¹ Tatow aamelich neat chetem Ciro, minatang nenajiüt tiül cambaj Persia, Teat Dios palan tarang meáwan poch leawa taw tombeay teat Jeremias mapieng atan tajüyich mi espiritu ocueaj Ciro. Mipoch Ciro tanguiayeran tiül meawmien cambaj. Agüy tarangüch wüx nawiig leaw apiüng. ² Ciro, minatang nenajiüt tiül cambaj Persia apiüng: Nej Tiat, Dios najlüy cawüx tiül mbas acats, tüüch xic meáwan montang tang monajiüt wüx cambaj iüt atan nej netiib xecueaj nawitiich nop iüm ocueaj nej nieng apmacül Jerusalén tiül Judea. ³ Jangantanej naw tiül mi cambaj nej (Tiat Dios maquiiüb nej mamb) aldom matüüch Jerusalen atan mawuitiich nop iüm ocueaj Tiat Dios mi Dios Israel, atan Jerusalen ayaj mi Diosüw nejiw. ⁴ Jangantanej nipilan montang monajiüt almapaqüw wüx iüt netamb mejchiün plat maquieeb oro, leaw almejiür, atan nimal, atan aldom mayac ichech sitiül andiüm tiül mi iüm Tiat Dios tiül Jerusalen. ⁶ Quiaj montang tang najlüyiiw wüx ocueajiw Juda maqiüb Benjamin, meawan miteaats atan Levitas, meawan espiritu leawa Teat Dios tawitich tiet tambuw maranguw iüm. ⁵ Altiel nejiw tambiolüw tiül najiüt ayacüw plat maqiüb oro, leawa nejiür, nimal, meawan leawa nembeat, atan leawa tandiüm mayac ichech tayacüw. ⁷ Atan Ciro minatang nenajiüt tawün meawan mayar ocueaj Tiat Dios leaw Nabucodonosor tawüen tiüel Jerusalen mayac tombas mi dioosuw nejiw. ⁸ Ciro tayac towix Mitridates aaga nesap tomien, nej taa tiow tüüch Sesbasar najlüey wüx cambaj ocueaj Juda. ⁹ Tatiow atoogüy tajlüy: nimiow gajpowüw palangan oro, noic mil palangan plat, nimiow ojquiyej altegüy palangan. ¹⁰ nimiow gajpowüw xax meawan oro, piquiw acoic gajpowüw miow quicheech xax plat, aton noic mil cuajantanej nembeat ajlüy. ¹¹ Tajlüy acoquiaw mil piquiw acoic miow oro maqiüb plat palanüy. Sesbasar taqiüb mamb meawan leaw tambüw tiül Babilonia andüy Jerusalen.