiw xeyay monench at monüx. ¹⁷ Mahalaleel tapac 895 neat, quiaj ndoj tandeow. ¹⁸ Lamajier 162 neat tatow ajlüy Jared, quiaj tacual Enoc. ¹⁹ Ndoj arang mi teat Enoc, Jared tapac ojpeacüw acoicmiow neat. Nej tarang mi teatiw xeyay monench at monüx. ²⁰ Jared tapac 962 neat, quiaj ndoj tandeow. ²¹ Lamajier er miow acoiquiaw neat tatow ajlüy Enoc, quiaj tacual Enoc. Nej tarang mi teat Matusalen. ²² Enoc tajüyenag Teat Dios arej acoic miow neat, ndoj arang mi teat Matusalen. Nej tarang mi teatiw xeyay monench at monüx. ²³ Enoc tapac 365 neat. ²⁴ Enoc tajüyenaag Teat Dios, ndoj ndronüy mien, cos Teat Dios taquieb nej mamb. ²⁵ Lamajier 187 neat tatow ajlüy Matusalen, quiaj tarang mi teat Lamec. ²⁶ Nej tarang mi teat Lamec. Matusalen tapac 782 neat. Nej tarang mi teatiw xeyay monench at monüx. ²⁷ Matusalen tapac 969 neat, quiaj ndoj tandeow. ²⁸ Lamajier 182 neat tatow ajlüy Lamec, nej tarang mi teat nop nacualaran. ²⁹ Nej tüüch manüt Noe, cos apieng: "Nej apmüüch icoots maxojtaats wüx arangaats minajüietaats, leaw netam marangaats wüx aaga iüt nieng Teat Dios lamapiüeng ngo majneaj". ³⁰ Tapac Lamec 595 neat, wüx tarang mi teat Noe. Nej tarang mi taetiw xeyay monench at monüx. ³¹ Tapac Lamec 777 neat. Quiaj ndoj tandeow. ³² Lamajier acoiquiaw acoic miow neat tatow ajlüy Noe, wüx tarang mi teat Sem, Cam, Jafet.