¹ Royampa Roh dyawi Yesus to tawui rarong dei waromi biriu dyawiei. ² Kon Dei wepuasa hape pya koiru rubi pe pya koiru, rabau monteri Dei nuho wiriban. ³ Katu muna, dei wea wiyei wani rima tito be Yesus, " Donto Au Pyami Allah auntun pei di au mora wawan kami ne be roti". ⁴ Rabau tito dyonto, Ehe Timbui, roti bau ona hinontarai timbihyen paba, wape anyau mamara behareya ro Pyami Allah Hiapan wani". Arari bero ulangan 8:3 ⁵ Iblis kyou munato bendar wewe suci impateri dyoni mihoi ro Pyami Allah nye yaba karupe babondyei. ⁶ Impateri titobei, "Dyonto Au Pyami Allah antupe awena mora kwi nuntarai to wonbawa ho timbui tironto. Ro Au Pyami Allah piyaya ho malaikat-malaikat tindu waharau ro timbarami wane ro babo imbaromi aimubau aryut kami ba". Mazmur 91:11-12 ⁷ Pyami Yesus titobei be korisi muna, " ro bui bau dya dyonto. 'Au renso wawi Pyami Allah munanpe''. Ulangan 6:16 ⁸ Iblis kyo Pyami Allah bekorisi muna to labui betaryai kon dyaniawa bei dyonto pitau beroro nuwawoni yona beau kon hanai badyau, ⁹ Kon tito bei, " Pitau rane yona beaukira, mora au tuan hwom Yau". ¹⁰ Ropyampa Pyami Yesus titobei, " Iblis Ruabarihu rane, 'Robui bau, mintoru tato mintasyom Pyami Allah kon mantauni mintoru minan karuna wei'. Ulangan 6:13 ¹¹ Kai ro rawau, Iblis biburei, kon rena malaikat-malaikat tindama wetimpaduruei. Pyami Yesus Retenan Dyaniau Ro Galilea ¹² Ro rabau Pyami Yesus taraho we Yohanes tintapuri, Rabau ryawera to Galilea. ¹³ I wiwur Nazaret kon hyua ryoro Kapernaun, kikyeu we danau, Ro wat Zebulon kon Naftali. ¹⁴ Waromi mahi wepiwe tipayaya ro Nabi Yesaya: ¹⁵ "Zebulon kon kakopa Naftali, rayan danau, ro hawaru Jordan, Galilea, rahora hinontarai Yahudi Zirena ba. ¹⁶ Kawasa weroro asisira ra kadyaun tindeho kabyeiha babei tiparami. Yesaya 9: 1-2. ¹⁷ Ro ha katu rabau Pyami Yesus Dia rari ko tito, dionto mina maror wo mahihoi ro surga ro surga dei kikyeuto! Pyami Yesus Hihau Romawo Pampong Timbe At ¹⁸ Ro rawau Pyami Yesus tiara kikyeu Danau Galilea, I keno mambenet koiru Rabau huru mora Simon wetirape be Petrus kon Andreas, neta wabei, Hunki jala ro danau rorawan tioru mora weki dian. ¹⁹ Kon i tito we tyoru,, "Minandama mirawar Yau baromi yon mintoru we wetapu hinontarai. ²⁰ Tyoru raban mahai tiron jala bau bala me tirawa rei. ²¹ Kon hihyaita rane ria rorawane i reho mambeneta koiru muna, Yakobus antu Zebedeus kon Yohanes, neta hena. Tioro tindoro wa korisi kuira kon Zebedeus, tintami peina, mora dyon nanuha heran bau I hihau tyoru. ²² b Rawan tyoru tinda timbawu wa babei kon tintamami wabei me tirawa Yesus. Pyami Yesus Dyaniau Kon Dyon Wehuhi Timpau Timpanan ²³ Ro rawau, Pyami Allah ria wari nu Galilea kuira kon dyaniai ro aibaba tyoru timpa yiyai anindera be mahi ro mahiboi we hanai, kon tira diawar huhi pampinoma kon wihi pampinoma ro hinontarai wepau. ²⁴ Kon tato wau hareya tatera to Siria. Kon, tinkobu tyoru hinontarai wewihi ro huhi pampinoma ro kankoa, berekarirya, bebe manmpyar dyon tyoru timpanan kuira. ²⁵ Mahihoi baba rababei hinontarai timpau tirawarei roGalilae, Dekapolis, Yudea, kon habaru Yordan.