¹ Umaniere´ta Jesus kepauku tiuta´hayawax+tsie yu naime te+teri ken tiwarah+awekai, Capernaum kaneutahani. ² Hik+ta xutarutsixi wa ukiyari, kanexeiyakait+ni yu n+´ari, heyeme kwinimieme ra ya´at+ k+mana, m+k+ tikuyekai siere ta m+ximekai. ³ Kepauku m+k+ aku xutarutsixi wa ukiyari Jesusu tsie mu e´nax+, waren+´a judiotsixi ukiraixi, iwawiriet+ kehamieni´ke m+ta n+arieya herie ke anet+ani´ke. ⁴ Kepauku m+k+mexi Jesus hats+a memuax+a, me´pitawawiri aix+ an´y+nemek+ p+ me´hait+kait+: "M+k+ ka´tekemaka k+mana yepetiyurieni, ⁵ ta´me kiekatarieya ye kwa ta´reueriya, siere m+k+ h+k+ sinagoga mutawewi ta´hetsie mieme." ⁶ M+ta Jesus yu huye kanan´kuweiya wahamat+a. Kepauku M+k+ hula hamiekaitsie, xutarutsix+ wa ukiyari kaware´n+ani yu hamikuma p+ reih+awim+t+: "Ukiyari, wa+ka pe´kwareyupit+aka, né kwa´nerakema ne kita pe mau´tahani. ⁷ Ya umieme ik+ yerany+nek+ ye ne paine kename kanerakema a hetsie ne ye´ani, xeime niuki xeik+a ne yetua m+ta ne n+ari herie kananemi+k+. ⁸ Ne´ta sire tewi ne h+k+tini ne n+ariet+, xutarutsixi newa´n+at+. Ik+ ye netitah+awe "ne mie", m+k+´ta ye mie, xeime´ta "ni´wa" m+k+´ta pa´mie, ne n+ari´ta "ye teuyuri", m+k+´ta ye tikayani. ⁹ Kepauku Jesus mi enitsie, kwa heyutima hetsienamieme m+ta te+teri hamat+ana memu´hukai p+ tiwarah+awe: "P+ nexerah+awe, ni pait+ Israel ne kwa kaxeiyawe m+k+ sasuni eriyerika." ¹⁰ M+ta ke´ane aku memen+ariekai yu kie me pa nuax+a, iyamexi me pukaxei n+´ari aix+ reu´eriekame. ¹¹ M+ta tukari ankayaku yereu´tewikaku Jesus pet+a kiekari´ta Nain tiyetewakaku, m+k+ t+riyamama siere wa+ka te+teri M+k+ hamat+ana me pe´k+. ¹² Kepauku m+k+ muy´aximekaitsie kiekari h+xie, mana xewit+ tewi kanium+kait+ni m+ta kanat+kiekait+ni, m+k+yu tei nu´aya xeik+a yusewikai (mik+ wiura h+k+t+kai), siere ta me yu wa+kawa te+teri mana kiekatari hamat+ana me yu kanierit+akai. ¹³ Kepauku Ukiyari mi´xeitsie, wa+kawamek+ pi´tinenimayatax+, p+ reh+aweta: "Pe kwa hatsuakani." ¹⁴ M+ta M+k+ antiýaka kaniumay+ani m+ki waiyari mayekateitsie, m+ta ke´ane memet+k+kai me wa´ui. M+k+ pu tay+: "Temaik+, ek+ nemerah+awe, nankukexi." ¹⁵ M+k+ uki, m+kikai, kaniutayer+ni, siere´ta kaniutayuani haniut+, m+ta Jesus te´yaya kayetui´rieni. ¹⁶ Umaniere, maa´rika me yunaime wahetsie kaka´teni, m+ta Kaka+yari metekwit+at+ meniyeweiyakait+ni, me hait+kait+: "Kwinie timaikame, kanankukeni ta´hetsie yewet+" siere´ta "Kaka+yari kawa´+wiyani yu t+riyama." ¹⁷ Ik+ niuki ye many+ne Jesus hetsie, mauyutatuax+a Judea naimeyaritsie, siere auriena kwieyaritsie. ¹⁸ Juan t+riyamama naime ye