¹ Ka nyongo ndo banadji bakpa nde banda na nkiki belekeani bia Yeso ntekisi ba Mokonga na Mokota phumi na mbo belekei. ² Dha mbeeki ndea mbe dambisi,bia bondo Mosa dha kendu ndiake bubui. ³ Ka nyongo nde nkpando bantangi baombia asii kotinga Mosa abea nkpa na pheki endu ana bodoko tinga endu ndeake. ⁴ Ngaa kisi endu nkpa ambe apheki kagea dye apheki kema bubui ande Mokonga. ⁵ Na Mosa dande mbeeki kendu ndiake bubui ubate Nketisi ka botomi alaba ndo ba dyongande mbusa. ⁶ Kageae Kiisito,bia miki guendu ndiake ande endu ndiake: Ande endu ndiasu,aoba na bebedi bokpekpe ndeasu.Nina nsebeo esa bubui. ⁷ Bende,aoba na mema nde n'nda na nkiki a nyongi:Keeke,aoba na bokande esoake; ⁸ Bokoge memanu akpe aoba na kadunbe saa a belisa,besa a tombaga ka nkanga. ⁹ Bhi Abanu a mokengisi na kengeni baona tambeani basaga nkama gena. ¹⁰ Ka nyongo ndo netobeli na ebokoti nde neonyonga:Ba bungi ka memabo na ba katubi aphendiamo. ¹¹ Aoba na netuani ka beli ndiamo,bakangiande ka bodjeme ndeamo. ¹² Lelegani,munadji,kabe ka memaanu nkpa moti kanga mema adjede kanga beekea;Na katanisana na Mokonga badoo, n'nda n'kusi. ¹³ Kageae phelanani esa bubui kesande ba keke;ngaa kabenu moti kagea ka bodjede odemadyo. ¹⁴ Ka nyongo nde bedye bapheli a muna Mokonga.aoba na bebedye bokpekpe ophangeo na sungia. ¹⁵ Wani photo bao dyongea?keeke,aoba na booka nde esoake.Bokoge mono memanu bokpekpe beasa abeli. ¹⁶ Manai animbe mbeli kasande batoki? n'ndapho bundo batoki na Misili.Dabatambi na Mosa? ¹⁷ Nande nkpasina mbe doni adjede kamuaka boku na gena?n'nda bundo dha badjenani.Nabo kiinda ndiabo daagu ka nsenge? ¹⁸ Nande nkpasina anoophisi kagea bokongiande ka bodjeme ndiake,tondo bundo ndeketi? ¹⁹ Sungia beeni kagea baka tokeku ngia ka nyongo a kanga belekeabo.