¹ Pirabau, Yesus piyaya be kawasa be pau kon neye romawa; ² Mananu taurat kon hinontarai parisi timahoi ro kadera musa. ³ Topa rabaumora pitau pampinoma bebe, timpaya be au won Pariria konrenso nana hara. Bape renso won pipau pinoma bebe timpayaya bape tiron parira ba. ⁴ Tyoru timkaniu pitau-pitau be manbat tirona bata ro hison karuhina pehi ro babo, topa rabau mena mauntyoru tinkarai tiron bera rotimbarami tineubau pe. ⁵ Tyoru tiron tine pitau-pitau tirona baromi ehe tyoru tindeho, arora nadi bau tirana baba kon Rumbai-Rumbai asun retepu tinenbau. ⁶ Tyoru Timarisin rahora bebe hanai ro perjamuan, rahora mahihai pon ro aibaba. ⁷ Piboki behanai ro mu bekakawi, kon tirapotopeno Rabik maki hinonarai. ⁸ Rabau mintoru tisau mintoru be Nabi ba horane mananu par kor korisi kei, interi mintoru kuira mambeneta. ⁹ Minan sahau hinontarai riryawita minantamami ro nuni ba hopano tantamami korisi Beroro Surga. ¹⁰ Mintoru rabau minansaha ube bebe ryuba tuti bebe ryun korisi mora Kristus. ¹¹ Rabau matei biba be mintoru pamora andi beba pa. ¹² Matei Dyoni Tiryai heherapa imbe ti baba, matei dyoni tibabapa mora imbe tiryai. ¹³ Minandokei Ahli Taurat kon hinontarai Farisi, hinontarai munafik! mintoru minansai wande kerajaan surga ro hinann tarai tindero topano minamehari minasua baba tato kou mintoru minaron Tyoru Tisuaba. ¹⁴ Hinontarai Ahli Taurat Kon Farisikon munafik, imbe minando mintoru minarapi kontapa kabom tyoru kon minarakaka minoron nadi beworoi. torabauminara ryut Airarepa Be Mambat. ¹⁵ Ahli-ahli Taurat, hinontarai farisi, kon hinontarai,munafik mintoru minara ryut, huhi babapehi, mintoru minantapapur di bondau knbondei minanko hinontarai minarona huato minane agama. Rabau mora minaroni bui matius romawa naraka, kapar koiru barihu mintoru. ¹⁶ Hanaiba be beberyonmintoru, berekabe minantto, matei pi[ora ro pyami Allah, rabau pyannekeba bape pei pipora ro Emas Bait Allah, I nyepapora kireh baberiei. ¹⁷ Betatar, Kon berekabe! niei babane, Emas, ete bait Allah bebe kuduskan Emas? ¹⁸ Kon, matei Pipora ro Altar, mora papora rababei nye, arari peba bape matei pipora, ro pi hahura ro altar, mora nye papora, Kirehi. ¹⁹ Mintoru hinontarai berekabe! niei babane Pihahura ete altar bebe kakabi ho pihahura ne? ²⁰ Pirabau ena, mateipipora demi altar, pipona demi altar kon pibe ro babon bau kuira. ²¹ Kon matei pipora ro Bait Allah, ppora ro bait Allah kon beroro asisira ro rararo. ²² Matei pipora demi surga, pi[ora demi takta Allah, demi dia bebe mahoi ro babo. ²³ Hihyai taurat mintoru kon hinon tarai parisi, hinontarai bea kaka mintoru minaron hababeribebe haura ro selasi, adas manis, kon jinta, mena rabau hanena hoba pirabau mambat heha hahura Taurat, bemahi, ro belas Kasihan, kon hanekuna. Pirane ona mora parari minarona kai hopitau bebe minansaneh bau. ²⁴ Mintoru bebe ryu berekabe, kon wetapu hinyeri kon behareba unta! ²⁵ Hanaiba be mintoru hi hyai taurat kon hinontarai farisi, hinontarai bebe manere! tuti mintoru minarirar horane bondi pibe unun dya kon pibabinta bape pirabau raron bau onu tuti rampasan tya keserakaha. ²⁶ Mintoru hinontarai Farisi berekabe! minandoih pi babinta beunung dya kon pi babinta hyentanpi baromi kakabi. ²⁷ Hanai pehe baba Ahli Taurat ko hinontarai parisi kon hinontarai beakaka! Rabau mintoru minamahihape papor, bebe tisimar bebuha ro habaru bondi tindehoi hinai, bape habaru raron dyonu ho remai nehina Kon Pitau Rabau Wewe Najis. ²⁸ Rabau muna mora mintoru ro habaru bondi mintoru tampak mahi be hinontarai bape tope nabau, mintoru minarentakaka kon Mamuna. ²⁹ Hanai pehe ro ahli taurat hinontarai farisi, hinontarai, beakaka topano, mintoru minaunbau papor para Nabi kon tironi hinai nisan nisan hinontarai sale. ³⁰ Kon tintato, '' rabau antoru anambiyen ro anantapumi moyang pe tyoru antoru imbe ananko pirabau eheba ra bagian ro maroa ro para Nabi. ³¹ Topa rabau mora, '' tyoru tindeo ro tinnutarai mantau tinehtuti mintoru mora, romawa tineri tyoru timun para nabi. ³² Rabaumahi hape tantapumi bau tyoru. ³³ Rabau mintoru tawai abina tawaio beludak, topenomo minimpi kar mina nutarai be naraka? ³⁴ Torabau, minandeho yau yawana nabi-nabi, hinontaraiu behane woroi, kon alhi-alhi taurat be mintoru . Toni tyoru imbe, mina mun kon minambe salibkan, toni minandepa ro aibaba kon minoronkowana ro bendar, to bendar. ³⁵ Imbaromi hinontarai bemahi marou tinenbau timbobuta ro nuni imbe rama be mintoru, ro marou Habel, hinontarai bemahi babei, rake marou Zakharia, romawa berekhya, bebe mina mun ro bait Allah kon altar. ³⁶ topano impayaya be mintoru, ho pitau rabau kuira imbe, rama ho tane romawa baboru ne tyoru. BE YERUSALEM ³⁷ Oh Yerusalem-yerusalem bebe mun para Nabi kon tinsoni ro kami be tirona pena. Topena bo yau hanebe irirui romawa tyoru kuira parari mangkokei rirui antun tyoru ro barapema baba bau, bape tingkarara. ³⁸ Rena yabawani tironi hyobeau bape kiman. ³⁹ Mena yau ipayaya be mintoru ro rane nahai imbe imbe minandeho yanba muna, rake minantato, dyona be au matei rima ro Tuhan hano.