¹ Harani, Yesus wejadi ro betlehem, ro Yudea, ro pyorihia raja Herodes, ruena, hinontarai-hinontarai majus tindaro hawaru wanan muran, tinda to Yerusalem. ² Tirautan, "riodino, Raja hinontarai Yahudi wewelahir pei? wo antandeho pyori ro timur impan antandama we dei antasomi". ³ Rokatu herodes tarahorawau, titaur i tiar kawasa wero Yerusalem kuira. ⁴ Impamora rirui imam wewe riun tioru kuira tiar wehane awe taurat tioru nurawautioru. hiur tioru waromi timbe roan katehe wei ho nu Kristus we djadi rope. ⁵ Tintatowei "Ro betlehem" nu Yudea. rawau epe nabi timbuipa. ⁶ Tiar, au Betlehem, ro nu Yudea, au huhoro wepaya ro Yudea tinu rarowa, ro aupeno hinontarai we awaweru tatoru ro nuni rima piduru tataru ro, Israel.'' Mikha 5:2. ⁷ Impateri, herodes asisirei hihau hinontarai-hinontarai Majus tioru, diewatato wemahi rotioru ho pyori weangpei. ⁸ impate diawan tioru to Betlehem tia tito dionto'' mintanda, minta karawe nanuharawe romawa rawawei, tia minta roteito, mintamberoana we yau imbaromi yendama yensomi.'' ⁹ Tintaraho raja rakai, tinda. ruena pyori wetindeho timur wani riakon tiori ke riara ro wawo ro nu romawa riorope. ¹⁰ Tindeho piori pei, timararisin tuti marisin weawa mantaun. ¹¹ Tisua to yawa rarompui, tiroit romawapei tia hina Mariai impate tituana tisomi, akai, timpaha piwawinta papuspe, tirona we parir wurei, rawaaumo emas, mani kemenyaan tia mur. ¹² Tirot tato ro mi, han tinte weri wu herodes wa, tintaweri wu nuwane rorayan pehi wihiei. AWIWANA WAROMI TIRAPAI TO MESIR ¹³ Hinontarai-hinontarai Majus wau tinda, tindea Malaikat Tuhan, dianiaweiwe Yusuf romi, inte tito'' tuwapa kuo romawa wawei tuti hinani mintarapai to Mesir. mintandoro ro rawane ke itato we au wo Herodes hanewe kirawe romawa wawei wedei miuni'' ¹⁴ Yampa, Yusuf tiwara kio romawa pei kon hinani ro rowi tinda woroi to Mesir; ¹⁵ tindoro Mesir ke Herodes kiria imbaromi mahiha pano raung mamara piyaya wu Nabi'' raro Mesir ihahau neromawa paiau'' Hosea 11:1 MAMUNA ROMAWA MAWAN KUIRA RO BETLEHEM ¹⁶ Rao herodes reho mena hinontara majus tirawieito, dia momin mantaun impan diawanan timun romawa mawan kuira ro nu betlehem ronuwe kireu rawau kuira, wene umur tahun koiruto wou, mahihapano ha wewe hanea ho ro hinontarai hinontarai majus pe tioru. ¹⁷ Impana mahi wenabi yeremia piyaya peto. ¹⁸ Hinon raupui perotu rorama, wori tiar ewara wewe kararir, Rahel wori antun tioru, kirai Ehi wiwawi pe wo tindoro kuira waro'' Yerima 31:15 Awana We Taweri To Israel. ¹⁹ Wape, harawau heredes kiria, ruena, malaikat tiraniau tioru romiwe yusuf ro Mesir. ²⁰ tiar tito,'' tuwara, kuo romawa wawei tia hinani to israel wo hinontarai-hinontarai we karaweri we dei wemunipe tioru tingkariato.'' ²¹ Yampa, tiwara dint romawapei tiar hinani tintaweri to nu israel. ²² Wape taraho we arkheleus weriu ro yudea riwan herodes,'' Tamani dina,yusuf mitai riato rawana tato raromi ma, riawiwu to nu galilea. ²³ Yusuf ria rioro bendar pehi, we hanomi Nazaret imbaromi mahiwe we nabipe timpaya'' ambe tisa hawei we'' hinontarai nazaret''.