¹ Impateri hinontarai Farisi kon Saduki tindama we timbe cobai Yesus, tirewara Yesus dion kaman pehi ro woyai yeima. ² Wape, Yesus pyai we tioru Rake dei weroran, mintatota, wer hanai wo woyai mirou. ³ Kon, ro wiarama, harani , ambe wanang pehi kirarihi mantaun, wo woyai miron tia weroran; mintoru mintarator woyai, topeno wape minanpaya we minandeho nanu ha kaman hawane. ⁴ Wewe rama munan wane tioru, we barui tiar we on ririawita, rane tioru ambe tirewa kaman, wape kaman korisi kei han dyoni wa. To kaman nabi Yunus "impamora, wiwu tioru ria. Tato Kaman We Ragi Hinontarai Farisi kon Saduki ⁵ Murid-murid pe tinda tindiria ro danau pei, tisane paranden roti pe. ⁶ Yampa, Yesus tito wu tioru "Mintampara matatiar mintanu kakepana ho ragi hinontarai Farisi kon Saduki". ⁷ Impateri tintaho pirawau mantaun tinu raro impateri tingkai toparane " pirane mora tangko roti wapan". ⁸ Wape, Yesus impana tito "Wei, hinontarai wene iman payawa wau mintoru, topeno mintaranto roti pewane? ⁹ Mintoru minansanea ho tia minamparen den roti rin we hinontarai ribu pe rin, tia piwewint weho tau we minan diruira wau wa? ¹⁰ Ete, roti pe itu we hinontaraio ribu pe at, tiar piwawinta weho mintan diruira wau wa? ¹¹ Topeno mintasane tatar weyau hang itato wemintoruho roti? wape, mintasane kakepana hopa ragi hinontarai Farisi kon Saduki tioru. ¹² Impateri, tisane aho we, I pyai piehewa we, minukakepana we ragi roti, wape. we aniau hinontarai-hinontarai farisi kon saduki. Yesus iwo Mesias ¹³ Roha Yesus ria hiua ro Kaisarea Filipi, Dia utan wu nie murid-murid wau tioru "ro tato hinontarai, tei tio rawani? ¹⁴ Impa mora, tintato taweri "Timbe toni tironto Yohanes Pembaptis, hawarun tironto Elia, tiahawarun tioru muna tironto Yeremia, ete nabi pe hanampe". ¹⁵ Yampa, Yesus diauta wu tioru, "Wape ro mintoru, mo, tei di Yau? ¹⁶ Simon Petrus , titotaweri, "Au Mesias Allah Antu wewihien!" ¹⁷ Yesus tito wurei, " Hanai piboki weau, Simon romawa Yunus, wo tarai kon marou aniawa weau pawa rawau Yai weroro rora yehei. ¹⁸ Kon, Yau tato ipapaya we Au wahai mintoru wo Petrus. Wo, ro kami waworani, Yau Ambe iwaun ne jemaat Tia gerbang-gerbang Hades, hang timbe kuasaiwa. ¹⁹ Yau ambe yona weau, aisupi dyewero Rora raron dyei. Tia, tahan dina kei kurehei. Ro nuwaweni ambe tiwuita ro, woyai raron dyei. Tiar tahan dina kei minta pikara ronu wawoni ambe tiketu ro rora rayon dyei". ²⁰ Interi, Yesus tito we murid-murid tioru waromi hang timpaya we ehe tioruwa ho I Mesias dina. Yesus Piyai Aninau Nie Kariria Wau ²¹ Ro harawau, Yesus dianiawa we murid-murid wau tioru wahai I. Amberia to Yerusalem tia hirio pitau ro mana nui, imam-imam weweriun, tia mananui Taurat, impate timuni wape tiwara ro hawe toru. ²² Impateri, Petrus dianis Yesus toho rare, hiorei, kon tito, Tuhan imbaromi Allah warapi rawau woroi warihu Au! pirane han hapehi oit Au wa". ²³ Impateri, Yesus tiri weriei impata tito we Petrusi," Rua warihu ire rone, wei iblis! Au kami wewe mambat we Yau, wo Au hanempaya we pitau tahan dina we Allah, wane me pipampona weraro hinontarai". ²⁴ Impateri yesus tito wu nie murid-murid pe tioru, " rake matei Dei dyawa Yau, I piora kepan mantauni, hirio aitabayani, dyont Yau. ²⁵ Impana, matei hanewe nie ruaninu riowa, ambe ruaninu rio, wape tei ruaninu rio, yaupa I ambe dioitapa. ²⁶ Piboki tahan dyonamo hinontarai pehi nie nuni kuira, wapenie ruaninu rione? ete, tahan hinontarai pehi diona weriwan ruaninu ne ? ²⁷ Wo, ambe hinontarai Antun pehi amberima tuti marandin. Tamani nie kon nie malaikat tioru interi diona taweri wu hinontarai painiei diawa pi diona wanepa. ²⁸ I payai wemahi ne we au, hinontarai pe timbe toni tiroha rorane tirariut kariria wa ke Yau tindeho romawa rima ro kerajaan raro wanima.