¹ . Weraung we piya kamang, roma Abraham, roma Daud. ² . Isak tami ti Abrahami, Yakupi tamani ti Isaki. Yehudai kong netapa hioru hitamami pei ti Yakupi. ³ . Peres kong Serai huntamami pei ti Yehudai, husina mi pei ti Tamari. Hezroni tamanipei ti Peresi. Ram tamani ti Hezron. ⁴ . Amidapi tamani ti Ram. Nahason tamani ti Aminadap. Salomo tamani ti Nahason ⁵ . Boas tamani ti Salmon, hinani ti Rahab. Obet tamani ti Boas, hinani ti Rut i. Isai tamani ti Obed. ⁶ . Raja Dauti tamani ti Isai. Salomoi tamani ti Dauti, hinani ti Batsebai, we wiu uriai mena Dauti kio nari ma wiuti ⁷ . Rehabeami tamani ti Salomoi. Abia tamani ti Rehabeami. Asai tamani ti Yorami. ⁸ . Yosafat tamani ti Asai. Yorami tamani ti Yosafati. Uzia tamani ti Yorami. ⁹ . Yotami tamani ti Uziai. Ahasi tamani ti Yorami. Hizkiai tamani ti Ahasi. ¹⁰ . Menansi tamani ti Hizkiai. Amon tamani ti Menanasei. Yosiai tamani ti Amoni. ¹¹ . Yekhonyai kong neta pahioru hintamami pei ti Yosiai, ro pampong himbe woming ro Babeli pa. ¹² . Hintaweri waruhi himbe woming ro Babel pamo, Sealtiel tamani ti Yekhonya. Zerubabeli tamani to sealtiel. ¹³ . Abihud tamani ti Zerubabeli. Elyakim tamani ti Abihud. Asor tamani ti Elyakim. ¹⁴ . Zadok tamani ti Asor. Ahim tamani ti Zadok. Elihudi tamani ti Ahim. ¹⁵ . Eleazar tamani ti Elihuti. Matani tamani ti Eleazar. Yakup tamani ti Matani. ¹⁶ . Yusufi tamani ti Yakupi, Mariai hawani. Ro Mariai hane aiwawinapai mo sawing Yesusi we hisauwei hanompe Kristusi. ¹⁷ . Impaina hiahang ro Abrahami rainta ho Dauti mo haura ati kong Dauti rainta ho himbe woming ro babelipa ma haura ati kong raro woming ro babelipa rainta ho Kristusi mo hiahang pe haura ati. Yesus Kristusi Hinani Sawini ¹⁸ . Rane wo Yesus Kristusi hinani sawini mo to perane. Mariai Yesusi hunani te riaura Yusupi pena, Ro humbu huru wamipa mena saihioha Roh pe Allai riuai nunung pai. ¹⁹ . Mena, Yusufi, Mariai hawani iwo hinon tarai we mihitina kong kira rapi wiuwu Mariai ro hinon dewe paupe, Yusufi tei hane tatuawe pika Mariai ro we ai hihira. ²⁰ . Mena, Yusufi hane tatuata piam pamo, reho manatau ro Piami Allah ria wurei ro mi pa rarong ma tito me sainto, "Yusuf, romawa Daud, remuho mutai ko Mariai we wawing we wupe tutu roma we saiho harei yampaimo ria rope Allai riuai nunung mamarang. ²¹ . Iwo ingkai mihoi tutu roma mawang pehi me ingkai wonei hanong pe Yesusi tutu ingkai anti piriri kawasa pa hioru waruhua hine we merapa" ²² . Pitau rane rawaha parari piwe Allai Kimana ro ne woming baba pa hioru, ²³ . "Remua wawing we sande mawang pehi wami ingkai saihoha me ingkai saiwing roma mawang pehi. Me ingkai hisau wepe, "IMANUEL" we hirainto : Allai rio kong tatoru ²⁴ . Iteri Yusufi tiwaha waruhi ayena pa me, song parari piwe Manatau Allai kimana weipa, me kio wawini, Mariai, ²⁵ . Mena sena kontei wa kea o Mariai sawing ne roma mawang pai. me Yusufi sonei hanong pe, Yesusi.