1
Co,besu photo,usese a bamamei ndo asotimbi ka enjia asu ka njoko a mbango.
Ka bondo bemakeni danga nnde aosodokomisa na bojede nde bekeoiphia na ta kau.Bebeni na moingi ka mbango kau.
2
Bentumieni to Yeso n'iso.Ye aambe ande mbhomi-aphe na ntotokisi a beekea nesu.Co,ka nyongo a maseye nde Mokonga dambhisii,aunge dabeeki kukua ka me a nkpato kanga a bhisa mophe ake ka soni. Kekende,aiki ka njaga a muku a kankaanga a kokota ndea Mokonga.
3
Eya,nkanisiani Yeso.Nanga bii batoa-bojede dabankangei phee,daphiphii.Geani to bo ka gea te,mema anu kaelembe na deketa a nsebeo.
4
Nga,emani nde bojede aonomanise,ka benu moci kaphiphiimbe u,na ka bii ageokua kau.
5
Ande gea te,bobosei bophei nde Mokonga danophei bea banake?<6
Nga,Mokota aonseka mmbe ambeeki.>>
7
Co,phiphiani tambaga nde Mokonga aonotambisa.Aonogea bo nga,bonde banake.co,miki sina mmbe abhake kansekimbe mono?
8
Eya,kabe Mokonga na kaonoseka bea abha-miki bhuake mmbe aonseka anake,ande gea boko baniki nde Mokonga ebokoti,bondiu baniki aobhika ne.
9
Goto benu babhasu ibunde basobokoti, bunde baosogoisaga, beoboka.Co,akeni bemoke phee Abhasu a ka mema ka gea te bebe na enda a meyo.
10
Babhasu baososeka ka besu babhoa bindo ebongei. Kiseki ndea Mokonga andiu gake ka bokambia nesu kagea te bebe bantoa-bonjanja bea ye.
11
Mbeno nde baososeka aoba ka besu cina a bei,kabe cina a maseye.Mbusa ibake,bundo baegoisigi k'indo baoba na bojeje na kodoni ka enda abo.
12
Kabondo unge,kakamisani njaga anu nnde aeli na nanoani muanku anu nnde aosokasoka.
13
Bhisani ecinji anu k'aphe n'ecumi ndhe!Ka gea te batoa -kidoti bakaguembe,ecinji abo a ame ndiu.
14
Kabani enda ka bojeje na bakpa bobhu.Bokabe photo sokosa a bojede a ka mema anu.Kanga a bo,nna na nkpa nde amonande Mokota.
15
Engephani gea,ka benu kaeukisembe bonjanja ekondi ndea Mokonga.Ka benu kabembe photo bea miigi ajia nde aotea,aoyombokisa na ndandisa a bonjia ndo ka bakpa basii.
16
Ka benu kabembe ntoa-iebe na benjiaga a kema a bonjanja ndea Mokonga bea Esau,mmbe dasombisi bukutu a boketeana ake mosa kanyongo a ophephe moti elea.
17
Co, booubha gea te, mbusa i ,dakondi toa a botiko ka abhake bhisia ake njaga, Abhake aolea. Dakatu ye n'aphe angisa moango ndo naga bii daokaba u naogama.
18
Benu boko bimisi kema nde botoka dunga i na njaga bindo mbeno nde ba Isilaeli dabakidi ka mambaa Sinai. Mamba ndo daotoboaga na nsa,kaiphio angbo aogbukumia , maphopho aouma gui phele,
19
Baisilaeli dabaoki nduu a mbengu neongoa yonga. Baondengemisaga gea, Mokonga k'engodee ye kanyongo bindo.
20
Mokonga dengodi photo,baisilaeli te ,<< nkpa buu ake nqnga abha nyama mmbe adeteande mmba nde, bambetaande n'ete aokua.>> Mbeno nde dabaoki bho, nna na nkpa nde daphiphii ye.
21
Eya,bii dabaoni kema a bangisa ndo, Mosa aoyonga te,<< oo! Neobanga phee, nyama ani aoekana.>>
22
Co benu, bo bhimisi ndiu mamba nde baopha Sayuni Nji ndeaMokonga Mbe Aoenda. Ina anji ande Yeusalema nnde a na Kobha. Bamalaeka basii phee baogua jai ko.
23
Bobhimisi photo oma nde ba anga a Mokonga badondanigi ka maseye , bunde badundhu na kobha.Bongbimisi Mokonga mmbe aotenaga nyongo abakpa bobhu.Bongbimisi photo mema abatua doni bunde da basi baojujuka, baojua ka sungiaga aphe ndeabo mosa a MOkonga.
24
Bongbimisi Yeso, mmbe ande moonganisi akonsamba akeke. Ye aambe asokosi mema asu na magia ake , dukukana a magiake ndoo aosophangia kema anja konyenya magia a Abei.
25
Engephani kagea bokoye ooka a nyongo a nkpa aoyonga na benu nga, bakpa nde da banye Mosa mbeno nde d'aophea ka mokonda; dabakatoki tea esoia a Mokonga. besu photo bekeotoka na beti , aoba na benye Mokonga mbeno nde aosophea nana koba.
26
Ka mbeno akala, dadengisi mokonda na eso ake akpe.Co, keke nde gake, aoku gea te,<< nna tondo mokonda aunde nedengiaande goto.Nedengisa ande photo kobha.>>
27
Bii agii,<< Nedengisa ande goto>> ,ande gea te, Mokonga Adengisaande kema da conji, kema ndo ka beku je.Kema nde nnaotoka na dengi aunde ajiga ande.
28
Co, bensikisie Mokonga bosegi,kanyongo nde , Asophi koboame akpe, nnde nnaotoka na dengi. Kabondo , bembedeanege bindo ambongei, bemooke ,bembange.
29
Eya, Mokonga ndeasu ande nsa nde aoyongobeaga.