¹ Apwiya yaahomwiirela Moises: ² Okireerihele owantjeriya ooteene, alpwana ooteene owiisrael, atthu, niinama. ³ Moises aahowiirela atthu: Nmwaanatjeke muupuwenlaka nihukun'na, nikhumaleenhu wiigiipitu mwiipihini mwaha wontata nooweryessa na Pwiya, yookumihaleni nipuron'ne. N'hikhuure ephaawu yomiropo. ⁴ N'naahala okhuma wiigiipitu nihukun'na mweeri waAbibe. ⁵ Apwiya yoowaanani elapo yomacananeu, maheteu, maamorreu, maheveu ni majebuseu, elapo eluphenlyaawe kaayi wiira aanawoovahani, elapo yoovirikana nimana oravo niileeti vano n'nohala oweheeha otthapan'no yoola mweeryuula. ⁶ Mahuku saapa, n'nohala okhuura ephaawu yoohimiropo; nihuku nonasaapa, enaahala okhala essukuhuulu wowaattittimiha Apwiya. ⁷ Ephaawu tjoohimiropo tjin'hala okhuuriya mahuku saapa; khin'hala woonanyaa ephaawu yomiropo eriyariinhu. Khatjin'hala woonanyaa miropo wariinhu. ⁸ Mhuku yaale, assaaneenhu n'nohala owiirela: ⁹ Ela phinkipankalyaaya Apwiya owakathi okhumalyaaka wiigiipitu. Ola on'hala okhala muupuwelelweenhu woohimala. Phimaana ekettelo yaaPwiya en'hala okhala mwaanomwinhu, kontha, nintatanawe noolipa, hookumihani wiigiipitu. ¹⁰ Phimana n'haana nssunkaka ni muupuwelaka mwaakha ni mwaakha. ¹¹ Apwiya yoowiihani elapo yooCanaa, okhala wiira ayena aholuphela wiira anaahala opanka, ¹² n'nohala waavaha owantjera oyariya ooteene, akhale atthu wala enama. ¹³ Alopwana an'hala okhala aaPwiya. Khula enama yowantjera oyariya n'nohala othuma tootho niinama ekhwaaya, Mweehithumetho, khan'nohala ohita. Phimaana khula owantera oyariya waassaaneenhu assilopwana n'naahala waathumatho. ¹⁴ Mwaamwaninhuuyo ookohani, yeeyeeyo en'himya essiyani? Vano mwawaakhuleke: Waari mwaha wontata nokuru naaPwiya onikumihalyaaya elapo yowiigiipitu, mwiipiphini. ¹⁵ Owakathi Farao wanikhottihaawe okhuma, Apwiya yaahowiiva owantjera oyariya ooteene elapo yowiigiipitu, attu niinama. Phimaana, kinawaavaha owantjera oyariya ooteene enama tjoolopwana, ni phimaana kinawaathumatho owantjera oyariya waassaanaaka. ¹⁶ On'hala okhala muupuwelelo mwaha wontata nokuru naaPwiya ninikumihale wiigiipitu. ¹⁷ Owakathi Farao waahiyalyaawe atthu okhuma, Nluku aahoneettihera elapo yomafiliteu, onarri nttala wowaattamenla. Ni Nluku aahiira: On'nokhala aatthwaayo opittikussa muupuwelelo yatthema ekhotto, vano anaahala waakulela wiigiipitu. ¹⁸ Vano, Nluku aahoweettihera atthwaale woorukureerya woothakoni arwaaka epahari yoosseeya. Atthu owiisrael yaahokhuma wiigiipitu ootthonkomanyaa wiira yawane ekhotto. ¹⁹ Moises aahokussa makhua Jose, kontha Jose aahaakhuluveliha atthu owiisrael wiira: Weekhweeli Nluku naahala wookussani, ninhu n'haana nkussaka makhuvaaka. ²⁰ Atthu owiisrael yaahokhuma oSucote ni yaahomakatja oEta, ninkurukuru moothakoni. ²¹ Apwiya yaarwaa naayenatja nihuku nooteene, ninttitthi womahutte aweettiheraka ninttala. Ohiyu ayena yaarwaa nimooro wiira yaamwaleelatjeke. Tjitjon'mo ayenatja yaahaana yeettaka othana noohiyu. ²² Apwiya khayaahiyale weettihera nimahutte othana ni ohiyu nimooro.