¹ Iyaá waruta'h+awix+ yu't+riyamama me yu'doce,m+ta wayetuiri t+r+kariya m+ta mey+wenik+ iya t+kakame n+arimama meta kwiniyatsie aix+ mete yurieka. ² Iyaá wareyen+a kaka+yari niukieya meku'xatanik+ meta aix+ mete'yuriekak+ tekwikwíkate wa'hetsie. ³ Iyaá pa+ ti'warah+awe:''tixa+ xekwate'haupiximeni xeyehutsie,meta its+,meta k+tsiuri,meta pani,meta tumini,meta kemari anakaime. ⁴ Tsepa kewa ketá xémeutahax+a, muwa xenayetariyari kepauka xewayak+nerike. ⁵ Tsepa kewa xekwa'hankwewiyanike,kepauka xeme xem+wayak+neke mana kiepa,xeneu'yukatsix+a yu'+katsie m+k+ mete'hetimanik+. ⁶ M+ta m+k+mexi mepayak+kakai meta siere mepek+kakai kierite tsi'yeyeu mukumanetsie,mekuxatat+ niuki hekwá meta aix+'mewayuriet+ naitsarie. ⁷ M+ta Herodes,tetrarca,mepu'enana tinametsie kem+tiy+anekai meta siere me wa+rekai,meta hipat+ mepait+katei kename Juan el Bautista ankúkekai m+kite watsata, ⁸ Meta pa+ tiutay+ kename Elías uyu'hek+atakai,meta akuxi hipat+ xewit+ timaikame meripait+ pankukekai xeimetsie tukari. ⁹ Herodes ta'putay+:''Ne nepentiwite Juan,¿M+ta keane ik+ h+k+ ne yenetita'ena hepastana?''m+ta m+k+ pitiwau mixeiyak+. ¹⁰ Kepauka n+arimama memanuax+a,m+k+mexi pa+ mete'heh+awe Jesús naime kem+tiuyuriekai.M+ta Iyaá warewit+ meta me'pek+ yatewa,kiekarita tiyetewakaku Betsaida. ¹¹ M+ta kepauka m+iret+ memu'enax+ yaran'y+netsie,mepenkuwei.Iyaá waran'kwewi ,meta waruta'h+awix+ Kaka+yari kwieparieya tsie rakunet+kak+,meta M+k+ herie wara'net+ax+a iya keane herie mamaunekukai. ¹² Hik+'ta,tukari paya'axime hamietsie,me yu doce t+riyamama mepu'ax+a m+ta m+k+ pa+ metehe'h+awe: ''Te+teri néwarutatúa m+k+mexi meta meke'hautayeix+ani kiekarite mukumamane'tsie tsiyeyeut+ meta yetapa hurawa memikaxeiyak+ ikwai meta siere kewa meme'yehú, mets+ tekú'teni ya'tewa hautewakaku keta'''. ¹³ M+ta iyaá tiwarah+we:''Xeme xetené'wayetuiri tixa+t+ ikwai metekwani.''M+k+mexi'ta pa+ me putiy+:''Tame tekwahexeiya wa+kawame xeik+a auxume pani meta hutame kets+te,h+rix+a'ts+ te'x+kahek+ne te'heinanaiyuni ikwai yunaime te+teri wa'hetsie mieme''. ( ¹⁴ meta me ''xuawekai naitsarie meyu'cinco mil ukitsi.)Iyaá pa+'tiwarah+awe yu't+riyamama:''Xe'keneukayaxi xe'ukutet+kait+ xeyu'cincuenta't+ kait+.'' ¹⁵ M+ta m+k+mexi pa+ metekak+,me warukayatsax+ yunaime te+teri. ¹⁶ M+ta m+k+ pani an'ku'+ka auxuwime meta kets+te meyu'hutame;M+k+ yu'heima autinieret+,pu'yutanenewi meta kwit+wa warutami ya'papa+meme,t+riyamama mepikamanax+ tsamuritsie yunaime te+teri wa'h+xie. ¹⁷ Meta yunait+ m+k+mexi mete'ukwai yunait+ me'putihuxai,m+ta muyuháyawax+ mepikuxe+ri,tamamata heimana huta tsamuriyari yapapa+meme ayamanet+kaime. ¹⁸ M+ta pa+'tiuy+ mexi Jesús yunenewie yu'xa+taá,t+riyamama hamat+ana me'yukanierit+akai.M+k+'ta waruta'iwawi pa+ tiwarah+awet+:''¿te+teri'ta ke me hait+ka keáne H+k+?'' ¹⁹ M+k+mexi'ta pa+ meteheiya:Juan el Bautista.M+ta hipat+ memait+ka kename Elías, meta hipat+ memait+ka xewit+ timaikame peti'h+k+ meripait+ miemetexi.'' ²⁰ M+ta m+k+ tiwarah+awe:''¿M+ta keane xeme pa+ paine kename ne H+k+?'' Pedro 'ta pa+ tiutaá: ''Cristo Kaka+yarieya.'' ²¹ M+ta Jesús pa+ tiwarah+awe t+r+ka+yemek+,pa+ xe'kwahait+kani xeime hats+a, ²² M+ta hait+:''M+k+ Uki Nu'aya wa+kawamek+ katikwinim+k+ meta siere ukirawetsixi menitixane'eriekuni meta ya'xeik+a me manyetei tatsinitsixi meta te'ut+wamete,m+ta kam+m+k+ meta haika tukari'tsie kanan'kukem+k+ tukari xeime'tsie.'' ²³ M+k+ pa+ tiwarah+awe yu'naime iyamexi: ''X+ka xewit+ xeme pa+ tiuka'eriwani netsi'ankuweiyam+k+, ke' uyuta'imani yu 'hetsie, meta yu'kuruxi ke'utikweni tukari timie kenetsi'uweiyani. ²⁴ M+ta keane pa+ reuyah+wa yu'tukari kuwikwest+ani kanei'yah+am+k+,m+ta keane yu'tukari mauyah+ani ne k+mana kanikwiwíkwest+am+k+. ²⁵ M+ta uki ¿tita ra'iwa ana'i naitasarie kwietsie m+ta x+ka kwinat+rieka rauyeh+ani ya't+ni uyukaúna yu' hetsie? ²⁶ Keane yu' tatewiya ne k+mana meta ne niukik+, Iyaá Uki Nu'aya kayu'titewiyam+k+ k+mana kepauaka mamie'tsie rayaákamek+,meta raya'axe Yaukame meta akerimama aix+ me'anene. ²⁷ M+ta sasúnik+ ne 'xerah+awe,kename me xuawe hipat+ xe'hats+a e'na mekutet+ m+kiriya me kwahetimani akuxi Kaka+yari kwieparieya me kaxeiyawekaku.'' ²⁸ M+ta pau'hura ata haika tukariyari uraniereta,Jesús pu'taniu ik+ niuki,m+ta warankuwit+ yu'hamat+a iya Pedro,Juan meta Santiago, m+ta pan'tit+a h+rimutsie pu'yutanenewi. ²⁹ Mexi'ta m+k+ yu'nenewie,meputiwapirix+ nait+ yu'h+xie meta me pu'ax+a wa'kemarite tutuxat+ pak+ hapa+na me tutúkat+. ³⁰ M+ta e'nai,yu hutat+ ukitsi mete'kuxataákai m+k+ mat+a,Moisés meta Elías, ³¹ keani'mexi me puyuhek+atax+ me utimer+kat+ raáya'akamek+.M+k+mexi pa+ me pait+katei yemiekaik+,meta hurakaik+ Jerusalén ya'tiyinikkaik+. ³² M+ta Pedro meta iyamexi me yu'kanierit+akai M+k+ mat+a,me pexeiyakai hein+tsika a'heteme,m+ta kepauaka m+k+mexi me kutsukai,meta kepauka me man'taninierix+,me pu'xei hek+ariya rayaá'akame m+ta siere yu'hutame ukitsi hamat+ana me yu'kanierit+akai. ³³ Mexi'ta m+k+mexi ya me hautewakai Jesús muwekai'tsie,m+ta Pedro pa+ reh+awe: ''Ti+kitame, aku aix+ ti'ane tame e'na te'kuteni.K+m+ te pitiwewieni haikame kiíte,xeime a'hetsie mieme,xeime 'ta Moisés ha+rieya,xeime 'ta Elías''(m+k+'ta kwarakumaikai kehait+ mainekai.) ³⁴ Mexi'ta m+k+ pa+ hainekai,m+ta haiwi mana puyeyá warukuna,mexi'ta m+k+mexi peputimama haiwi'tsie mexi me hauhukai. ³⁵ Niuki haiwi'tsie pakane,hait+: ''Ik+ ne Niwé h+k+ neménayaha;xeneueni.'' ³⁶ Kepauka niuki maunua,Jesús yukanierit+akai yu'xa+ta.m+ta M+k+mexi kaiwat+ mepu'tamarix+,meta tsime'kwautiy+ kename a'na yuri ya'mete'uninierekai ³⁷ M+ta uxaárieka,kepauka me manakak+ h+ri mutsie,wa+kawa te+teri me pu'yuxe+ri hamat+ana. ³⁸ A'nam+ xewit+,uki pu'tahiwax+ wa'h+xie hait+: ''Ti+kitame,ne metsiwawirie ne niwe neu'xeiya,m+k+ xeik+ ne pe'xeiya. ³⁹ Neunieri ,espíritu yu mamatsie piku'h+we ya pauka'ta putahiwa;putay+y+aka kwaimuxari putahewa.kwa'ihayawa pi'tiwaya t+r+ka+yemek+. ⁴⁰ Ne a t+riyamama ne warutawawiri meme'yen+airienik+,m+ta m+k+ mekwá'uy+wekax+a.'' ⁴¹ Jesús puta'á m+ta pa+ putay+: ''Xeme nuiwari yuri xekwate'erie tsixeteu'iyari, ¿Ke pamex+a tawarie ne'puyeikani xeme xe'hamat+a meta ne'xetinewiriet+? Kena'ini a niwe e'naá''. ⁴² Mexi'ta temaik+ hurawa amiekai,t+kakame n+arieya kwiepa pikah+a meta pitakatsix+ uy+y+akame. M+ta Jesús espíritu tsitiane payen+a meta temaik+ herie penet+a,meta penuit+a yauya hats+a. ⁴³ M+ta m+k+mexi yunait+ me wawa+rekai kentiyurienekai Kaka+yari. Mexi'ta yunait+ m+k+mexi akuxi me muwawa+riket+katei tinaime'tsie ya'tiyurienekaik+,tiwarah+awe yu't+riyamama: ⁴⁴ Xeketeneupit+a ik+ niuki ke'haukahax+ani xe'nakata: iya Uki Nu'aya kayatuiyam+k+ ukitsi wa'mamatsie. ⁴⁵ ''M+ta m+k+mexi me kwa'heitieni ke' utay+ka mutay+kai. Ti'awiet+kai wa'hepasta ,me katehetimanik+ ke' hait+ mainekai. Meta akuxi m+k+mexi marika me pexeiyakai memita'iwawiyakekaik+ ke' utaay+ka mutay+kai. ⁴⁶ M+ta mete'utsut+a me yukweririet+ yu'nait+ keane mayaníkekai an'yakait+. ⁴⁷ M+ta Jesús, wa'iyari mait+,xeime nunutsi tsi'utewime pan'kuwit+ meta yu'aurie peye, ⁴⁸ M+ta tiwarah+awe: ''Keane pa+ reuyeh+aka ke'enkwekwieni ik+ nunutsi ne taukariyak+,meta siere netsiankwewieni Ne; meta keane ya'xeik+a netsihankwewieni Ne,m+ta ya'xeik+a Kaka+yari iya netsiheyen+a m+k+ pankwewie.M+ta xa'eriwani keane h+k+ tsi'mutewi meta yu'naime iyamexi wa'hetsie,m+k+ h+k+ raya'át+ Kaka+yari hepa+sta.'' ⁴⁹ Juan pa+ putay+: ''Ti+kitame, xeime te'puxei t+kakame n+arieya ayan+awame a t+r+kariyak+ m+ta pa+ teteheh+awe ketiuhayawa,kename m+k+ kata'tsiuweiya. ⁵⁰ M+ta Jesús, ti'warah+awe ''Xe'kwahe'ímaiyani''m+ta keane xeme xe'hats+a kwauká m+ta kem+tiyuriene kaxeniparewieka xeme.'' ⁵¹ Kepauka mu'hurarimekai'tsie tukari m+k+ mankukenikekai'tsie,m+k+ heitserimek+ pet+a Jerusalén. ⁵² M+ta M+k+ waren+a h+xiena Kaka+yari n+arimama ,m+ta m+k+mexi me pek+ meta me pautahax+a kiekaripa Samaria aix+ me tekuyurienik+ m+k+ hetsie. ⁵³ M+ta te+teri mana me kwe'enkwewi aime'ta pet+a Jerusalén pait+. ⁵⁵ Kepauka'ta t+riyamama Santiago meta Juan memixei'tsie ik+,m+k+mexi me putiy+: ''Ukiratsi, ¿pa+ pereuyah+wa tetan+ani ke akayani tai ta'heima m+ta wakauna te+terixi?'' ⁵⁴ M+ta m+k+ pautanierix+ iyamexi wa hets+a m+ta pa+ tiwaraeiya, ⁵⁶ M+ta m+k+mexi me pek+ xeitapa kiepa. ⁵⁷ Mexi'ta m+k+mexi me teuyutah+awix+ me uhut+, xewit+ reh+awe m+k+: ''Ne neyemie ahamat+a tsepa kewa pemet+a Ek+'' ⁵⁸ Jesús pa+ reh+awe: '' Kauxaitsi me nexeiyani yu kií,meta wikixi me tehexeiya yu itua,meta Uki Nu'aya kwa'ukakwie meta ka'uxipieni. ⁵⁹ M+ta iyaá xeime pa+ rah+awe: ''Ke'Nenankuweiya.'' M+ta m+k+ pa+ reh+awe: Ukiratsi, neneupit+aka meri ne yau ne teukimie . ''M+ta m+k+ pa+ reh+awe: ''Xekenewaruhayawa me kwikwií me kewarukateuku yu'm+kite. ⁶⁰ M+ta a hetsie mieme, ke nemie ne tawawa tsepa kewa Kaka+yari kweparieya'tsie. ⁶¹ M+ta xewit+ siere tewi pa+ putay+: ''Ne siere neme'tsiankuweiya,Ukiratsi,m+ta neneupit+akats+ meri ne metateuta meta keane ne kie memekutei. ⁶² Jesús pa+ reh+awe ni'xewit+ keane hararutsie meta x+ka yu'kuta uniere, kwatinake Kaka+yari kweparieyatsie