¹ Hape wonan muna, Yesus pyai wePetrusi, Yakobus, tia Yohanes neta Yakobus, kio tioru tiroita to tawui tariai pehi timehari. ² Yampa, Yesus riwanni nuwera rotiraropen ren wau kaira mahi wo, kon hasun wau wuha mahi kawieihi ³ Inte, tindeamo, musa kon Elia hurari kon Yesusi. ⁴ Petrus tito wu Yesusi "Tuhan, I hinai we tatoru imabru rioro nine, Yau Ambe iwaun yawa petoru ro nine, ehiwe au, ehiwe musa, tia ehiwe Elia.'' ⁵ Petrus tirorahi, mandep pehi dian biwia tirai tioru yampa tindea hinon raupui pehi riaro mandep raron wauma pyai dyonto'' rani romawa ihaneho peina, rawurei, yau, hanetiarei. andi tantarahoipa'' ⁶ Murid-murid pe tintaraho yampa, tintuan to kapuya wau-a tia timatai butu. ⁷ Wape Yesus rima, nuko tiamu tioru, pyai toparani.'' ⁸ Royampa timpira waha tindemi tindea, tindeho ehiwa ''Yesus mehari. ⁹ Hatimbia ro, tawui yei,mawehu, Yesus pyai dyonto'' hang mintararari piyayawe tioru, Penglihatan yampi wuehi wawahai ke yao romawa wani wihientaweri warihu hinontarai we karia tinu raro.'' ¹⁰ Yampa, murid-murid tirautan wurei, interi topeno mananu taurat tironto Elia ria pampon mapa pane? ¹¹ Yesus tito taweri wu tioru,'' dyonto topana rima pampon imbaromi piduru wemahi panpon. ¹² Wape yau iweroanawe au, wahai Elia rimato, wape timbe kanaliawa impa tiron pampinomiei kei, roawia tine. ¹³ Impateri, murid wau tisanesa neaho titowe tioru ho Yohanis pembaptis. '' ROMAWA PEHI TIMPIKAREI WARIHO ROH WEBARI V 14 Yampa, yesus tia murid-murid tintaweri wu kawasa wau tioru mawan pehi rimawu yesus, tiuei awehu ro aropon, pyai dionto. ¹⁵ ''Tuhan'', hanensone romawawani wo,I hiuhi Rekariria mambat mantaun. riake hiuto arutan raro-hiuto dya raro. ¹⁶ Yinti to nemu murid-murid tioruto'' wape tironi pinanwa. ¹⁷ Yesus tito taweri, '' mintoru, hiahang wewe hanekunawa tia. minda ririawita hape huru muna ambe irokon mintoru?. hape huru muna mo i hane pananwe mintoru? mintarint romawa paiwu yau'' ¹⁸ Impamora Yesus tito bariruihi we roh we barui, wawei impamora hirea warihu romawa mawan pei romawa mawanpei pinang wahai. ¹⁹ Impateri murid-mrid tindawu yesus ma. timehari kontei tirautan'' topeno antoru antaradiawar roh webarui rawani wane? ²⁰ Tito wetioru'' rawau mora Iman wau haho. yau ipai we mahi we au, mintane iman wawa mahi sesawi mo mintanto wu tawui rani, ruato rawana! ambe tawui rani riawera ehe aniwa weauwa. ²¹ Wape, Roh webarui ranetioru tira diawar ro sambayan tiar puasa NIE YESUS TITOHO KARIRIA WAU ²² Roha yesus kon nie murid-murid tindirui ro galilea, tito we tioru'' romawa pehi ambe tironi wu hinontarai timbrararo, ²³ We timuni, wape i ambe wihien taweri ro hawewe toru'' impan nie murid tintuan me tisane hoi. ANIAU WEPAI KAMAN WIWAI PAJAK ²⁴ Tinda tisua ro kapernaum, pajak dirham koiru(2) pe tindawu petrusi ma, tirautan'' topenowo nemu guru wawei wiai pajak dirham koiru(2) wau wane. ²⁵ Petrus tito taweri'' ya'' ria hiua to yawa raron pui yesus hua pampon titowei.''hanen topeno simon? ''Tei diawanamo mananui nuniawoni tirewa bea kon pajak ne? nie romawa tioru ete hinontarai hawarun tioru? ²⁶ Petrus tito taweri '' rape hinontarai Hawarun tioru'' Yesus tito we petrusi '' tope rawau mora nie romawa timbaiwa. ²⁷ Wape, imbaromi tantuwa tioruwa, ruato dia wania tuweta pons wewe harpandenpai. kuo dian we we puot retenang, mintara huapan pai, ambe minta roit stater kepehe. mintako doi rawau minta rona We tioru, we yau, tia au.