¹ Interi Yesus hetawin na Betlehem, na Yudea, na pampong mambri Herodes, reho kawasa-kawasa Majus hendana rawu wanang murang pahya hesarea na yerusalem. ² Hetutang-Nya nani, wewe hetawin hasawiwe Mambrina Yehudine ? Madeho-Nya hiwaina muran pai madama masyomi. ³ Interi Mambri Herodes tareho kawyo nine mara hemopa kyono wena Yerusalem wau hya kuira. ⁴ Mambri Herodes Riryui kawasa baba we manu baba Hesane tato anyau kakawi nunei. Kawasa hempang harera kawio wena hya we Rahora Kristus hetawin napa. ⁵ Hepaya hetayo na Betlehem apaiwari Yudea, pararia pi wehentoi kong woming auwo. ⁶ Betlehem na kakopa Yehuda inkai mahi tarai piwai wemoma na awiana Yehuda inkai topira borya wewoningna Kawasa Israel. Mika. ding ay koru. mikha.5:2 ⁷ Na wopui, Mambiri Hya aihihi kawasa majus hyacewa topang we hiwai hyokakera na mapa waru. ⁸ Itere tedip hya to Betlehem ma coyo ruano butang ho aryang pai rano meta ryuta to mara mesahawa bu yama imbaro ramantau mapi tasyomi. ⁹ Interi Hetaraho Mambiri, henda heda hedeho hiwyai we hede hoa na rewumurang wanci cutu Hyara Hesarea temong ina rabian aryang nyana pa. ¹⁰ Interi hendeho hiwdi paima hemararising na mararising baba. ¹¹ Hemakowa rapui na manu rapong, ma ite hetaryu aryang wati rano, Hinyani Maria. iteri hentuang hesomi interi hesahepa hene rahya pa hempapating pi hei surai mas, kemenyan, mur. ¹² Hesa ne raho mipa mara hyopang hya hendeho hentaweri bu Herodes wato, hentaweri to henepandu na ram pehi wihyeya. Atuwa Hembawu to Mesir. ¹³ Interi kawasa majus henda, hendeho malaikat hasarea ho Yusup na mih pa ma coyo, "Eowa ha kuo aryan pai kong kon Hinyani hembawuto Mesir. mena yampa ki yandera mantuwo Herodes Hane huhi aryang wati we miuni." ¹⁴ Interi, Yusup tewa kioantung Hinyani hembawu euru wan woroito Mesir. ¹⁵ Mae nyanawangkio Herodes keya imbaromi comparari aninyau Yesus conawe woming na Mesir hya antung wati. Osea 11 : 1 Hemung aryang muang petau na Betlehem ¹⁶ Na wopuma Herodes ryeho wawau piyang hetuawi weweri kawasa-kawasa Majus hya, Iwo hane marowa hya cong kawco atuwa imbaro memung aryang muang pitau wena Betlehem kong wena wawau kuira, hetato wena purya karu toung parari pio ha kiutu we kawasa Majus. ¹⁷ Hopana heng kawiora ho woming Yermia : ¹⁸ Kawio abari peha na Roma, kawio hentara hoa na Roma piwemunna kio wehunawa. hane waitekutu raher hia antung bau hya meiryaio hemba woripe tuti hena wato. Yeremia 31:15 Atuwa hetaweri to Israel ¹⁹ Nana Herodes kerya pa, rye ra ho syengnye rai rora hetanyau hya na cena ra mi ho yusup nya Mesir pa, ²⁰ peya ma coyo towaha ruo aryan pai kiong Hinyani mentaweri to kakopa Israel tuti kawasa-kawasa we marwar hemuni mana kerya to. ²¹ Interi tewaha kio aeyang kong hinyani hentaweri to kakopa Israel. ²² Hentaraho Arkhelius riu andera na Yudea weryuang tamang Herodes, Yusup metai rya to wondang pe. interi heberowia weina mipa ma hetoyo towerito rande Galilea. ²³ Yusup herea nyana kota hanong pai nasaret eopeino kawio we hetandera rai woming ingkai hepayai we hinyontarai Nasaret.