mete´ixat+a Iya tsie. ¹⁹ Umaniere Juan me yu hutame yu t+riyama waruta´h+awixi wa re n+a´ta Ukiyari hats+a pa+ mete heitah+awek+: "Ek+ pe ti h+k+ ke ane nuani, sunu akuxi xeime teta´kwewieka?" ²⁰ Kepauku iyamexi Jesus hatsiana me wa k+nekai, p+ mete heh+awe: "Juan el Bautista kata´ne yen+ani, te mes´ta iwawiyak+: "Ek+ pe ti h+k+ ke ane nuani, sunu akuxi xeime teta´kwewieka?" ²¹ Mana ye´upaukukaku M+k+ herie wara net+a me yu wa+kawa te+teri mete hau´kuye, me yu heiwerie siere t+ka´kame n+arimama wa hetsie me yu kanierit+a, hapa+na me yu waikawa te+teri me kwa haunenierekai waran´tanierit+a. ²² Jesus waruta´ei p+tiwarah+awe´ta: "Umaniere yu huye xe hankuweiyaka, Juan p+ xetene´hexat+a, kexente´unenierix+, m+ta siere kexente´uenana. Te+teri me kwa hauneriere meyetuiriyarie nie´riká, me mau +tsa+wa´ta me pu k+niwawe, me mau etsatsa aix+ me tiy+ne, te+teri me kwa hau enana hik+ me e´nana, te+teri me mu kwi tukari´tsie me pa nunuwa, siere te+teri parewiya me mau yeh+wa, niuki hekwa aix+ many+ne me ku xaxat+ariwa. ²³ Ke ane tewi kwa ti hayawa akuxi, ne hetsie yuri ti e´rie, ke nentikamie; aix+ ti e´rie." ²⁴ Umaniere´ta Juan n+arimama me he k+neku, Jesus pu tayua te+teri tiwa´kuxaxat+wat+ Juan hetsie : "¿Xeme xete hek+ xete he kunierix+ mu xiekariyatsie? ¿U´a katsiekame eka´k+? ²⁵ M+ta ¿tita xeme xete he kuxei? ¿Xeime tewi haukekame kemarik+ haluluanimek+? Xeunieri, iya ke ane memau´ke kemari wichi anenemek+ siere´ta wichi mete haukutei, memayetei ki ampapame wichi aneneme´ta ukiyaritsixi wahats+a. ²⁶ M+ta ¿tita xeme xete hekuxei? ¿Xeime timaikame? x+ka Ne nexetiutah+awe, wa+ka masi ke akuxi timaikame. ²⁷ Ik+ ka h+k+t+ni ke´ane aku muta´utsie: PETINIERE, NE N+ARI NE PAUN+AXIME A H+XIE, KE´ANE AKU AIX+ YURIENI A HUYE A H+XIE. ²⁸ Ne mera´h+awe, iya wa hetsie niuwame uka tsie, xewit+ kwa hau axe Juan hapa+. M+ta aku tewi kwa ra´ya axe Kaka+yari kwiepayaritsie, masi wa+ka hik+ ke m+k+." ²⁹ kepauku te+teri ye´any+neme me mu´eni, siere tumini xexe+riwamete, me putiy+ kename Kaka+yari aix+ tiu kaiyari, me uti´+yarieka, Juan +yariekayatsie. ³⁰ M+ta fariseotsixi siere kwinie mete akumate judiotsixi wa mari´itsikatsie, me putixane´eri Kaka+yari kenti ku´eriwakai yu hetsie miemek+, iyamexi me kwa +yariekai Juan k+. ³¹ "¿Tam+ ke´hapa+, ne netiy+we te+teri ne wa in+ata hik+ me nuiwa? ³² M+k+ t+ri wa´hapa+ me aneneni me waikat+wet+ tituiyatsie, me ankayaxiket+ me hayuh+awet+ p+ me hait+kait+: "Ta´me teteukayuit+a xemek+, xeme´ta xekwate ukanei. Ta´me te putakwikaxi kwi´kari heiweriy+kame, xeme´ta