¹ Yesus wiya warihobuwani, kawasa tau tinda, tirontei. ² Wehuhi kusta rawawei, rima tyuan wu Yesus aingwani, tito " Yesus wonipanan warihu huhi Ihuhiane. ³ Yesus tyuwa warapai dyan tawan El, "Roha rawawei huhipei hirea warihui. ⁴ Yesus titowei "Dyonto, puramata rwenso parariwe ehira interua, wanyau au welmam wani, interiwon pihahura wemahi Musa piyaya, pihahura wemahi wetyoru. Hinongtarai Pelayan Romani Pinanwaruhi Huhipei ⁵ Ha Yesus hyuato Kapernaum, hinontarai perwira pehi rimawei dyewara kontei ⁶ Hinontarai wau tito "Tuhan ne hamba pei wyatawane we mampyar, riodi yawa wani dyariryai". ⁷ Kong Yesus titowei haweri marahi yong Au punang." ⁸ Mena, perwira titowei, "Tuhan, i karara huan bawa nandaunbawapa. Tuto katehekei waromi ne hambani pinang. ⁹ Mena yau tato hinontarai wero woudiyau, tuti tentara wero warawawa. ¹⁰ Mena Yesus taraho katurani, pyotetawei pateri titowe hinontarai we onteipa tyoru kuira."Ipainanuhara weau, yan taryutman pehe wawtopa rane wami, ro kawasa ne kuira. ¹¹ Iweroana weauw pitau dei tindama wane tindape hawaru muran kan reno wanbaya, timahoi tirampi kon Abraham. ¹² Mena romawa kerajaan romawa tyoru tingki tyoru to hora weweroran kong kadiun ro rawane myarawau kon hinondye pampinoma imbe ayat mintero". ¹³ Mena Yesus titowe pererira wani, "Rua wihinengkei Petrus hawani kon Kawasa Tau Timpanan Waruhi Huhipei ¹⁴ Mena Yesus hyuaro Petrus, yawapei nyeho Petrus hawani wyata hunsuhi. ¹⁵ Impateri, Yesus Ryutro humbarami pei yampa huhipei wiwuhuru, huntawan baharu ayei humbe layani Yesus i. ¹⁶ Hapei ke deirowito, tingko kawasa timpau, Hinontarai wewe oit roh wehainaiwa, pateri dyadyawa pirawawei tuti tato kosiri rawawei, timpanan kuira, ¹⁷ Imbaromi mahito taandipe nadi Yesaya piyaiyeipe. WEONG YESUS ¹⁸ Yesus, riero mena kawasa timpau tinda wawarityoru impana dyonto tandato hawa rawarueiya. ¹⁹ Impateri hinontarai we mahayawi ro taurat wani rima ''titowei'' guru, dey ruato pamora yawarawu.'' ²⁰ Impana yesus tito wei, pararuba tine kamurei kon andawa wero rora tine horong, romawa hinontarai nuh pehe dym rohinu wyataroi wa. ²¹ Murid wanehi titowe,'' Tuhan, yewara kontau aume iraiharai yaiwo. ²² Impateri, yesus titowe,'' wawayau, we karya wani mantaun timbai kepan tyorurahi. YESUS DYONTO MURYORITO ²³ Impateri, Yesus dyoitaro wapai, murid-murid patyoru tirawarei, ²⁴ Interi minandema, yopapai wiaro dau dyomawa tingkaira wahiharo rarang raro. to yampa wape yesus dyena. ²⁵ Inpateri-murid tindama timbaunni timpai tironto'' aisina ruvenso tatori tandope. ²⁶ Impareri titowe tyoru, topeno minamataine, minane iman kelewawahai! Impateri yoha warakepan wanangpai, yampa rawing miryori. ²⁷ Impateri. hinontarai wau, timpotiteta tyoru, tintato, '' hinontarai taon dyonto rani. ketitorane rawin ko wanang huntuan bei. MAMBERBWO KOIRU ROH WEHANAIWA HUAHURU ²⁸ Yesus ryoro Danau hawarunpai , rorahora hinontarai Gadara, humbe koiru roh wehaiwa hyuahuru. Hunsarea ro papowani hungsane amomin Inpana ehio riaro rayangrawau wa. ²⁹ Inpana minandeho key, tiranawane, dyonto, "Au kong anteru pitang di pipyau ro antandone. Allah Antupai Au? rumawe wonantur nansuhi pe hape rama wami"! ³⁰ Nando marawahi warihu tyorurahi wawotau wawa tingkarawe roweang tirang. ³¹ Pitatuwara-pitatuwara rawau tirewarangkontei tironto, "Dei wadyawa antoru mora anansua ro wowani tindo. ³² Impan Yesus tito wetyoru, "Minanda" pate tisarea tisuaro wowa-wowa wau tyoru wowatau rawawei tisuro pampen tingkarya kuira ro dya rarong bau. ³³ Hinontarai weawung wowa wau tyoru, tisua to nu bendar wani, tirarari we hinontarai kuira kei, hopi tindeho hinontarai-hinontarai weot roh pitatuwara. ³⁴ Minandea kota taurawawei tisarea tiroryut Yesus, tindehoi Yesus tirewara kontei wuwuwaruhi rane.