Jetu dikyo mukajit Gadara Tubi bi mas tinggi. ¹ .Anmu kemmo emdeta, monat aro je Gadera bok kemone. ² Ollo ette Yesus ismukajit kwem, jetu dikyo anmukajit bulop, jearunu tubi suktinggi sukmo ette plises Yesus. ³ .An kem mo natru bulop bok sno mit, tepsu jetuyo tinggiwa butwa anokai,pal ansi jam telatne walei. ⁴ We, jetune siwam dikyo jepal guwes si jam telat walei, an tuku jamn telatne nyot si an . Tepsu jetu dikyo tinggiwa but anni. ⁵ Si naru sikamne anba iyo mo bulop simo bobuk si andikai be anka wip-wap si jokgum. ⁶ Ette jetune ankeme Yesus mukajit ostuko mapo ankas si an som mo Yesus subwem. ⁷ . Si saneotte anba sukjan mukemmo basyenas ankinu, '' wo ette tat be sukmanto si Nanno, Yesus, Allah bipa Tat som munai nan we Allah, nunyo gutatni !,, ⁸ We Yesus kimo munai nun, '' nunmo sye kaji jetude tubi bimas ibit!'' ⁹ Saneo Yesus ki munai jetune du, '' jeuto nan no.?'' Si, an protnu, Tat tugumdu Legion we men boksno.'' ¹⁰ An si kam boksno masom munai Yesus ette yo yum anmu kajit natnekai. ¹¹ Mo tuneyo suksi sye anjitmo allowa bobuk. ¹² Ette, tubi bi mas otne ma som munai Yesus, si anbanu, '' nun talu men mumo nok bokune men sukmo mit.'' ¹³ Yesus syo ette. we tubi bimas ibit mu ette sukmo nok boksno. ette musuk mo nokboksno. Suksiune muk kemmo ribu wene ankas ke bode mukem mo em, ette anbok mo emgune. ¹⁴ Ollo ette ,jeato kemewa nokne ankasmu prot jemo nat jetubok si anmu mo dusun. ette jetune anutma ankeme sukato jeprot munai ane. ¹⁵ Ette, jtune anma mo Yesus si anma keme jeanu anku sukibitne, anu anbi jetumo Legionne, sadepo an besa kija, si an it san, ette an kusuk ndo dusatuo. ette anjetu bokneol annyu. ¹⁶ Ette jeto ankeme suket kene , anat subot munai jetu-jekam du woette sukne binai jearunu tubi bi mas ot si nokbok uane. ¹⁷ Mosuk unette , jetu jekam ankinai Yesus du mukajit anbi natine. ¹⁸ Ollu ette Yesus itmo kwem, jetu arunu sikam nyim tuya anku tubi bi suk tinggi otde ankidu sanepo anmu si Yesus mu sino. ¹⁹ Salewo, Yesus yoiymo si ankai, wo Anki munai jetune du, Nan dusatuo mumo jetui. ette nan natmo sukbok arunu Yefun ben munai nan we Yefun syo sukjimku munai nun.'' ²⁰ , Ette, jtune anmu ette anprot munai jetudikyo mo Dekopolis dekwa sukbosno arunu Yesus ben munai an.ette jetubokne an wante. ²¹ .Olloette Yesus kedam kwem mumo sadeta ,jetuboksno ankuyu aluwa An, we Ankem mo em ketep. ²² Ette, jetu dikyo arunu anjesumo nuosne antugumdu Yairus anma ette ankeme Yesus, olloette anma som mo Angwes. ²³ Ette anki suktu munai Yesus ,anduwedu, '' tatbi pa arunu sukjan tuden aluwa kwople. Nanma si nembas Nan timjan ne mo ette suki ne si ette anbauw.'' ²⁴ Ette Yesus mu sino si Yaiyrus .siwamnepo jetuboksno simo Yesus muye ette anmu waipukwa An. ²⁵ . Si wamnepo pasunggon duko momde sye kem mo ena mutu sopat. ²⁶ Mom ku sukinepo wamboksno ette jetubok anmawa oswa si jetune bi suktinggi bi walei momyo kubauw ni. ²⁷ Olloette jamdu Yesus,ette pasunggon ne mom mawa Yesus mukajit rima mo jetu boksno mit si momjomwa Yesus bi san. ²⁸ . Pasunggon ne duwedu '' sane tat Nanbi sanne at ette bele tat bauw .'' ²⁹ Sikamne mom de ne siye ette mom jamdu suk ibitne ismu kajit mom. ³⁰ Yesus paiwa kaim du Anku suk tinggi arunu utkajit An. An blik mukajit jetubok une si Ankidu. '' jeunto slot Tatbi san.?'' ³¹ Ette Yesus bi papa kwelutne, kidu, '' Nan keme jetubok ette nanmu kwes-kwes si Nan kidu, ' jeunto arunu jowa tatbi san.?'' ³² Olloette kemewa natne waipuk dikwa keme jeunto ette besukneo. ³³ . Saleo, ette painu sukmanto ismo Nan kaimneo, nggon ne besa nyu si loror. mom ma ette som mo Yesus subwem prot Yesus wa suktu bok arune. ³⁴ Ollo ette Yesus kimunai pasunggon ne, '' Tat bipa , nanbi suk tinggile benan bauwne. nanmu si sukndo si ette nan bauw kajit si nanbi suk ibitne. ³⁵ . Sane Yesus nat sukto, jetu dikyo makajit je kwesu mo nuosne an ato kidu, Nan bi pa kwople. wo ette nan soke jeguru.?'' ³⁶ . Walei ye Yesus yo jamwa suk aruto jenatne, Ankimunai An kinai jesu mo nu osne du, '' nanyo nyukai, nun jamwa at.'' ³⁷ Saneo ette Yesus yo imo jetudikyo simo Ankai ,sanepo Petrus, Yakobus, Yakobus binji Yohanes. ³⁸ Saneo ette anmu kemo jesumo nuos bi nuine, ette An keme jetu babok, si jetu boksno an wo sem muket je sianba kres. ³⁹ Si kamne, ollo ette Yesus suk, An kimunai jedu, '' Nun babok si nun wo mo mano.? pa neyo kwop kai, wo ansem ani.'' ⁴⁰ Ette an sa mo Yesus. Sale wo, An taiu jetu bok une ut ette An bisin pa bi ai si aut , si jetu boksno arunu simo Ane, at ette sukmo sukmo wak ato pajan an kem mone. ⁴¹ Ollo ette, An jomwa pajan ne timjan ette An kidu, '' Talita kum!''{ Suk ande du, '' Pasunggon be , Tat kidu nan sun sye!''} ⁴² Pasunggon arune ti kwes si mulam satu-sadema, we mom sye isem kem mo tahun mutu sopwe, ette jetu boksno une an wante. ⁴³ . Ette, Yesus ki tingi munai pa bi jelas ne du nun jam sawe jetu dikyo pai sukde kai,si prot munai jetu ette je syo sukjit munai pajan ne jit.