xekwa utitsua." ³³ M+ta Juan el bautista kwa nu´a pani kwat+ siere´ta winu ka iet+, xeme´ta xe mait+ka: "M+k+ t+kakame n+arieya, hetsiena kayukanierit+aka." ³⁴ Ka´nuani Uki Nu Aya, ti kwa at+ ye et+, xeme´ta xemait+ka: "¡Neunieri, Iya uki chikwatiyukuaiwie siere kwinie ti yu iwiet+, tumini xexe+riwamete siere tatakuri mete yu pit+a wa hamiku! ³⁵ M+ta rayukumate, ka matsi+k+ni yunaime niwemamatsie." ³⁶ Hik+ta, xewit+ fariseo kaniu ta´inieni hamat+ana tikwanik+. Umaniere Jesus kaneu tahani fariseo kita, m+ta kanankayerin+ mexa´tsie ti´kwanike. ³⁷ M+ta ana´tsie, uka kaniu´yeikakait+ni mana kiekame wa+ka tatakuri hexeiyat+. Kepauku m+k+ re´tima, kename M+k+ fariseo kitana me´xaya tsie hautikatei, m+k+ uka kaniu´at+ani tek+xi wisti+akame ayamakame. ³⁸ Mexi m+k+ uka, M+k+ wari´tana he´tike ikateya au´rie, ha´tsuat+, kaniutayuani +kateya hawiyat+ yu ukaik+, m+ta kani´tiwatsi+xa yu k+pak+, siere´ta +kateya kaniu ti´itseni m+ta wisti+ak+ kanitiwirieni. ³⁹ M+ta fariseo aku Jesus mutainiekai, ye tiunierix+´tsie, m+k+ yu hetsie ye tiu yu h+awix+, hait+: "X+ka ik+ uki h+k+t+nike timaikame, rakumaikake ke ane h+k+ ik+ uka aku mi kuma+wa, rakumaikake kename m+k+ wa+ka tatakuri tiyupit+a." ⁴⁰ Jesus pita´ei p+ reh+awe´ta: " Simon, yuk+ nemetitah+awe." M+k+´ta pu tay+: "¡Ti+kitame, ye neu´ta y+ki!" ⁴¹ Jesus pu tay+: "Xewit+ tumini tiyu´ni+ni+tiwame wa´re xeiyakai me yu hutame me te epiniriet+. Xewit+ ra´pikai 500 denarios, xewit+´ta 50. ⁴² Kepauku m+k+ me kwa uy+wekax+a mete ekapit+anike, m+k+ me yu hutame tiwareuyah+wiri. M+ta, ¿ke´ane masi yekwareu´eriyakai?" ⁴³ Simon p+reh+awe´ta: "Ne p+ netikueriwa, ke ane masi, wa+ka reiyeh+wiri." Jesus pu´tay+: "Ek+ pereu´xa aix+ anemek+." ⁴⁴ Jesus uka hats+a pa´nua, p+rah+awe´ta Simon: "Ik+ uka petixeiya. Ne akita ne pautahari. Ek+, ha pekwa netsiuhant+a ne +kate´tsie mieme, m+ta ik+ uka yu ukaik+ ne +kate kaniu´tihawiya siere´ta yu k+pak+ kani ti´itieni. ⁴⁵ Ek+ pekwa ne tsi u´itsi, ne nua´tsie pai, ik+ kwa ti hayawa ne +kate itset+." ⁴⁶ "Ek+ ne mu´utsie pe kwa netsiukawiri haceiti chimu´+a, m+ta ik+ uka ne +kate kaniutiwirieni haceiti chimu´+ak+. ⁴⁷ Ya umie ye nemerah+awe, tatakurieya wa+kawakai, pau kuyeit+arie, ik+ ye kwareu´eriya. Ke ane´ta echiwa reuyeh+wiyarie, echiwa rauyeh+wa." ⁴⁸ M+ta m+k+, uka p+ra h+awe: "A tatakuri paukuyeit+arie." ⁴⁹ Iyamexi ma meutitet+ me pu tayua mete hayuh+awet+: "¿Ke ane Ik+ h+k+, aku akuxi tatakuri maukuyeit+wa?" ⁵⁰ Umaniere Jesus, uka p+ ra h+awe: "A sasuni eriyarika ka meniu kuwikest+ani. Ne mie, aix+ anemek+."