¹ Interi Yesus reho hinotarai we himpau pa hyoru, piowaharei to tawui hongpai kong, interi mihoi netapa hyoru hinda wurui ma. ² Kong mihoi hyepa raupuipa kong sanyau hyoru, me samto, ³ Wewihyempa tei wia wu hinontarai we hine wihyeng pahawa ro hinduainunug, tutu hyoru hine mananuroi rora. ⁴ Wewihyempa tei wiawu hinontarai we hiraidu tutu hyoru wo ingkai himararising. ⁵ Wewihyempa tei wia wu hinontaraiwe hinandu hisane rarang tutu hire hine kakopa wawong nei pa. ⁶ Wewihyempa tei wia wu we we himbariwang kong hindau hanaya we pi wemahi titu hioruwo ingkai himoi. ⁷ Wewihyempa tei wia wu wewe hisaneho hinontarai tutu hyoru ingkai eha hisaneho tioru. ⁸ Wewihyempa tei wia wu wehi saneron kakawiri ingkai hinde ho Allah. ⁹ Wewihyempa tei wia wu we hingko mararising ingkai Allah hyau hioru weneromawa. ¹⁰ Wewihyempa tei wiawu we hirong kankani hyoru tutu wemahipa ingkai hyoru hine mararising aorora. ¹¹ Wewihyempa tei wia wu we mintoru we matei tito mwe marawawe au, kong tatipa we yau. ¹² Murarasing ingkai wariuta piwe baba rorora tutu hiron kangkani hinuntarai baba hioru mo mito wani. Hahi Kong Wedea Ro Nunei ¹³ Mintoru wuhahinonunei, interi hahipai we mare, ingkai pieanabahe sona wehahipa? piana merawa to ingakai hingkie hinda hintatare. ¹⁴ Mintoru wu wedea ronune, bendari we swar tewuipa hani saniwa. ¹⁵ Hinontarai pa hyuru ingkai piwe amberiahurora wataro wounba me wata ro wawan deahomanupai ararong. ¹⁶ Interi memuwe deapai tato samberia imbaro hindeho piwe wona pa piboki hirona hirenta rapangdio tamamui rorora.'' Tata We Mahi Kong Tato Tawa ¹⁷ Mindeho mintarainto yan wo irima iriwan musai netato panpong pawa. Irama yomparia. ¹⁸ Yau impaya we tarai watan pewe mintoru, rora kong kopa wehing kama iza kosiri riowa kea mihi. ¹⁹ Interi mateiti kiaripi anyau rane kosiri kong snayau parariei hinontarai pehahioru hirong piwe mahi iwo ingkai ingkai mioma ro manuroray mena mateiti sompararitato pa kong sanyau eha hioru ingkai biba ro rora. ²⁰ Ipaya we mintoru mahi we mahi we yopana raho we hinontarai Farisi hintatoapawa, mintoru minang kaimo mintasua rorayahewa. Pari We Hingkayou Hinetapahioru ²¹ Mintoru mintaho arariro apusi woria hioru pa, to nu we hirautan rowane. ²² Ingkai, ipaya wemintoru matiri kibaou netapehi pa ingkai rio we mahiwa, kong matei muna we tito we Neta pa hyuru hinu kyain ingkai hengkai hioru to mananu baba hisaropong, kong manetai tito munempa, "motito" ingkai rio aunang wa nei. ²³ Tope yampa me, matei mintoru mintarong wemahi paro patara we taria. ro rowane minta saneho minetapa hioru hine piane ha kong mintoru. ²⁴ wong piwe kyuopa wataro patarapai me tuweri, tuweri haira pindura kong maneta hiroru, interi tuweria wonanuhar nemupiwe mahipa. ²⁵ Me muraru, hanentaweri we hinontarai we tito we au ro mintaraho mintanda kuira rorayan paino hinong tarai we tito we aupai wo sonane weroanauwe mananu pahioru, interi mamanu pahioru ingkoau to hinontarai baba hioru hintampiran to airuwe barang pai rarong. ²⁶ Ipaya we roana we mahine we mintoru ingkai mintoru mintanda warihiwa rawanea minbei hawaweri pa ra kai. "Hinontarai We Himamota" ²⁷ "Mintoruwo mintantaraho we," remoho mumotape. ²⁸ Mena, ipaya we mintoru mateiti reho wawing pehi me hanekang kongnei rohanewai raron, mo pia mimota weito. ²⁹ Tei rengkami sowatan pai sowemahi wamo kuira paheirengkami yampai me riwiyei Imbaromi nungtarai kosi yampai rio rowa. Sona nungtarai kiai hikie to dauntang ³⁰ paritei waramu sowatang pai song piwe mara wa mo, kuri hani kwiei tatu wihyen waramu kosiri yampai kwiei wo sonane hinungtarai pai kyai hiu aunang waneipe. Anyau tambarawu tangtaweri ³¹ Pia himpayato matei sasawa wawini tiweria minainpa song weran kaman pehi we wawing yampei ³² Me ingkai ipaya wemintoru mateiti sahiwan wawini pa tutu mimota, amati sonamo wawino mimota. ingteri mateiti hwie wawing yampai, munang pa mo, itatito mimota. Tato Wetampora ³³ Interi mintantaraho wewe himmpaya we apusi woriai, remuho pupora pampinomihape me wonahura papora yangpa ro piami aropong. ³⁴ Topeampa ipa wemingtoru, minampuporawa, ra rora tuti rora wo Allah mihoi ropena, ³⁵ Te nunei wang mo Allah ae bangpena, te Yerusalemiwo nuwe baba mantaung. ³⁶ mindeho mingtamporaro ming ding tandikamiwa tutu minta rong mingatandin nang daing kosiri, biuha wa kongta mie tang wa. ³⁷ pipa nahae puya to pena mo topena wepipa nahae puya me wainto topena wa topena wa, wowera wa raro hinong batang. Piwe autan taweri ³⁸ mintaru mintantarahopame," mintandeho kami pa weriwang mi tandekami kong minta semi pa weriwang mintasemipa. ³⁹ mena, ipaya we mingtoru me mindeho mintarong wehanai wapepa, mamateiti tei biahapa tarandei sowatang, wong tarandei sohipaimuna. ⁴⁰ Interi ehi hihau ne pianehakongtan kong kkio nemuhasungpa, wona hasung baba muna. ⁴¹ mateiti saituti auruai woroi mil kosiri, morua kontei woroi mil koiru. ⁴² Wonawe wesewara pi kontau pai meremoho wahiwan wehanewe pikongtau. Hane Muno Wetei Miungnau ⁴³ mingtoru mintarutah wepiyakamanapa, hanemuho hinontarai," kong hanumara we tei miung nai. ⁴⁴ Ipaya weau, hanamuho we tei miung nau me wemana hinongtarai we hirang miniya mintoru, ⁴⁵ Ingteri mintapepari laminangta mami rora we song wo paiho wemara wa kong, wewihen, kong song mamang paiho we wihen kong we hanai wa. ⁴⁶ Pipanahae wonawe hinongtarai wehisaneho au mopipa nahae minta riutapa itato sento marari rawautato ? ⁴⁷ Pipa nahae mintarona we minta neta pa hioru, pipa na hae baba kaparawa ? wawahioru hinde Allah tuti piwe sona rawau ? ⁴⁸ topeampa mintoru mintamihi, pari mintantamani we mahi rorora.